何猷亨舊愛陳可欣被爆疑似偷食！ 多張親暱照流出 林作：無諗過佢咁瘋狂

曾經同賭王四房兒子何猷亨拍拖嘅陳可欣（Sabrina），近日就被爆出疑似有婚外情，並有多張照片流出，引起網民嘅熱烈討論！

Photo from SabrinaIG

陳可欣（Sabrina）畢業於哈佛大學並且出身富裕，同麥明詩係大學同學，認識唔少圈中嘅名人。佢亦曾經同賭王兒子何猷亨拍拖，仲俾賭王同四太喻為「滿分媳婦」，可惜兩人未能走到最後。後來，佢就於2020年同鋼琴家孟雨晴結婚。

Photo from SabrinaIG

Photo from Sabrina IG

日前，有網民就喺連登討論區開post大爆Sabrina同一名四眼男子有婚外情，而爆出嘅照片疑似係中環嘅一間私人雪茄吧所拍攝，相中兩人表現親暱，仲有激吻嘅照片流出！

Photo from 連登討論區

Photo from 連登討論區

根據爆料嘅post，相中男子叫Johnny Han，被網民踢爆其實佢都已經有老婆，而老婆同Sabrina仲好似係朋友關係，令網民震驚！

Photo from 連登討論區

Photo from 連登討論區

而討論區都有越嚟越多網民爆料，指兩人嘅婚外情其實喺上流圈已經廣泛流傳咗好耐，仲話Sabrina會同老公結婚係因為佢嘅優良基因等傳聞，不過呢啲傳聞嘅真實性就有待確認喇～

Photo from 連登討論區

Photo from 連登討論區

據悉傳媒訪問Sabrina，當被問到係咪相中人時，佢就態度含糊咁話唔回應，表示已經將事件交由律師處理。

Photo from SabrinaIG

Photo from SabrinaIG

Sabrina曾經喺2015年成為林作參選區議員嘅助選團，故此兩人都認識。有傳媒就問林作對呢件事嘅睇法，佢就回覆「佢係良家婦女，有高學歷，咁高質無諗過會咁瘋狂」，最後仲補咗句話 「話唔知就呃你啦」！

Photo from 林作FB

Photo from 林作FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

林作頻頻練拳大曬身材對比圖　網民嘲笑「分唔清邊張before 邊張after！」

7 Apr , 2021

林作近來忙於為9月嘅「百萬擂台賽」做足準備積極練拳，仲喺Facebook話自己將會喺5月1號參加佢人生中嘅第一場公開拳賽。而佢仲上載咗一張身材對比圖，想同大家分享佢呢幾個星期嘅成果。但網民睇完照片之後，都留言表示「究竟有咩分別？！」

Photo from 林作FB

林作同埋富三代鍾培生嘅「百萬擂台賽」就已經落實咗將於9月18號喺九龍灣國際展覽中心Star Hall舉行，所以林作就忙於為比賽練拳，時不時都會喺Facebook同IG上載自己最新嘅練習近況。

Photo from 林作FB

Photo from 林作FB

日前，林作就喺Facebook表示自己已經報名參加5月1號嘅拳擊公開賽，希望借呢個機會熟悉拳賽，仲話歡迎支持佢嘅可以買飛入場睇佢嘅拳擊「處男戰」！

Photo from 林作FB

Photo from 林作FB

除此之外，林作仲上載咗一張自己整嘅身材對比圖，仲喺caption打「幾個禮拜而已」，似乎非常滿意自己嘅身材進展！由照片所見，左邊圖嘅佢大汗淋灕，應該係練完拳之後即刻影；而右邊圖嘅佢就戴住眼鏡、頭髮凌亂，比較似運動前影，但就唔太清楚邊一張先係before同after。

Photo from 林作FB

而網民睇完呢張對比圖之後，都紛紛留言話冇咩分別，亦有好多網民留低好搞笑嘅留言話「係咪沖涼前同後嘅分別？！」、「燈光真係好大分別」等。

Photo from 林作FB

Photo from 林作FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章