90後新入職文員竟然唔識打中文!網友反應兩極:唔識打字學咩人返工!

90後新入職文員竟然唔識打中文!網友反應兩極:唔識打字學咩人返工!

ByCelia on 07 Jun 2021

喺寫字樓返工,識打字相信係嘅基本入職要求,但時下原來唔係每個打工仔都識得打字。早前有網友就喺網上討論區發文指佢嘅一位 90 後新入職同事居然唔識打中文,只會手機筆劃及語音輸入,因而令本來好簡單嘅工作變得復雜,令樓主非常頭痛。

Photo from TVB

正所謂每一行都會有佢必定嘅技能需求,而文員嘅基本需求就係打字,但近日有網友就發現原來已經唔係必然定律,有網友就香港討論區出 post 並以「新同事唔識用電腦打中文」為題,分享因新同事唔識打中文輸入法嘅趣聞!

Photo from discuss.com.hk

樓主喺貼文中指依位新同事返咗一個星期,之前幾日都係幫手處理吓文件同埋影印文件,就咁睇一切都好正常,點知叫佢幫手將資料輸入電腦就出事喇!

樓主指新同事向佢坦白指自己唔識用電腦打中文,平時用電話打中文都只會用筆劃或者語音輸入法,仲反問樓主應該點算。最後只好叫依位新同事先喺電話中輸入資料,之後再透過 Whatsapp send 給自己,再 copy 去電腦,最後更需要特意刪除 Whatsapp 通話紀錄,以及防資料外洩。

Photo from TVB

不過最令樓主驚訝嘅係現時嘅年輕人唔會打速成或倉頡。之後樓主更補充指派畀新同輸嘅工作,本來就只需要打第一行,其他只要 copy & paste 就搞掂,比平時花多咗兩倍時間。

Photo from TVB

廣告
廣告

貼文引嚟咗唔少嘅討論,有網民有認為應徵得文員識打字係基本嘢嚟,並指出喺依位同事見工時正常應該喺履歷上就會列明有否相關技能,所以唔會中文輸入法卻能成功任職,好明顯係 HR 辦事不力。

Photo from discuss.com.hk

同時亦有網友分享相同嘅經歷,直言同事只會語音及手寫,令其工作效率極低。當然有啲比較 mean 嘅網友就提議樓主唔好浪費時間教,請過第二個同事好過:「唔識打字學咩人返工」、「教得嚟都浪費時間」。

Photo from discuss.com.hk

不過亦有人力撐依位新同事,指速成、倉頡難學,同語音或者筆劃仲快啲:「好出奇嗎? 我用 iPhone 語音輸入然之後 send email 俾自己」。

Photo from discuss.com.hk

其實到底邊套輸入法打得快嘅,真係好視乎每個人自己嘅習慣,無論用咩輸入法都好,最重要係可以完成手上嘅工作就得喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook