盤點8個日清合味道創新特別商品 超可愛杯麵麻將/浸浴粉係杯麵湯底?!

日清合味道係世界上首款杯麵，喺1971年正式出售，至今已經成立咗50年！期間，日清亦推出過唔少有趣奇特嘅產品，延續佢哋品牌破格嘅研發精神，每次可以都俾到唔同嘅驚喜大眾～

Photo from 日清合味道Twitter

杯麵環保袋

呢款環保袋嘅外型就正正係傳統合味道杯麵嘅設計，袋嘅size一共有3個大小，任君選擇，完全可以滿足到唔同類型嘅客人，而且袋嘅容量亦非常大，絕對唔需要擔心會有唔夠裝嘅問題啊！

Photo from 日清合味道IG

Photo from 日清合味道IG

杯麵保溫杯

呢款保溫杯嘅尺寸同平時大家食開嘅杯麵一模一樣，杯麵同保溫杯嘅配搭意外地非常夾，令大家喺飲水嘅時候都好似享受緊杯麵咁，係十分搞笑嘅設計！

Photo from 日清合味道IG

Photo from 日清合味道IG

謎肉懶人豆袋

謎肉其實就係指杯麵裡面嘅乾燥肉粒，估唔到日清品牌仲為佢設計咗個產品！呢款豆袋嘅設計非常像真，外表睇落仲有肉塊嘅油光，相似度極高～喜歡杯麵嘅你，一定要坐喺巨型謎肉豆袋上面食住杯麵，應該別有一番風味～

Photo from 日清合味道IG

Photo from 日清合味道IG

杯麵鎖匙扣

呢款鎖匙扣好實用，而且仲有圈圈位置俾大家同時扣住幾條鎖匙，鎖匙套仲喺杯麵裡面嘅乾燥蔬菜，非常可愛！除此之外，鎖匙扣裡面仲有伸縮帶，就算大家將鎖匙扣掛咗喺袋，都可以好方便咁開門～

Photo from 日清合味道IG

Photo from 日清合味道IG

杯麵彩帶

「杯麵彩帶」就好適合喺開派對嘅時候用喇！外型係甜筒形狀嘅合味道杯麵設計，拉開之後就會有好似麵條嘅黃色彩帶，同埋蝦子、謎肉同埋蔥花造型嘅碎花，就好似將杯麵倒出嚟一樣～

Photo from 日清合味道IG

Photo from 日清合味道IG

杯麵麻將

「杯麵麻將」嘅外型就同大家一向所玩嘅傳統麻將有啲唔同，牌上面全部都係唔同口味嘅杯麵，造型好得意，鍾意打麻將嘅你一定會鍾意！唔知佢嘅玩法有會唔會好唔同呢？！

Photo from 日清合味道IG

杯麵毛帽

當你戴上呢款「杯麵毛帽」嘅時候，就好似將成個杯麵倒轉咁放喺頭上一樣，所有嘅麵條同餸菜都倒瀉曬，創意十足，趣味無限！

Photo from 日清合味道Twitter

杯麵溫泉浸浴粉

日本人鍾意浸浴係大家眾所周知嘅事，而日清就好搞笑咁將溫泉粉嘅外型設計成杯麵湯包。睇返張宣傳圖片，浸浴粉嘅顏色亦不禁令人聯想到杯麵嘅湯底！唔知大家又會唔會想試下用「湯底」浸浴嘅感覺呢～

Photo from 日清合味道Twitter

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）