新加坡速遞員與人妻譜出送貨情緣 為愛不惜合謀騙取家人超過88萬港幣!

新加坡速遞員與人妻譜出送貨情緣 為愛不惜合謀騙取家人超過88萬港幣!

生活熱話
By Stephanie on 17 Jun 2021
Digital Content Writer

雖然好多人都認同「愛要及時」呢句話,但過份盲目就好容易會做出錯嘅決定!近日,新加坡一位28歲嘅速遞員就因為上門送貨而認識47歲嘅人妻,並且開始呢段不倫戀。然而,人妻後來因為生意經營不順而要求速遞員向家人「借」錢,但實際上兩人係合謀一齊騙錢,導致速遞員家人最終大義滅親,決定報警。

TVBPhoto from TVB

「愛情令人盲目」呢句話相信大家都聽過,而且好多人都十分認同呢句話。日前,新加坡就有位28歲嘅速遞員賴子寅因為送貨上門而認識47歲嘅郭淑君,兩人第一次見面之後隨即交換咗電話號碼,郭女士後來仲專程雇用咗賴先生做佢私人速遞員幫佢送貨。

TVBPhoto from TVB

微博Photo from 微博

兩人後來日久生情,然而郭女士其實已經係一位人妻,並且育有兩個小孩。儘管兩人相差約20年,但冇影響到兩人濃濃愛意,兩人發展成婚外情關係。

TVBPhoto from TVB

郭女士平時經營手袋生意,佢因為周轉不靈而開始向賴先生借錢8000新加玻元(約港幣4.7萬)。後來,郭女士仲開始教唆賴先生想家人騙錢,首先叫賴先生以買車為由,向父親借9000新加玻元(約港幣5.3萬);後來賴先生再以加學費為由向母親下手,成功借到5778新加坡元(約港幣3.4萬 )。

廣告
廣告

TVBPhoto from TVB

郭女士並冇因此而滿足,開始教導賴先生用其他方式騙家人:從賴父親手中再騙取8萬新加坡元(約47萬港幣),其中7.7萬新加坡元(約45萬港幣)係賴先生直接匯入郭女士女兒嘅戶口,果然愛屋及烏!後來,賴先生連妹妹都唔放過,騙取妹妹1000新加坡元(約5900港元)。

TVBPhoto from TVB

賴先生嘅家人們後來忍痛報警,兩人前前後後總共騙取咗賴家庭超過15萬新加坡元(約88萬港幣)!賴先生被判入獄15個月,雖然佢並非案件嘅主謀,不過利用自己家人嘅信任騙取巨額款項,行為並不可取。而郭女士就因為並不認罪,案件依然受審中。

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel