李佳芯傳獲城中富豪力追 聖誕出動人造雪機製造浪漫!陳炳銓出動愛犬箍煲都冇用

李佳芯傳獲城中富豪力追 聖誕出動人造雪機製造浪漫!陳炳銓出動愛犬箍煲都冇用

娛樂新聞
ByCelia on 18 May 2021

TVB「視后」兼女神李佳芯(Ali)早前就屢傳與拍拖 6 年男友陳炳銓分手,而佢更曾喺出席活動時就指正處理緊雙方嘅關係,疑似宣佈回復單身!而近日更有消息傳出回復單身嘅 Ali 獲城中富豪力追,為得芳心不惜出動人造雪機氹對方開心。

Photo from Ali /IG

Photo from Ali /IG

現時李佳芯同陳炳銓拍拖 6 年,喺 3 月時屢次傳出分手,當時 Ali 更被發現搬離二人嘅愛巢,入住紅磡服務式住宅,而當時佢就解釋只係為咗方便工作,但拍完劇後,Ali 唔單止冇搬回西貢嘅獨立屋,更從紅磡服務式住宅,再秘密搬到將軍澳一間酒店居住,完全冇返回愛巢之意,就算陳炳銓利用佢哋所養嘅愛犬「豆豉」爭取同 Ali 聯繫見面,藉此箍煲亦冇作用。

Photo from Ali /IG

Photo from 陳炳銓 /IG

而近日就有消息傳出指 Ali 回復單身之後,一直都不愁寂寞,據知有一名 40 幾歲嘅城中富豪,出錢出力追求 Ali,並於去年聖誕節仲特登請咗大班人喺佢屋企開 party,依位富豪更講到明為咗氹 Ali 開心,不惜出動人造雪機,喺豪宅花園草地上製造一場浪漫嘅雪景,睇嚟佢對 Ali 真係出盡冧功喎。

廣告
廣告

Photo from Ali /IG

Photo from Ali /IG

而喺李佳芯嘅 IG 中佢喺今年 2 月時就曾上傳一張佢身在雪中嘅相並留言:「笑著笑著 就下雪了❄️」,相中佢仲笑到四萬咁口就知佢有幾開心喇!

Photo from Ali /IG

雖然佢就冇提到依張係邊個影嘅,但又咁啱係雪景嚟,所以引嚟唔少猜測。不過女神單身,多人追都係正常嘅!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook