公務員哥哥向家人借60萬買樓 網民：冇錢又自私咪學人上車！

香港樓價持續高企，有人為咗上車不惜節衣縮食，有人則選擇四出籌錢。近日，一名港男發文控訴，指哥哥同女友打算買樓，但兩人月入共5萬元，男方亦僅有40萬儲蓄，未能支付首期，欲向家人借錢。作為社會新鮮人嘅事主表示自己無能力答應要求，卻遭親哥責罵，故上網求評理。

Photo from 《婚姻合伙人》TVB

最近，一名港男於連登討論區以「冇錢米（咪）學人買樓啦！」為題發文，表示哥哥同佢女友都任職公務員，最近準備結婚買樓，並心儀一個500多呎單位。但兩人月薪總共得5萬元，阿哥自己也得40萬儲蓄，首期都唔夠畀。

Photo from 《婚姻合伙人》TVB

於是，事主哥哥四出向親朋戚友借錢，更向家人「埋手」，向父親借30萬元，更打算讓父母成為擔保人。佢聲稱日後達到頂薪點，兩人月薪合共有8萬元後便會有錢還。事主睇唔過眼，認為哥哥財力未夠就不應周圍麻煩人。況且，各家庭成員都有個人「壓力」，無咁多閒錢借畀哥哥，認為佢做法不體貼。

Photo from 《婚姻合伙人》TVB

最令事主生氣嘅係，哥哥更問自己借30萬元。事主表示，自己只有2-3年工作經驗，亦需要金錢為個人夢想努力。所以，事主不欲借畀哥哥。豈料，哥哥表示如果事主唔借，就當無佢依個家人。

Photo from 《婚姻合伙人》TVB

Photo from 連登討論區

事件令事主感到錯愕，亦向網民表示佢堅決不會借錢，遂邀請大家評理。唔少網民都不滿事主哥哥態度惡劣，亦質疑佢所指嘅8萬頂薪點要幾多年先實現到，認為中間有太多變數，隨時無法達成，咁事主及家人就永遠都收唔到債。所以，佢哋多數認為事主不應借錢。

Photo from 連登討論區

亦有網民替事主「計數」，考慮過裝修、日後供樓、日常開支等雜項，加上預計會還錢畀非親人先，預算結果為，現年25歲嘅事主要到44歲先可以收齊還款。此預算更係「好彩」情況，該網民補充，如果哥哥同女友中途生仔或洗大咗，事主隨時要等更多年。多位網民都對此精準計算表示佩服，事主亦將此回應置頂，表示同意。

Photo from 連登討論區

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）