台灣民眾留家抗疫致工作量增加！外賣員為居家隔離戶送外賣　網民：辛苦了

近日台灣疫情個案急增，當地唔少公司為咗減低員工感染機會亦開始推出在家工作，而市民亦會主動留家抗疫，因此唔少人都會將一日三餐改為叫外賣，令外送員嘅工作量增加。近日就有網友喺 Facebook 一個「爆料公社」中專頁中，就有人上傳咗一張對話截圖感謝佢哋嘅辛勞，引來唔少網民熱議。

Photo from TVB

台灣疫情持續，台北市及新北地區升級至 3 級警戒，當地防疫指揮中心更呼籲大家減少非必要外出，因此唔少人為減低感染風險而選擇叫外送嚟解決一日三餐嘅問題。

而近日喺 Facebook 一個名為「爆料公社」嘅專頁中，就有網友上傳咗一張對話截圖，並留言：「外送員辛苦了」。

從對話截圖中可見，外送員先透過訊息表示「餐點幫你放管理室」，讓顧客自行拿取，而訂餐嘅顧客則希望餐點可以送到其 11 樓住處，便回應說「請幫我送上樓，11樓，謝謝」。但此時外送員坦言「剛剛有送隔離戶，你介意嗎？」，顧客看到依句後，馬上回心轉意同意對方嘅建議並強調「那請放管理室，謝謝」。

Photo from 爆料公社/Facebook

依個帖文一出隨即引嚟唔少網民留言，指疫情下外送員將餐點放喺管理處嘅做法較為安全，同時亦呼籲大家唔好為難外賣員：「有腳的，叫外送真的不必請外送員送到門口，自己腳方便，也請給方便」。

Photo from 爆料公社/Facebook

Photo from 爆料公社/Facebook

不過亦有網民根據截圖中所指嘅情況表示外賣可能已受到污染並建議當事人退單，亦有網民認為「曾送餐到隔離戶」一說，有可能只係外送員唔想送外賣上樓嘅藉口嚟「以後那些不想送上樓的都可以用這招了」、「話術！！」、「這招不錯欸」。

Photo from 爆料公社/Facebook

Photo from 爆料公社/Facebook

而依個貼文更引嚟現職外送員嘅網友：「拜託咧！非常時期請儘量在戶外通風處並戴好口罩取餐，儘量別讓我們進入社區」。

其實，當地嘅外送服務業喺依個非常時期 就有推出唔同嘅防疫措施保障外送員，如 Uber Eats 喺台北地區送餐將強制「放在門口」，並僅接受信用卡交易，實行無接觸送餐，減少傳播風險；而 Foodpanda 亦喺 app 中預設無接觸外送服務，並提醒取餐民眾務必全程配戴口罩，保障雙方降低染疫風險。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）