日本合味道新包裝杯蓋內藏小貓!貼心設計可愛又環保

日本合味道新包裝杯蓋內藏小貓!貼心設計可愛又環保

ByJennifer on 04 Jun 2021

日本嘅合味道杯麵50周年將會換成新包裝!新包裝就咁睇好似平平無奇,但原來杯蓋底隱藏咗一隻可愛嘅小貓!呢個設計仲有另一個超貼心嘅功能!

日本嘅合味道杯麵50周年將會換成新包裝
Photo from cupnoodle_jp

日本嘅設計包裝上面向來都十分有創意,合味道杯麵本來喺杯底就附送一塊貼紙,呢塊貼紙可以喺淥杯麵嘅時候痴住個杯麵蓋,避免喺淥杯麵過程中杯蓋彈起,影響淥麵嘅效果。

合味道杯麵本來喺杯底就附送一塊貼紙,呢塊貼紙可以喺淥杯麵嘅時候痴住個杯麵蓋
Photo from cupnoodle_jp

不過合味道早前就突然發表「道別」訊息,指將會同杯底貼紙say bye bye。

合味道早前就突然發表「道別」訊息
Photo from cupnoodle_jp

合味道指將會同杯底貼紙講再見
Photo from cupnoodle_jp

當時佢並未解釋原因,官方終於「開估」!適逢發售50周年,日清食品公司決定取消貼喺杯麵底部嘅「杯蓋貼紙」,改為用兩個開口,唔洗貼紙都可以令杯蓋蓋實杯麵。

日清食品公司決定取消貼喺杯麵底部嘅「杯蓋貼紙」,改為用兩個開口
Photo from cupnoodle_jp

唔洗貼紙都可以令杯蓋蓋實杯麵
Photo from cupnoodle_jp

一揭起杯蓋,仲會見到一隻流口水嘅可愛貓貓,兩個開口正正就係貓咪耳朵!呢個新設計每年可以節省33噸塑膠物料,可愛又環保!

廣告
廣告

一揭起杯蓋,仲會見到一隻流口水嘅可愛貓貓
Photo from cupnoodle_jp

新設計每年可以節省33噸塑膠物料,可愛又環保!
Photo from cupnoodle_jp

近年日清相當注重環保,喺2019年就宣傳會改用甘蔗嘅植物性樹脂做杯麵包裝,減少製造塑膠廢料同二氧化碳排放量。

日清相當注重環保,喺2019年就宣傳會改用甘蔗嘅植物性樹脂做杯麵包裝
Photo from cupnoodle_jp

喺2020年2月22號「貓之日」,日清就喺Twitter公開咗一張貓咪杯麵概念圖,不過並非真正推出嘅產品,但已有超過10萬人like爆呢個設計,估唔到一年後,呢個貓貓杯麵設計真係成真,推出市場。

2020年2月22號「貓之日」,日清就喺Twitter公開咗一張貓咪杯蓋概念圖
Photo from cupnoodle_jp

之後食杯麵都會見到流口水貓貓,可能會令個杯麵更加美味!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook