倪晨曦晒海邊哺乳照被指唔安全！引網友負皮：為咗like連BB都不顧

倪晨曦舊年同時成為人妻、人母，誕下兒子Virgil。靚媽倪晨曦不時會喺IG晒母子合照，不過早前佢同仔仔影咗輯海邊照片就引嚟網友嘅不滿，指佢不顧BB，只為自己呃like。

女神倪晨曦經常都會喺IG公開各種靚相，自從做咗媽媽之後，佢嘅IG都有唔少同仔仔Virgil嘅合照，盡顯母愛！

日前趁住「520」，倪晨曦喺IG post出同仔仔喺海邊影嘅相片，相中倪晨曦著上黑色禮服裙，大晒fit爆身材，而仔仔就未有著BB衫。倪晨曦擺好晒表情，佢指仔仔畀咗力量令佢相信自己，又教識佢咩係無條件的愛。

成張相影得相當唯美，又tune咗做黑白，好有feel，唔少圈中人都有畀like！不過亦引起部分網友嘅擔心。

有網友見Virgil無著衫仔，驚佢凍親：「你唔驚Bb吹親呀？」；又指倪晨曦抱住個B就咁坐喺岩石上，無任何措施好牙煙：「有個bb不容易即便是藝人模特還是注意安全才是」、「她的神情都跟本表達不到母愛.很差的構圖」、「為影而影，個表情更加唔知佢想表達咩。」

倪晨曦都有一一回覆指當日天氣好熱，而且只係攝影角度問題先會令張相睇落大風大浪咁，其實佢坐嗰舊石好矮。

亦有人力撐佢：「依家好多母乳媽媽都會影相留念 已經興左幾年。」、「肯定影完就即刻包返佢啦 我係一個媽媽 有機會既我都會帶個仔去影。人哋十月懷胎生個仔出嚟呃like？」

倪晨曦之後再出post，強調絕對唔會被浪撲到：「腳踏幼沙，坐在沙灘邊的岩石上，吹著28度的海風，既溫暖又暇逸 #放心浪不會撲過來 #我坐的岩石都很矮 #大家都很安全 #攝影師的角度總是很厲害」

圖片來源：倪晨曦IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）