姜濤痛失摯友 創作新歌懷念對方！當中鋒係哥哥！寫下長文表達感受令人鼻酸

MIRROR成員姜濤推出嘅新歌《Dear My Friend》係獻畀佢已故好友阿Kin（花名「中鋒」），姜濤更寫下長文畀歌曲填詞人林若寧，希望借此懷念情同手足嘅好兄弟。

Photo from 姜濤IG

姜濤喺出道前同中鋒喺打波時認識，姜濤曾講過佢無咩朋友，所以中鋒對佢嚟講係人生中非常重要嘅人，可惜中鋒早前突感到身體不適，送院後不治，令姜濤十分傷心。

Photo from 姜濤IG

MIRROR每星期都出一首新單曲，而姜濤嘅新歌就係特意獻畀好友，喺宣傳照公佈後，姜濤更連續發佈12個IG Story與好友對話。

Photo from 姜濤IG

而新歌作詞人林若寧喺填詞前更收到姜濤所寫嘅長文：「新歌想要獻給一位已故摯友（花名：中鋒），他為人質樸憨厚，約三十歲的年紀竟還沒有談過一次戀愛，沒有牽過女生的手，性格單純到讓人懷疑。他的生活無欲無求，多年做著同一份技術類工作，沒有想要飛黃騰達的目標和願望，只求平淡地過好自己的生活。」

Photo from JOOX

姜濤稱中鋒同佢身型差唔多，又同樣咁熱愛籃球：「偶然的機會相識後便常常約在維園球場揮灑汗水、練習球技。同行的還有另一位好友—占士，我們自稱為『維園球場三劍客』」，姜濤指同好友一齊嘅日子係最無拘無束，佢更視中鋒為親哥哥，同佢哋相處「很大程度上彌補了我從小沒有兄弟姊妹的遺憾」

Photo from 姜濤IG

姜濤表示佢哋嘅終極夢想係成家後，帶住各自嘅老婆仔女一齊去美國打街波：「還記得從前參加大大小小的選秀比賽，中鋒都會到現場給我加油打氣；在減肥的痛苦日子裡，中鋒願意陪我到健身房運動減脂；假期也常和他結伴到台灣、日本旅行，吃遍當地美食；亦曾一起跨年，在維港岸邊觀賞新年花火，許下新年願望。」

Photo from JOOX

提到入行後中鋒都一如往常，喺佢身後默默為佢打氣，畀咗佢好多支持、鼓勵，可惜天意弄人，中鋒最終離開人世：「留下無限遺憾，也讓我們悲痛欲絕。故此，我想出一首歌懷念這位曾陪伴我多年，情同手足的兄弟。」

Photo from JOOX

Photo from 姜濤IG

長文每字都係滿滿嘅思念之情，令人心酸，新歌嘅歌詞「如果今天天空只見你的天堂 容許給我代你心跳活得很健康」、「一樣笑我信你化作漫天的星座遙遠的在看」，相信係姜濤嘅心聲。

Photo from 姜濤IG

Photo from JOOX

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

姜濤新歌念故友 連發12個IG STORY 最重視不是成績 姜糖：「未聽已想喊」

5 Aug 2021

人氣男團MIRROR成員姜濤將推於明天（6/8）推出新歌《Dear My Friend》，呢首歌對佢嚟講別具意義，因為係獻畀已故摯友阿Kin。姜濤更非常感觸，於昨夜連發12個IG Story向阿Kin「留言」。

Photo from 姜濤 IG

MIRROR早前宣佈會於今個暑假（7月及8月）每星期都出一首新單曲。早前就有Jer（柳應廷）及Edan（呂爵安）分別推出《砂之器》及《小諧星》。

Photo from MIRROR IG

Photo from MIRROR IG

今次輪到姜濤，新歌命名《Dear My Friend》，佢昨日於社交平台發佈新歌黑白宣傳照，並於帖文寫上：「送給你的」，同時Tag了故友阿Kin嘅IG。

Photo from 姜濤 IG

Photo from 姜濤 IG

阿Kin有「中鋒」嘅花名，佢早前同姜濤打籃球時不適，姜濤陪同入院，可惜阿Kin送院後離世。上載了宣傳照不久，姜濤便開始發佈多個黑底白字IG Story。

Photo from 姜濤 IG

姜濤於Story中Tag了阿Kin，並親暱地叫佢「白痴仔」，再向佢交代新歌消息：「頭先監製send咗八胎（第八首個人單曲）final version俾我，你聽唔聽到？我盡咗力架啦，以前你成日覺得我啲歌一般，呢隻你滿意啦。」

Photo from 姜濤 IG Story

Photo from 姜濤 IG Story

之後，姜濤又向Kin表示早前探望過佢家姐，知道Kin嘅父母身體良好，雖然佢哋仍未肯見姜濤及其他朋友，但姜濤保證有空嘅一定會去探望好友父母。

Photo from 姜濤 IG Story

姜濤同時向故友交代近況，稱因為Kin不在，所以自己取代了其中鋒位置。佢又寄望好友喺天國要搵到女友。姜濤同時指：「以前嘅Whatsapp對話紀錄冇晒，但好彩啲相仲喺度，同你大部份傾偈都係當面。」

Photo from 姜濤 IG Story

Photo from 姜濤 IG Story

之後，姜濤又向Kin交代新歌MV，話MV會加入Kin嘅片段，保證會將佢拍得好靚仔，自己更為Kin連拍30多嘅小時MV。姜濤希望MV播出後能親自將作品帶畀故友家人觀看，佢表示：「呢隻歌唔需要有太好成績」，最緊要係阿Kin聽到。

Photo from 姜濤 IG Story

Photo from 姜濤 IG Story

最後，姜濤提及近期於身邊人相處不太好，幸好有聯絡昔日好友，佢又約定自己老後與Kin再相見。

Photo from 姜濤 IG Story

Photo from 姜濤 IG Story

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）