港男想50歲提早退休討論區發文掀熱話~ 網民:冇1千萬積蓄同樓揸手咩都唔使諗!

港男想50歲提早退休討論區發文掀熱話~ 網民:冇1千萬積蓄同樓揸手咩都唔使諗!

ByCelia on 04 Jun 2021

唔少打工仔都一定有諗過自己幾時退休,不過喺香港要退休都唔係一件容易嘅事嚟,事關除咗要考慮生活上嘅開支外,如果你本身冇樓揸手,咁就要考慮埋住屋嘅問題,因此早前就有網友喺討論區發文問大家如果要 50 歲提前退休,要有多少嘅金錢儲備先能夠。

w1200

近日有網民喺香港討論區出 post 並以「50歲退休要幾多錢?」為題,問網友如果兩個人一同儲蓄嘅話,到 50 歲要有幾多積蓄先足夠退休。

Photo from discuss.com.hk

貼文一出,有網民隨即為樓主解難,並直言「一仟萬」。有網友就好詳盡咁為樓主分析:「首先要先解決住屋問題,最基本有一層供完既樓,或住公屋,如要供樓的話,已經會用掉一大筆金錢儲備。再以樓主有 85 歲嘅壽命嚟計算,樓主就需要有 35 年嘅基本儲備,如一年以 12 萬作為開支,35 年就需要 420 萬,更還未計算通漲成份。」

Photo from 《退休女皇》

之後,依位網友繼指:「而一年 12 萬還只是最基本嘅開支要求,只能夠勉勉強強地過生活,當然唔好有大病, 亦唔好期望可以有咩享受。」

Photo from discuss.com.hk

該網民亦提到如果樓主有層供完嘅私樓就會好啲,因為喺 55 歲時樓主可以做逆按揭,每個月都會少少收入,咁樣生活就會比較好啲,兩個人夠用之餘, 間中仲可以去吓旅行。

廣告
廣告

Photo from 《香港愛情故事》

因此,唔少網民認為如果要喺 50 歲退休嘅話,最重要嘅大前題就係有自住物業,到 55 歲時就可以用其物業進行逆按揭,換取每個月嘅生活費,再加上唔使擔心父母子女問題,有可能 3、4百萬都可能夠退休後用。所以喺香港只要可以解決住屋問題,咁其他洗費都可靠儲蓄或人工撐住。

Photo from discuss.com.hk

但如果冇自住物業,無辦法進行逆按揭嘅話,想提早喺 50 歲時退休就需要起碼 1,000 萬嘅現金儲備,以作為生活費使用,更要預部分嘅金錢作為醫療開支。

不過 1,000 萬這個數字對唔少香港人嚟講可以話係天文數字嚟呀,無咩事小編都係繼續努力工作先喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook