姜濤開騷掟走$3000帽!入《調教》營被媽媽追數 網民:衰仔見係公司嘢先敢掟

姜濤開騷掟走$3000帽!入《調教》營被媽媽追數 網民:衰仔見係公司嘢先敢掟

娛樂新聞
ByCheryl on 10 Jun 2021

組合MIRROR中嘅人氣王姜濤日前為《Chill Club》演唱會獻唱,小休復工嘅佢狀態大勇,表演時更High到將頭上價值$3000嘅帽掟落台!連經理人花姐都大感愕然。另外,於熱播中嘅ViuTV節目《調教你MIRROR》中,姜濤喺入營前透露收到被媽媽追數嘅「最後短訊」,乖仔嘅佢亦立即回覆「已轉帳家用」。

姜濤 FB
Photo from 姜濤 FB

早前,姜濤曾於個人IG上大呻「對一切感到疲倦」,令粉絲擔心不已。但佢放假休息後已回復狀態,回歸社交平台大po搞笑限時動態。

姜濤 IG Story
Photo from 姜濤 IG Story

最近,佢復工上《Chill Club》演唱會表演,唱出經重新編曲嘅處男solo歌《一號種籽》,又加插帽子舞。途中,姜濤唱到興起,將頭上值$3000元嘅黑帽用力掟走!令台下粉絲情緒更加高漲。幸好,帽子最後無成為垃圾,佢被姜濤髮型師幫忙拾回,姜濤之後都有喺IG上呼籲Fans齊齊多謝佢!

姜濤 IG
Photo from 姜濤 IG

姜濤 IG
Photo from 姜濤 IG

事後,姜濤喺社交網站上載佢「多角度掟帽」片段,寫道:「唱一半有感覺~$3000多的帽子給它丟下去,老師瘋了...公司傻眼了...心想怎麼撿回來...我爽了~」

姜濤 IG
Photo from 姜濤 IG

姜濤 IG
Photo from 姜濤 IG

片尾仲見到經理人花姐一臉愕然,一眾粉絲都覺得好搞笑。而隊友邱士縉(Stanley)都有留言讚佢係「天王姜」。鬼馬姜B亦係回覆朋友時自爆:「公司買的我才敢丟。」有網民笑言:「衰仔見係公司嘢先敢掟!」

姜濤 IG片段
Photo from 姜濤 IG片段

姜濤 IG評論
Photo from 姜濤 IG評論

廣告
廣告

姜濤復工後曝光率急速回升,除咗出席演唱會外,近期亦有節目《調教你MIRROR》正在ViuTV熱播。節目中,MIRROR十二子入Camp後被導師梁祖堯沒收電話,並透露最後短訊內容。姜濤表示佢前一日被媽媽「追數」,所以發短訊通知媽媽已將家用轉到其戶口,盡顯孝心~

《調教你MIRROR》ViuTV
Photo from 《調教你MIRROR》ViuTV

同一節目中,導師梁祖堯要改善MIRROR各人關係,令佢哋更團結。所以,佢刻意將年紀相約但又非常唔熟嘅姜濤同Tiger「撮合」一起,更要求二人Keep住「每次傾五十句偈」。Tiger表示,佢哋以前連招呼都唔打,而且Tiger見姜濤成日戴住耳機,「個樣好似嬲咗成村人咁。」但傾偈後,Tiger認為二人關係有顯著改善,雙方已接受對方,亦了解到原來姜B鍾意運動同睇戲。

Tiger Yau 邱傲然 FB
Photo from Tiger Yau 邱傲然 FB

姜濤 FB
Photo from 姜濤 FB

梁祖堯亦同意,認為姜濤有種「你唔好搞我」嘅氣場,不過呢家已了解原因,覺得佢應該係好肚餓,「因為姜濤做嘢之前係唔食嘢,我肚餓都係咁樣!」梁祖堯表示:「入到Camp認識真正嘅佢,呢條友低能㗎喎!原來低能都唔足以形容佢,佢係一個比細路仔更加細路仔嘅人,其實呢個反差點都係我自己偏見,我都冇嘗試過去了解佢。」

《調教你MIRROR》FB Live
Photo from 《調教你MIRROR》FB Live

其實姜濤都唔係咁Cool,早前佢同蔡卓妍(阿Sa)為HPV廣告上網台節目玩遊戲,姜B即場清唱咗幾句阿Sa金曲《小酒窩》,阿Sa大感驚喜。另外,姜濤被要求擺出阿Sa嘅最Chok甫士時,佢好識做咁話:「唔使擺啦!佢點擺都咁靚!」哄到阿Sa鬼咁開心,冧爆話:「姐姐好開心呀呢家!」

蔡卓妍 IG
Photo from 蔡卓妍 IG

姜濤 FB
Photo from 姜濤 FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook