【開心大綜藝】參考日本大玩「時間停止」?! 加入cosplay/熱舞表演 網民:冇創意

【開心大綜藝】參考日本大玩「時間停止」?! 加入cosplay/熱舞表演 網民:冇創意

娛樂新聞
ByStephanie on 17 May 2021

TVB節目《開心大綜藝》成日都有好多新主題,吸引觀眾收看。最新一集佢哋就大玩「時間停止」、後生仔們跳熱舞等。其中喺「時間停止」嘅環節,佢哋就邀請咗新古裝劇《一笑渡凡間》嘅演員演出,整蠱返劇中嘅演員!

《開心大綜藝》
Photo from 《開心大綜藝》

最新一集嘅《開心大綜藝》就喺琴晚播出咗,佢哋今次仲參考日本嘅橋段,將「時間停止」呢個元素加入佢哋嘅短劇入面!喺呢個環節,佢哋就邀請咗新古裝劇《一笑渡凡間》嘅演員表演,由蕭正楠同江欣燕負責「操控」時間整蠱返其他同劇嘅演員。

《開心大綜藝》
Photo from 《開心大綜藝》

《開心大綜藝》
Photo from 《開心大綜藝》

兩人喺整蠱湯洛雯嘅時候,就不停用冰「折磨」佢,蕭正楠仲大膽到嘗試將啲冰塞入佢件衫入面,不過最終兩人都俾湯洛雯反擊返。之後,兩人繼續諗盡辦法整蠱其他劇中演員,包括強迫張達倫同游莨維接吻、迫周志文食芥末並掏落佢個嘴度等,十分騎呢!

《開心大綜藝》
Photo from 《開心大綜藝》

《開心大綜藝》
Photo from 《開心大綜藝》

節目亦加入cosplay環節,由一眾演員模仿經典卡通人物,包括有哆啦A夢、美少女戰士等出演短劇同埋跳舞,再由歌手大唱耳熟能詳嘅兒歌金曲。

《開心大綜藝》
Photo from 《開心大綜藝》

廣告
廣告

《開心大綜藝》
Photo from 《開心大綜藝》

喺節目嘅尾聲,就由一班《#後生仔傾吓偈》嘅後生仔們大跳熱舞,男主持就穿著籃球服、女主持就穿著啦啦隊服,大曬青春活力!

《開心大綜藝》
Photo from 《開心大綜藝》

《開心大綜藝》
Photo from 《開心大綜藝》

雖然節目組想盡辦法想提供歡樂俾觀眾,但網民嘅評價大多都係認為節目內容唔太吸引為多數:「冇創意」、「真係笑唔出」等。

TVB YouTube
Photo from TVB YouTube

TVB YouTube
Photo from TVB YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook