台灣圍棋選手黑嘉嘉於日本爆紅！公開姐姐合照 網民大讚「超優良基因」

台灣職業圍棋選手黑嘉嘉，憑住超有氣質嘅外表，成功吸引一班粉絲，仲被日本媒體稱為「千年一遇美女棋士」！近來，佢仲開始進軍台灣娛樂圈，有份出演唔同嘅綜藝節目同埋電影拍攝，非常有才華～

Photo from 黑嘉嘉IG

現年27歲嘅台灣職業圍棋選手黑嘉嘉，佢現時係圍棋職業七段，暫時係台灣職業級段位最高嘅女棋士。佢唔單止非常聰明，顏值亦非常高，擁有深邃嘅五官同超凡嘅氣質，令佢成功吸引一大批粉絲！

Photo from 黑嘉嘉IG

其實黑嘉嘉係一位台澳混血兒，於澳洲布里斯本出生，4歲時全家搬往台灣居住。佢6歲嘅時候就開始學習圍棋，後來受日本動漫《棋靈王》影響而決定要成為職業棋手，並於14歲時正式考上成為職業棋手，就停止升學。佢高超嘅圍棋技能，仲令佢獲得日本電視台邀請上節目傳授圍棋秘訣。

Photo from 黑嘉嘉IG

Photo from 黑嘉嘉IG

黑嘉嘉喺參加圍棋比賽嘅時候，被拍下唔少照片，而佢專注嘅模樣冷靜嘅模樣，經常都成為網民們嘅焦點！而佢特別受日本網民嘅愛戴，仲被佢哋封為「圍棋界佐佐木希」、「千年一遇美女棋士」等，佢比賽嘅新聞一出都會成為日本搜尋榜嘅第一位～

Photo from 黑嘉嘉IG

Photo from 黑嘉嘉IG

黑嘉嘉亦曾經喺IG上載自己11年前同爸爸一齊合照嘅相片，為喺國外嘅爸爸慶祝生日。只見相中嘅佢非常青澀稚嫩，不過依然係一位美女，令唔少網民都大讚佢「果然係由細靚到大啊」！而佢同姐姐黑萱萱嘅合照就更加令大家驚嘆佢哋家族嘅優良基因，仲有網民覺得佢哋好似雙胞胎～

Photo from 黑嘉嘉IG

Photo from 黑嘉嘉IG

黑嘉嘉曾經透露比賽當天，等自己可以用最佳狀態迎接比賽，佢早餐多數都只會食一隻水煮蛋，因為驚食太多會導致眼瞓，唔能夠集中比賽！由於比賽時間非常長，好多時佢都需要空腹長達10小時先可以再進食，睇得出佢真係非常熱愛圍棋～

Photo from 黑嘉嘉IG

近呢幾年，黑嘉嘉就開始進軍台灣娛樂圈，不過都必須以唔影響佢圍棋比賽嘅前提下先會接job！而佢有份演出嘅電影《消失的情人節》仲榮獲2020年金馬獎最佳劇情長片，可以話係前途無可限量啊～

Photo from 黑嘉嘉IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）