朱千雪晒9年前參選港姐舊照！轉行後幸福肥 自言唔敢再著泳衣示人

朱千雪轉行成執業大律師後再度現身TVB，以師姐身份出席香港小姐招募記者會，久未於幕前露面嘅千雪BB仍然明艷照人，佢更於IG公開9年前參選嘅舊照，獲網友大讚靚足9年！

Photo from 朱千雪IG

一班港姐師姐現身香港小姐最後召集記招，呼籲大家報名參選。其中已轉行做大律師嘅朱千雪亦有出現，令人非常驚喜。

Photo from TVB

Photo from TVB

朱千雪指老公喺疫情爆發前已來港定居，所以可以同老公朝夕相對，亦因此培養出下廚嘅興趣，當初蒸水蛋失敗後馮盈盈即刻share咗個食譜教佢整，千雪bb話依家自己廚藝有所進步，已學識蒸水蛋同煲湯，但佢冧爆指老公廚藝好好：「我都向佢偷師。」

Photo from 朱千雪IG

Photo from 朱千雪IG

被問到見到好姊妹岑杏賢懷孕中，同老公有無造人大計，朱千雪就表示會順其自然，雙方父母都無催佢哋：「我覺得呢啲無得逼嘅！」

Photo from 朱千雪IG

朱千雪表示參選港姐改變咗佢一生，亦令佢多咗好多好難得嘅經驗。佢雖然久未露面，但仍狀態大勇，完全唔輸畀在場其他仍從事演藝事業嘅港姐，佢更成為師妹陳曉華、陳楨怡嘅「偶像」，兩人喺活動現場不停搵千雪BB集郵影相。

Photo from 朱千雪IG

Photo from TVB

佢謙虛表示自己發福咗少少，被指係幸福肥，佢就話可能係因為依家嘅工作關係，活動較少。千雪BB話佢依家已經唔會再著泳衣見人：「以前後生就唔同，依家無本事咁做。」

Photo from TVB

Photo from TVB

Photo from TVB

朱千雪指港姐訓練令佢學識咗好多嘢，例如化妝打扮，佢指依家嘅自己就知道當初去港姐面試時唔應該著背心去，同埋一定要化妝，唔好素顏示人。

Photo from TVB

Photo from TVB

佢喺IG公開咗9年前參選港姐嘅舊照，唔少圈中人大讚佢咁多年都咁靚！亦有網友指佢談吐得體大方。

Photo from 朱千雪IG

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

朱千雪出席LGBT性別平權研討會！律師look盡顯專業人士感覺！

9 Apr 2021

朱千雪（Tracy）早前投身法律界，正式獲聘成為大律師。雖然佢少有喺幕前出現，但日前佢喺律師樓嘅工作照曝光，律師look令人有耳目一新嘅感覺！

Photo from 朱千雪IG

朱千雪結婚後漸漸淡出娛樂圈，律師樓官網更新咗佢嘅個人檔案，顯示朱千雪喺家庭及婚姻事務、土地等領域擁有豐富經驗。

Photo from 朱千雪IG

佢最近現身幕前，已經係《師父有請（Master's Talk）》同一班好姊妹討論感情問題。

Photo from 朱千雪IG

千雪BB近日喺律師樓參加咗有關LGBT性別平權嘅研討會，探討女同性戀者（Lesbian）、男同性戀者（Gay）、雙性戀者（Bisexual）、跨性別者（Transgender）嘅議題。

Photo from Denis Chang’s Chambers

喺律師樓嘅網頁有公開部分相片，朱千雪一身黑色西裝，同個人照嘅長髮唔同，朱千雪當日將頭髮紮成低辮，但招牌笑容仍然燦爛！

Photo from Denis Chang’s Chambers

Photo from Denis Chang’s Chambers

Photo from Denis Chang’s Chambers

雖然相片唔算清晰，但身為港姐嘅佢美貌依舊，罕見嘅律師工作照亦睇得出佢相當享受現職工作。

Photo from 朱千雪IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）