單身7年男士相睇50次均失敗！自製excel表紀錄嫌棄女方單親家庭/太矮/染七彩頭髮

單身人士想結識異性可能會用交友APP或參加speed dating，喺內地一位單身咗7年嘅男士相睇過50次，但次次都失敗，佢公開自己製作嘅excel表紀錄相睇失敗原因，卻被網友直斥佢要求高，搵唔到女友係「活該」。

Photo from TVB

中國杭州一名男士喺網上發文指自己單身7年，準備出席第50次相睇，佢形容過程好似見工咁。樓主自稱條件唔差，身高有180cm以上，年薪亦有15萬人民幣（約港幣$18萬）。

Photo from TVB

Photo from TVB

樓主有身高、薪金水平亦唔錯，對自己嘅職業生涯亦有所規劃，佢指將有計劃考證或創業。近呢兩年相睇50次，但全都失敗告終，樓主公開佢紀錄嘅excel表格，透露自己每次相睇唔成功嘅原因，佢表示自己其實都唔係太挑剔：「畢竟婚姻不是兒戲」，樓主寧願遲啲結婚，都唔想求其揀一個對象，成為「二婚男人」。

Photo from TVB

Photo from 微博

從樓主嘅紀錄表嚟睇，介紹人、約會地點、唔適合理由、相睇結果等都列明得一清二楚。呢50次相睇中，介紹人包括：爸爸、大伯、小姨、表姐、二嬸等親戚、媒婆、媽媽朋友、徵婚平台。

Photo from 微博

Photo from 微博

Photo from 微博

Photo from 微博

雖然介紹人有好多，但每次都失敗，樓主亦詳盡紀錄原因，多數係佢嫌棄女方，理由各種各樣，其中有好大比例係佢嫌對方「胖」，亦有因為佢覺得女方太矮身高得150cm，仲有嫌女生染「非主流，五顏六色的頭髮」。

Photo from TVB

Photo from TVB

相片同本人唔一樣都成為樓主覺得唔適合嘅理由。除咗外型之外，單身家庭長大嘅女生樓主亦唔中意。

Photo from TVB

樓主有時會同相睇對象約出嚟見面，但有時就只用微信溝通，大部分女生因為對樓主「愛理不理」嘅態度而被樓主認定雙方「唔適合」交往，而女生若唔同意交換照片亦都被樓主分類為「唔適合」。

Photo from TVB

樓主表示同相睇對象聯絡，如果對方喺72小時內唔回覆佢，佢就會「拉黑」block咗對方，之後佢更將回覆期限縮短到24小時，樓主直言：「有那麼忙嗎？回一個消息有那麼難嗎？」

Photo from TVB

佢又不滿媒婆亂介紹對象：「只要是個女的就給我介紹」。喺樓主嘅相睇紀錄表公開後，引起網民熱烈討論，有人認為樓主「單身都是有原因的」，直言佢要求太多，相睇咗50次都無女生睇上佢，證明佢條件都麻麻，應該要反省下自己。

Photo from 微博

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）