韓子亮爆料誓要保錡退出娛樂圈！ 曝光受害者私訊 直言：我保護你們

內地男星吳亦凡因為桃色緋聞，引起網民嘅熱議。而最近，保錡@ERROR竟然亦同樣被爆出桃色風波，佢自從年初被爆一腳踏兩船後，隨即被ViuTV雪藏，最近先剛剛復出幕前，就又爆出負面新聞！

Photo from 保錡IG

保錡@ERROR 年初因為被爆偷食而被雪藏，直到近來先正式「解凍」，重返正軌。日前，歌手韓子亮（TL）就於IG指控昔日好友保錡疑似涉及迷姦事件，仲話自己已經收集到7位受害者嘅證據，並揚言要求對方公開道歉，否則將會令佢變成「港版吳亦凡」！

Photo from 韓子亮IG

Photo from 韓子亮IG

其實保錡同韓子亮本身就因為「搶咪事件」而導致不和，事源係當年仲係好友嘅兩人出席唱歌活動時，韓子亮因為mic突然失靈而當眾搶走保錡手上嘅mic。後來，保錡亦有於《ERROR自救TV》中重提事件，導致韓子亮形象插水！

Photo from ViuTV

Photo from ViuTV

最近，韓子亮喺宣傳新歌採訪時就有提及「搶咪事件」，澄清當時只係因為情急之下先會咁做，但保錡卻用呢件事當炒作，不停喺節目中「抽水」，兩人最終反面收場！事件令佢非常不爽，而佢仲直指「佢係一個非常有機心同反骨嘅人」。

Photo from 韓子亮IG

Photo from 保錡IG

韓子亮亦喺當時嘅採訪表示保錡曾經邀請佢上《ERROR自救TV》，不過佢認為對方太假，因此推掉工作。點指節目播出時，就見到佢於節目重現事件，令佢更加深信保錡不停利用佢「抬高」自己，友誼從此破裂！

Photo from 韓子亮IG

雖然韓子亮嘅一連串爆料，導致網民不停討論事件，但由於暫時都並冇實質嘅證據，所以大家都對於爆料抱持懷疑嘅態度！再加上，韓子亮早於2013年就曾經因為同一位男同志發生「親密行為」後勒索對方25萬港元，而被判入獄26個月，導致網民對於佢嘅可信度大大下降。

Photo from 韓子亮IG

後來，韓子亮又突然於IG補充話「迷姦事件係由一位女網友inbox話佢知，實質證據要等佢交俾我先確認」，令網民更加質疑事件嘅真實性！網民認為既然佢自己當時都尚未收到確實證據就將事情公諸於世，未免有啲魯莽......

Photo from 韓子亮IG

有網民亦好理智咁話，假如韓子亮真係如佢所講手持大量證據，其實佢可以直接報警處理。然而，佢卻只係要求對方公開道歉同退出娛樂圈，令網民感到不解！

Photo from 連登討論區

最後，韓子亮控訴ViuTV 偏袒旗下藝人，並容許節目組胡亂剪輯節目，內容誤導觀眾，導致佢當時被唔少網民騷擾，因此而患有情緒病，事件發生後佢亦消失咗一年！而旗下藝人行為不佳，但就冇好好管理藝人嘅行為。

Photo from 韓子亮IG

Photo from 韓子亮IG

韓子亮仲話ViuTV將該集節目偷偷刪除咗，並表示自己已經留咗該集嘅紀錄，揶揄ViuTV嘅處理手法。

Photo from 韓子亮IG

Photo from 韓子亮IG

韓子亮表示爆料後收到唔少受害者嘅訊息，並上載咗幾張對話截圖向網民證明，並揚言會保護好受害嘅女仔「同傳媒講好咗，可以唔出樣，唔洗驚！」

Photo from 韓子亮IG

Photo from 韓子亮IG

直到現時為止，保錡以及其公司都尚未有任何回應或澄清，到底事情會發展成點，就要繼續留意喇！

Photo from 保琦IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）