李璨琛風雨下外出 LUCY極力阻止 特登仆低引媽媽關懷 網民:爸爸掛住扮靚!

李璨琛風雨下外出 LUCY極力阻止 特登仆低引媽媽關懷 網民:爸爸掛住扮靚!

ByCheryl on 21 Jul 2021

藝人李璨琛嘅女兒李元元(Lucy)憑著搞怪可愛嘅性格成為炙手可熱嘅幼兒界KOL。日前,本港受暴風雨影響下,李璨琛仍打算外出,Lucy擔心爸爸出門安危便大聲勸喻「唔好出去!」,其後更跌倒,卻未獲家人理會。

李元元 IG
Photo from 李元元 IG

45歲李璨琛(Sam)與太太梁志瑩(Sophia)於2017年誕下女兒李元元(Lucy)後,便將Lucy打造成幼兒KOL,媽媽Sophia經常將女兒嘅搞笑表情及日常生活照上載到社交平台,廣受網民喜愛,更吸引多個品牌發出代言邀請。

李元元 IG
Photo from 李元元 IG

日前,Lucy又有新片發佈,影片顯示佢同爸爸Sam於屋內,窗外正下著大雨。Sam當時正換衫準備外出,Lucy見狀便重複大叫:「好大雨呀!你唔好出去呀!好大雨呀!我幫你望下啦~」

李元元 IG
Photo from 李元元 IG

Lucy極力勸喻爸爸唔好外出,但Sam繼續執拾細軟未有理會。之後,Lucy走到窗邊幫爸爸視察屋外環境,轉身返廳時不慎跌倒,然後佢邊站起身邊大聲向爸爸求救:「爸爸~我撻親呀!」可惜都沒有獲爸媽關心。

李元元 IG
Photo from 李元元 IG

李元元 IG
Photo from 李元元 IG

其後,媽媽Sophia將以上情況以相片及影片上載到Lucy IG上,取笑女兒當日髮型被狂風吹至「前蔭離岸(額頭)三至五級」。

李元元 IG
Photo from 李元元 IG

廣告
廣告

影片帖文中,Sophia複述女兒對爸爸嘅勸喻,並喺標籤揶揄Lucy係「扮關心」、「其實係因為自己都冇得出去乘機叫個老豆都唔好出去」,更指女兒跌倒係因為「個屎忽太大條底褲成日攝住」、「最後仆親」。

李元元 IG
Photo from 李元元 IG

網民都半開玩笑地笑指Lucy撻親都要同全世界講,又笑稱Sophia及Sam為「掛住大笑嘅衰老母」、及「掛住扮靚嘅貪靚老豆」。

IG 評論
Photo from IG 評論

IG 評論
Photo from IG 評論

雖然Lucy喺呢條落雨片表現無奈,不過,佢早前同爸爸都享受唔少快樂親子時光,被爸爸親自幫手油指甲之餘,又一起大玩包紮遊戲,再幫爸爸梳頭「回禮」。

李元元 IG
Photo from 李元元 IG

李元元 IG
Photo from 李元元 IG

李元元 IG
Photo from 李元元 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook