45歲梁詠琪罕晒淡妝背心自拍　白滑皮膚獲網民大讚：仲係咁年輕貌美

娛樂新聞

By Celia on 14 May 2021

Digital Editor

現年 45 歲嘅梁詠琪（Gigi）自 2011 年與西班牙籍丈夫結婚後，便淡出娛樂圈，2015 年時混血女兒 Sofia 出生，梁詠琪更將重心放喺家庭及其童裝品牌生意上，甚少再現身幕前。近日佢罕有上傳自拍照，大晒白滑無暇肌膚！

Photo from 梁詠琪/weibo

梁詠琪不時都會喺社交網分享幸福家庭生活，而早前佢更成功考獲法式甜品烘焙文憑，成為法式甜品師，令唔少人大讚佢又靚又叻。近日佢就罕有喺 IG 上傳自拍，並留言：「今日踩咗13個鐘，做了一件好有意義嘅事。好快同你地分享！」

Photo from 梁詠琪/IG

雖然 Gigi 就冇講係咩事，但相中見佢以一頭標誌性的短髮示人，身穿背心，化上一個極淡嘅妝，朝鏡頭露出微笑，就已經相當吸睛！

Photo from 梁詠琪/IG

唔少網民睇見都驚呼 Gigi 咁多年嚟個樣幾乎冇咩點變，皮膚白滑無暇，係凍齡女神嚟：「好靚！仲係咁年輕貌美」、「你是我從小到大的女神」、「我心目中永遠的玉女」

Photo from 梁詠琪/IG

亦有網友指 Gigi 依張自拍有少少顯老，睇到明顯嘅眼紋出現，不過正正因為依啲歲月嘅痕跡，令 Gigi 更有另一種韻味。

Photo from 梁詠琪/weibo

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

梁詠琪曬 20 年前後對比照被讚一模一樣　網民：這是吃了防腐劑吧

18 Dec 2020

梁詠琪近日喺微博發文貼出一張 20 年前後對比照，相中梁詠琪攞住 20 年前嘅國語專輯《短髮》合照，一樣嘅髮型，一樣嘅笑容，網民大讚依然咁靚！

梁詠琪自從 2011 年與西班牙籍丈夫結婚後，逐漸淡出娛樂圈，2015 年混血女兒 Sofia 出生，梁詠琪將重心放喺家庭，好少再出現喺幕前。

Photo from 梁詠琪微博

近日梁詠琪喺微博發文，貼出一張攞住自己 20 年前第一張國語專輯《短髮》嘅對比照，Gigi 仲寫道：「今天重溫多年短髮造型時，無意中對比了一下現在的我，和以前第一張國語專輯的模樣...發現這一頭短髮不經不覺已經陪伴你我成長 20 年，而且剛巧也是一襲淡黃衣、帶著同一個微笑、同一個眼神，繼續做個熱愛生命熱愛生活的短髮女孩」。

Photo from 梁詠琪微博

相中嘅梁詠琪同專輯封面一樣著住黃色衫，一樣嘅短髮、笑容，44 歲嘅佢同 20 年前一樣，依然咁靚，好多網民一睇到張相都大讚 Gigi 冇變過，「20 年過去了，還是沒甚麼變化，依舊那麼年輕漂亮」、「20 年前後無區別，這是吃了防腐劑吧，你說是同一天拍的我都信」、「幾乎沒變，一樣自然清純的美」、「唯一改變的是時間卻還沒改變容顏」。