38歲深田恭子罹患「適應障礙症」！經紀公司宣布暫停演藝活動

日本 38 歲女星深田恭子主演過多部著名電視劇和電影，其健康性感嘅形象係唔少男士心目中嘅女神嚟。而近日佢就透過經理人公司公布將要暫停演藝活動，就連原先定好嘅夏季劇《魯邦之女》嘅演出都會取消。

Photo from 深田恭子/IG

深田恭子過去曾演出過《神啊！請多給我一點時間》、《To Heart》、《初戀那一天所讀的故事》等，而當年佢就因同金城武共演嘅電視劇《神啊！請多給我一點時間》中「葉野真生」一角時，其演技造成話題，亦因此獲得當年第 18 回日劇學院賞助演女優賞（第二女主角獎）。

Photo from 《神啊！請多給我一點時間》

但佢喺日前出席記者會時就被網民指佢瘦至見骨，同之前一身古銅色肌膚，大 sell 健康性感嘅微胖形象落差甚大，令唔少粉絲都擔心佢突然咁大變化，係咪健康出咗問題。

Photo from Kirin_Company/Twitter

Photo from Kirin_Company/Twitter

其實深田恭子屬易胖體質，加上愛食燒肉同甜食，所以導致身形肥胖，仲因此曾被事務所勒令佢減肥。

Photo from 深田恭子/IG

Photo from 深田恭子/IG

不過近日佢就透過經理人公司公布，因為罹患適應障礙症（Adjustment disorder），需暫停演藝活動，包括 7 月喺富士電視台演出嘅夏季劇《魯邦之女》亦會取消。

Photo from fujitv

據了解適應障礙症（Adjustment disorder）一般係指人喺受到壓力後嘅三個月內出現嘅情緒或行為症狀，喺壓力源停止後症狀未持續超過六個月嘅一種心理反應，係一種無法調節壓力嘅心理疾病。而壓力嘅來源往往只係一般可調適嘅壓力，但其反應卻超乎平常，如：喺公眾場合被人辱罵，造成極度嘅心情低落至唔想出門無法上班，甚至不能言語，特別係喺童年期有過創傷經驗嘅人。患者有可以出現焦慮、沮喪、注意力分散等症狀。

Photo from Twitter

而據知深田恭子喺去年春天開始生病，到本月才被醫生確定罹患適應障礙症，為咗令深田恭子可以專心治療，因此深田恭子作出暫停演藝活動嘅決定：「對於帶給大家的不便，我們深感歉意，也請大家以後繼續支持深田恭子。」

Photo from 《Palpito》寫真集

希望深田恭子早日康復喇！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）