姜濤撞樣日本女優 網民:崩潰!返唔到轉頭!

姜濤撞樣日本女優 網民:崩潰!返唔到轉頭!

生活熱話 娛樂新聞
By Cheryl on 20 May 2021
Digital Editor

港產男團MIRROR話題不斷,除咗事業發展經常被關注外,佢哋樣貌都不時被指與不同女星「撞樣」。團體當中嘅人氣王姜濤可能係「撞樣」次數最多嘅成員,繼早前被指同女歌手G.E.M.鄧紫棋似失散姊弟後,今次有網民又有新發現!更加令唔少男網友感到崩潰!

姜濤 FBPhoto from 姜濤 FB

近日,喺連登討論區有一篇名為「呢條女好似姜濤」嘅帖文,圖文並茂指姜濤同25歲日本女優中尾芽衣子撞樣,唔知係咪上載圖片過於露骨,現時帖文已被刪除。

姜濤(右)被指同女優中尾芽衣子(左)撞樣Photo from (左) 連登討論區,(右) 姜濤 FB

姜濤 FBPhoto from 姜濤 FB

中尾芽衣子 TwitterPhoto from 中尾芽衣子 Twitter

但可能太震撼,帖文已被廣傳。網民指出姜B同中尾芽衣子於某部作品封面照尤其相似,話兩人十足姊弟,網民都被嚇到「心都離一離」,紛紛留言表示:「我精神崩潰喇!!」、「計唔到心裡陰影面積有幾大」、「返唔到轉頭了」、「估唔到連睇愛情動作片都逃唔出姜B魔掌!」

連登評論Photo from 連登評論

連登評論Photo from 連登評論

雖然不少網民被嚇壞,但都提升咗部分網友對中尾芽衣子作品嘅興趣,直接問大家攞作品番號,有人問當事人係咪想借中尾欣賞姜B,佢否認,並澄清自己只係想透過作品睇下兩人究竟有幾似樣。當事人都被其他網友稱讚有勇氣:「你真勇士。」

連登評論Photo from 連登評論

連登評論Photo from 連登評論

有網民表示未進入帖文前都唔相信兩人似樣,但一睇完圖就知大鑊,震驚直言:「真係好X似樣!」

廣告
廣告

連登評論Photo from 連登評論

有網友持開放態度,未有被「撞樣」一事嚇退,問道:「『兩姊弟』幾時合作?」睇嚟依位網民內心對姜濤「興趣」被激發起嚟。

連登評論Photo from 連登評論

其實,姜濤都唔係第一次被指同女藝人撞樣。早前已有人認為佢同歌姬G.E.M.鄧紫棋撞樣。

PresslogicPhoto from Presslogic

而姜B一班隊友都「唔失禮」。早前,佢哋嘅演唱會海報被惡搞成女團都毫無違和感!

PresslogicPhoto from Presslogic

連登討論區Photo from 連登討論區

 

Text: HolidaySmart Editorial

 

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel