
微軟創辦人Bill Gates認出軌 曾追求多名女下屬?被爆婚前協議寫明每年要與前女友渡假?
現年 65 歲嘅微軟(Microsoft)創辦人Bill Gates(比爾蓋茨)早前宣布離婚嘅消息震撼全球,一直以嚟 Bill Gates 及其太太Melinda Gates 喺人前都係模範夫婦嚟,可惜依段跨越 27 年嘅婚姻最終無法走到盡頭,令唔少人感到可惜外,更令唔少人好奇二人離婚嘅真正原因。
Photo from Bill Gates/Facebook
約擁逾 1,300 億美元身家資產嘅 Bill Gates 自 3 月宣布辭任微軟董事長一職後,一直致力於慈善事業上,但唔少人認為依啲都係表面嚟,唔少人都覺得實際情況並唔係睇起嚟咁單純。
Photo from Bill Gates/Facebook
其實 Bill Gates 一直以嚟桃色緋聞不斷,以前佢同公司嘅華人翻譯員王喆出軌嘅消息傳聞傳去鬧哄哄之際,佢就僅透過發言人坦承自己有一段婚外情「有過一段婚外情,但以友好的方式結束了」,不過對象就唔係王喆,而係公司嘅其中一位女下屬!
Photo from 王喆/weibo
據知,喺 2019 年時微軟就曾收到一個匿名嘅舉報,對方聲稱 Bill Gates 曾多次追求公司多位女下屬,並與 Bill Gates 發生多年地下情。
Photo from Bill Gates/Facebook
有見及此董事會喺 2019 年底聘請一家律師事務所進行調查期間,一些董事會成員認為 Bill Gates 唔適合擔任微軟董事,但喺調查完成、董事決議前,蓋茲就決定請辭。
怎料不久,Bill Gates 就再宣布與妻子 Melinda Gates 離婚,令人不忍聯想事件是否有關聯!
— Bill Gates (@BillGates) May 3, 2021
其實當年年僅 31 歲嘅 Bill Gates 就成為全球最年輕富豪,有才華、有外型係唔少女生心目中嘅白馬王子嚟!而當時對電腦程式著迷嘅 Melinda 剛畢業加入公司任產品經理,可以算係當年少有加入科技行業嘅女性。
Photo from Bill Gates/Facebook
不久,二人因有著共同興趣好快便擦出愛火, Bill Gates 被 Melinda 嘅幹練同知性深深吸引,當年 Melinda 就曾說過:「佢迷上我嘅原因,好大機會係因為只有我曾喺數學遊戲及桌上遊戲贏過佢!」
Photo from Bill Gates/Facebook
Photo from Bill Gates/Facebook
二人喺 1994 年結婚後,育有三名子女,擁有幸福美滿嘅小家庭。Bill Gates 亦曾喺訪問中指自己一生人中做過最好嘅決定就係同 Melinda 結婚!可惜依位億萬富豪最終都係抵唔住誘惑與女下屬發展婚外情。
Photo from Bill Gates/Facebook
根據外媒報導, Bill Gates 曾喺訪問中提過佢有一位現年 70 歲嘅紅顏知己前女友 Ann Winblad,佢當時指自己甚至跟 Melinda 求婚前,都有徵求 Ann 嘅同意!而佢更大方坦承,自己喺婚前就喺協議中加入「每年會撥出一個長周末,與前女友度假」嘅條件,加上喺 Bill Gates 嘅辦公枱上,亦放有與 Ann 於德國旅遊嘅合照,令人不禁懷疑背後或許有段不為人知、撲朔迷離嘅關係!。
Photo from Bill Gates/Facebook
唔少網民亦認為 Melinda 早已忍受唔到 Bill Gates 嘅多情,所以才痛心作出依個決定。根據當地離婚法規,佢哋夫妻將平分共同擁有嘅財產。而今次 Bill Gates 離婚,二人喺 2020 年就已開始討論如何分配價值逾 1,300 億美元財產。據消息指二人嘅離婚文件中,夫婦二人同意一份分居合約,並會捐出大部分財產,及計畫保留 Bill Gates 慈善基金會共同主席嘅頭銜,即使離婚後亦會一同經營基金會。
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)