盧覓雪VS玻璃朱出席《視點31》探討娛樂圈！ 杜汶澤話雪雪「人哋P圖 你都要P㗎」

最近，兩大電視台TVB同ViuTV嘅綜藝節目都引起網民嘅熱烈討論，有唔少名人都對而家嘅娛樂節目有唔同嘅睇法。因此，港台節目《視點31》將會邀請盧覓雪同埋朱庭萱（玻璃朱）一齊討論。盧覓雪亦有喺FB為呢個節目宣傳，不過就俾杜汶澤留言話佢「冇禮貌」應該要學玻璃朱P埋圖先po！

Photo from 玻璃朱FB

港台節目《視點31》向來都會邀請持不同立場嘅人上節目一齊討論區香港大大小小嘅議題，2019年嘅時候就曾經邀請過杜汶澤同陳百祥（叻哥）上節目，而令網民印象深刻！而今日下午節目就邀請咗盧覓雪同埋朱庭萱（玻璃朱）以「娛樂為什麼？」為題展開討論～

Photo from 《視點31》YouTube

Photo from 玻璃朱FB

盧覓雪就曾經喺自己嘅商台節目《在晴朗的一天出發》稱讚組合MIRROR嘅粉絲「鏡粉後援會」好勁，仲喺網上大讚193@ERROR嘅新歌，而佢亦上載咗193後援會送俾佢嘅答謝禮物，大讚而家嘅粉絲神通廣大，非常支持同留意而家嘅當紅歌手們！

Photo from 盧覓雪FB

Photo from 盧覓雪FB

而玻璃朱早前就因為「MIRROR呢啲樣旺角大把啦」嘅呢番言論，當時佢仲舉咗幾個內地明星張藝興、王一博做例子，認為佢哋先係靚仔兼有才華！之後，玻璃朱又喺FB話「希望傳媒唔好將佢同MIRROR放埋一齊，因為唔想幫佢哋宣傳」，令唔少網民認為佢冇禮貌同埋貶低MIRROR。

Photo from 玻璃朱FB

Photo from 玻璃朱FB

盧覓雪琴日就喺FB上載咗《視點31》嘅宣傳照片，呼籲大家一齊收睇節目。而唔少網民都留言大撐盧覓雪：「兩個根本唔同level」、「辛苦雪雪喇～」等。

Photo from 盧覓雪FB

Photo from 玻璃朱FB

而杜汶澤見到盧覓雪嘅FB post之後，就話「雪雪，既然人哋都P到飛起，你無奶油唔一齊P㗎？玩雙P吖嘛！你有冇禮貌架？唉，我嚟嘞！」，並附上一張幫盧覓雪P瘦咗塊面嘅宣傳照，同埋一張玻璃朱素顏嘅宣傳照，非常好笑～

Photo from 杜汶澤FB

Photo from 杜汶澤FB

根據玻璃朱最新嘅post所講，今日原定下午3點播出嘅直播節目將會改成晚上8點，完整版本將會喺兩日後上載到Facebook！而佢就表示自己其實唔想上呢個節目，不過相信節目會提供理性嘅討論空間俾佢哋，認為係一個好機會去幫受網絡欺凌嘅藝人朋友討回公道。

Photo from 玻璃朱FB

兩人對於而家娛樂圈嘅景象都有唔同嘅睇法，相信稍後嘅節目應該可以見到佢哋嘅熱烈討論喇～想睇節目嘅朋友記得留意返港台嘅FB留意最新嘅消息喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）