53歲周慧敏退修晒完美側顏　凍齡美貌仙氣十足！網民讚：好美的側臉殺

素來有「玉女掌門人」之稱嘅 53 歲周慧敏（Vivian）出道超過 30 年，雖然依家已處於半退出嘅狀態，但佢亦不時都會喺社交網上分享近照。近日佢就 同大家 share 佢去海邊退修嘅相，令唔少網友都忍唔住嗌「女神」！

Photo from 周慧敏/IG

Photo from 周慧敏/IG

周慧敏雖然已淡出幕前，但佢不時都會上傳近照，日前佢就喺 IG 出 Post 指自己同朋友去咗海邊退修：「又是時侯放慢腳步，避靜退修一下，更新所思所想，得力再出發。」

Photo from 周慧敏/IG

Photo from 周慧敏/IG

不過最令大家關注嘅係佢出道多年都 keep 得咁好，十年如一日嘅美貌，相中嘅 Vivian 身穿格仔恤衫以及牛仔褲，並戴上闊邊漁夫帽，打扮簡約得嚟又非常貼地，雖然相中就只見到佢嘅側面，但亦冇損佢嘅仙氣盡現！

Photo from 周慧敏/IG

難怪唔少網友睇到心心眼之外，更驚呼「好美的側臉殺」、「女神好靚」、「靚景同佳人」、「歲月不減當年」！

Photo from 周慧敏/IG

Photo from 周慧敏/IG

Photo from 周慧敏/IG

其實睇番 Vivian 當年嘅相同依家真係冇咩點變，皮膚白滑之餘，仲睇唔到咩歲月痕跡，唔知佢有咩凍齡秘訣呢？！

Photo from 周慧敏/IG

Photo from 周慧敏/IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

「玉女掌門人」周慧敏幼稚園男仔頭難掩小美人氣質　晒畢業相分享讀書往事

11 Dec 2020

今年係聖士提反堂幼稚園嘅 70 週年校慶，而現年 53 歲「玉女掌門人」周慧敏（Vivian）雖然離開校園多年，不過仍一直心繫母校，日前佢就喺其 Facebook 分享校慶特刊嘅專訪，喺訪問中，Vivian 除咗分享當年嘅讀書往事，並上傳幼稚園畢業相，相中 Vivian 嘅雖然以超短髮示人，但亦難掩小美人嘅氣質。

唔少人都知周慧敏由幼稚園開始，到中學都係喺讀聖士提反堂都讀嘅（小三至小六曾轉到另一所小學就讀），而適逢今年係聖士提反堂幼稚園 70 週年校慶，佢就特意重返母校探望一班老師同師弟妹，並接受校慶特刊訪問。

訪問中，Vivian 指自己喺幼稚園時已被老師發掘唱歌演戲嘅天份，佢最記得老師首次邀請佢喺同學面前唱歌，又被老師安排為聖誕節話劇擔演「馬利亞」這個重要角色，仲有一次著靚靚和服參與舞蹈表演等，而當時最開心就係每次表演都可以藉上唔同嘅服飾。

此外佢又笑言每日返學最鍾意嘅時間就係吃茶點同唱歌、繪畫嘅時候。佢形容以前幼稚園嘅課室只係喺副堂內由屏風間隔而成嘅空間，小休時就鍾意坐喺大樹廣場玩，不時仰望中學部嘅大姐姐們。

從 Vivian 上傳嘅幼稚園相中可見，當時以男仔頭示人嘅佢，眼睛大大，十分可愛！

去到中學時期，Vivian 更係合唱團嘅女高音嚟，每年都會參加校際音樂比賽，喺中五時更獲得獨唱及組合冠軍。

同時佢仲熱愛運動係籃球隊嘅一員嚟，不過佢就坦言自己當年嘅學業成績一般，僅喺美術、音樂和體育方面比較出眾，曾經有一個學期更因依三科嘅成績彪炳面考獲全班第一名，令佢反而感到有點慚愧。

不過從 Vivian 上傳嘅嘅畫作中，可見畫功十分細膩。

唔知之後會唔會再開畫展，同大家分享佢嘅畫作呢？！

訪問全文：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）