港男接受唔到媽媽沉迷BL劇《大叔的愛》 連女友都有睇 港男︰咁樣真係正常咩?

港男接受唔到媽媽沉迷BL劇《大叔的愛》 連女友都有睇 港男︰咁樣真係正常咩?

生活熱話
By Stephanie on 02 Jul 2021
Digital Content Writer

由日劇改編而成嘅ViuTV電視劇《大叔的愛》開始播出並且大受好評,引起大家嘅熱議!日前,有港男就大呻接受唔到媽媽一把年紀仲喺度睇BL劇,然而自己女友仲表示好正常,令佢十分驚訝!

《大叔的愛》Photo from 《大叔的愛》

ViuTV最近播出嘅《大叔的愛》由黃德斌、MIRROR成員呂爵安(Edan)同盧瀚霆(Anson Lo)所主演,譜出一段三角戀,爆笑嘅演出令劇集成為咗呢個星期嘅熱話。日前,有位港男就喺討論區大呻話接受唔到自己啊媽一把年紀喺度睇BL(Boys’ Love)電視劇!

香港討論區Photo from 香港討論區

《大叔的愛》Photo from 《大叔的愛》

呢位港男表示呢幾晚媽媽都會準時收睇《大叔的愛》,每次睇都笑得好大聲。而媽媽仲同佢講自己已經睇咗日版,覺得好好睇,所以先決定追埋香港版!

TVBPhoto from TVB

港男就話雖然知道媽媽本身就係好開通嘅人,但冇諗過媽媽會去到睇BL劇嘅地步,令佢覺得媽媽嘅行為好反常!然而,當佢同女友講返呢件事嘅時候,女友就表示「好正常啊,我都有睇!」,令港男不禁開post詢問網民呢種現象真係正常咩?!

廣告
廣告

TVBPhoto from TVB

大部份網民睇完之後,都認為係港男太過小題大作,覺得佢媽媽都只係想睇電視劇輕鬆下,勸喻港男要變得開通啲;亦有部份網民表示好理解港男嘅睇法,因為佢哋都唔係好接受到 男男戀,仲留言話「好唔明白點解有男人會睇呢套劇」等。唔知大家又對呢套劇有咩睇法呢?

香港討論區Photo from 香港討論區

香港討論區Photo from 香港討論區

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel