文頌嫻超凍齡近照仙氣少女味不減！烈日下街跑網民擔心：小心中暑

近日天氣真係可以話「熱到癲」，最高可達 34-35 度，只係要離開陰涼地方，企喺街等車都已經令唔少人流晒大汗，更何況喺跑街呢？不過近日文頌嫻（Annie）就同周家蔚齊齊向極限挑戰，見佢哋跑到面都紅晒，真係睇見都覺得熱呀！

Photo from 文頌嫻/IG

現年 44 歲嘅文頌嫻自出道以嚟已有仙氣女神嘅封號，90年代喺 TVB 嘅古裝劇《天子尋龍》、《金裝四大才子》常出演美女。佢當年喺電視劇《天子尋龍》中扮演嘅「碧瑤仙子」一角，更係唔少人嘅童年集體回憶。

Photo from 《天子尋龍》

Photo from 《金裝四大才子》

而除咗《天子尋龍》外，佢更因為當年拍 TVB 劇集《七姊妹》時與周家蔚、梁靖琪、姚樂怡、佘詩曼、湯盈盈及鍾麗淇結緣，之後仲結為義氣姊妹組成「七魔女」，互相支持至今。

Photo from 文頌嫻/IG

直到 2012 年佢同商人李梓慎（Jason）結婚，並於結婚當天宣布懷孕3個月，誔下女兒 Jamie ，婚後嘅文頌嫻更為相夫教女決定淡出娛圈。

Photo from 文頌嫻/IG

Photo from 文頌嫻/IG

至 2019 年佢先再現身幕前，為好姊妹當時主持嘅 ViuTV 節目《友枱VIP》擔任嘉賓，其後更拍攝電視劇《打天下》，當時令唔少人都大嗌期待。

Photo from 文頌嫻/IG

不過之後佢就再次淡出幕前，但佢亦冇忘記一班粉絲，不時都會喺 IG 晒近照，而近日佢就同周家蔚齊齊挑戰極限，喺烈日當空之下到戶外路步，並留言：「教練吹（雞）想組跑團，over 30度高温下，飛機復航，最後只有我倆成團」

Photo from 文頌嫻/IG

相中見佢同身穿白色 T-shirt 加上黑色長褲，而周家蔚則以黑色長袖上衣加上黑色長褲，真係睇見都覺得熱呀，更何況要喺烈日當空之下路步。而另一張相就見佢哋成面紅晒準備揸車離開嘅相，睇嚟係跑完步要去搵食。

Photo from 文頌嫻/IG

網民大讚文頌嫻保養得宜，唔止外表冇咩走樣，仲同當年古裝美女時嘅美貌相差唔遠，仙氣少女味不減，絕對係凍齡有術呀！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）