朗廷推「百萬奢華Staycation」7天套餐!私人飛機來回上海包直升機及房車接送、豪嘆米芝蓮

朗廷推「百萬奢華Staycation」7天套餐!私人飛機來回上海包直升機及房車接送、豪嘆米芝蓮

ByCheryl on 11 Jun 2021

最奢華Staycation嚟喇!朗廷酒店為慶祝156週年聯同上海新天地朗廷酒店合作舉辦「朗廷極緻奢華」住宿套餐。短短7天嘅行程足足要價超過港幣100萬!!如果身邊有有錢人都可以推介佢哋試下!百萬行程有咩玩,即刻同你逐項細睇!

香港朗廷酒店
Photo from 香港朗廷酒店

整個行程分成4日香港及3日上海,坐VistaJet 私人飛機來回往返香港和上海、當中可享專賓利名、勞斯萊斯等貴房車接送往返酒店及機場、乘搭直升機觀賞香港景色、豪嘆米芝蓮盛宴、專人帶領當地一日遊。

T'ang-Court-Cantonese-Restaurant-Hong-Kong-Dining-1M

香港行程

#第一天
⦁ 賓利豪華房車將接載前往香港朗廷酒店。

#第二天
⦁ 早上到室外頂樓泳池放鬆,及享受日光浴。
⦁ 下午則到「川」身+心體驗60分鐘按摩服務,喚醒身心活力。
⦁ 晚上可於米芝蓮三星食府唐閣嘅私人包房內享受五道式晚餐配葡萄酒。

#第三天
⦁ 喺香港朗廷酒店首席禮賓師Steven Wong帶領下,客人將乘坐五星級私人直升機俯瞰維多利亞港、香港島和九龍景色。之後再到西貢郊野公園的山巒上空,一覽世界最高嘅戶外青銅坐佛像。
⦁ 由上環直升機場出發,只需幾分鐘便可抵達位於中環卑利街嘅粵東磁廠,欣賞由專業工匠製作嘅精緻瓷器過程,同佢哋一起製作手工工藝品。
⦁ 下一站到中環碼頭乘坐豪華遊艇Milkyway,並於維多利亞港上遊覽,包括香港仔灣特有的傳統舢板船、以及遊覽淺水灣一帶。
⦁ 晚上到維多利亞港旁嘅尖沙咀星光大道,欣賞名人嘅手印和雕像。

香港朗廷酒店
Photo from 香港朗廷酒店

香港朗廷酒店
Photo from 香港朗廷酒店

#第四天:香港到上海
⦁ 坐賓利轎車到私人機場,再乘坐VistaJet私人飛機前往上海。
⦁ 著陸上海後,會有勞斯萊斯轎車迎接客人,沿路可欣賞有「東方香榭麗舍大街」之稱嘅淮海路。

The Bund

上海行程

廣告
廣告

#第五天(早上半天遊)
⦁ 喺首席禮賓師Dennis Wang的帶領下,欣賞濱江歷史悠久嘅宏偉建築、俯瞰黃浦江滾滾流水。
⦁ 遊覽豫園,豫園佔地2公頃(5英畝),係一個由明代亭台樓閣、精緻假山、拱橋、金魚池等組成之迷宮,同時被起伏嘅龍牆包圍著。
⦁ 遊覽老上海街,細味清末民初氣色。

#第六天(半天下午茶)
⦁ 專車接送到玉佛寺,觀賞各種雕刻,及用純玉製作的超然佛像,同時免費體驗書法書寫。
⦁晚上,在Dennis帶領下到泰康路逛工藝品商店。

#第七天:上海到香港
⦁ 登上專屬VistaJet私人飛機返回香港。

香港朗廷酒店
Photo from 香港朗廷酒店

Wu Kang Building

「朗廷極緻奢華」住宿套餐包括:
⦁ 來回 VistaJet 私人飛機往返香港和上海​​,可供6位客人同時乘搭
⦁ 於VistaJet 私人飛機上享用頂級美食體驗
⦁ 香港朗廷酒店主席套房三晚住宿(可容納四人),以及董事套房住宿三晚(可容納二人)
⦁ 上海新天地朗廷酒店主席套房住宿三晚(可容納四人),以及總統套房住宿三晚(可容納二人)
⦁ 六人橋車接送服務往返香港機場和上海機場
⦁ 於香港朗廷酒店「川」身+心享受六人60 分鐘按摩
⦁ 香港朗廷酒店米芝蓮三星食府唐閣六人五道菜晚餐配葡萄酒
⦁ 由上海新天地朗廷酒店首席禮賓師帶領的上海本地一日遊
⦁ 由香港朗廷酒店首席禮賓師帶領的香港本地一日遊(包括私人直升機之旅和豪華遊艇體驗)

香港朗廷酒店
Photo from 香港朗廷酒店

香港朗廷酒店
Photo from 香港朗廷酒店

香港朗廷酒店
Photo from 香港朗廷酒店

入住時間:於中國大陸和香港口岸開通後的六個月內
預訂時間:提前4星期
價格:由港幣$100萬起

*同時,凡預訂此住宿套餐,酒店將會捐贈港幣$4,5000予明德兒童慈善基金,以提供免費手術幫助有需要嘅小朋友。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook