網民大呻同事連續三星期「射波」兩日 工作量大增 網民:佢係善用公司福利

網民大呻同事連續三星期「射波」兩日 工作量大增 網民:佢係善用公司福利

ByStephanie on 23 Jun 2021

相信大家都一定有試過生病時,向公司或者學校請假。近日,有網民就喺討論區話自己嘅同事呢個月已經連續3個星期攞兩日病假,好明顯係想自製長假期,令佢非常憤怒,並且向大家詢問應該點做好!

TVB
Photo from TVB

最近,有位網民就喺討論區大呻同事嘅請假「威水史」,佢表示呢位同事由6月開始就連續3個星期請兩日嘅病假,好明顯係為自己製造長假期。由於佢已經喺公司工作咗2兩年幾,所以應該係將以前累積落嘅假期一併用埋。

香港討論區
Photo from 香港討論區

網民仲話呢個星期,呢位同事又開始「扮嘢」,喺食飯嘅時候出咗去,但一返到公司就成身都係藥油味。網民同其他同事都立刻估到佢係想「射波」,果不其然嗰位同事又再連請兩日假!

TVB
Photo from TVB

該網民就話佢哋係從事飲食業嘅,所以工作時非常忙碌。佢哋一team只係得4個人,導致其他同事們都要做埋佢嗰份!而本身呢位同事嘅工作效率已經好低,經常整爛嘢,即使做咗兩年依然咩都唔識做,令好多同事都因此而討厭佢。

TVB
Photo from TVB

廣告
廣告

該網民就話自己已經向上頭反映過,不過就因為上司怕麻煩而未有作出任何行動,令網民忍唔住詢問大家意見,究竟可以點樣「對付」呢位同事!

TVB
Photo from TVB

而唔少網民都喺下面留言話遇到呢種同事真係好黑人憎,認為佢呢個舉動仲會大大影響到其他同事;有部分網民就覺得呢位同事只係善用公司嘅福利,鼓勵網民都用同一個方法對應。

香港討論區
Photo from 香港討論區

香港討論區
Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook