港男Carousell與買家約好交收 有人出更高價即放售被原買家狂鬧！網友：$150就買起你人格

二手拍賣網站Carousell有唔少人都喺上面交易各種各樣嘅商品，近日有網民就喺討論區發文指佢本身約好咗交收，但因為有其他人出更高價於是就秒放咗畀人，結果被原買家鬧！

Photo from TVB

唔少人都會喺Carousell上面買嘢、賣嘢，近日有網友喺連登討論區開post，指自己被買家瘋狂鬧爆！

Photo from Carousell

樓主指自己係幫老細放嘢，本身就約好咗買家A交收，點知有另一位新買家B出更高嘅價錢並提議即日交收，於是樓主就即刻放咗件貨物。

Photo from TVB

樓主更post出佢同買家A嘅對話紀錄，買家A出價$800，並同樓主約好交收嘅日期、時間同地點，而樓主亦已經撳咗「接受出價」，然而買家B嘅出價同爽快令樓主喺未知會原買家A嘅情況下就同買家B交收貨物。

Photo from lihkg

Photo from TVB

之後樓主自言「放咗件嘢之後循例都同inbox過啲人講返放咗」，佢指其他人都無咩嘢，但唯獨買家A開始鬧爆樓主無責任心。從對話紀錄可見樓主同對方講：「Sorry放咗」，買家A非常愕然：「???放咗？」

Photo from lihkg

跟住樓主就答：「係，Sorry」，買家A：「下？你咁都得？完全無責任心架wor」，樓主回應指：「有人快過你交收同出價高過你」，買家A表示：「咪玩啦，快過我就唔會你接受咗出價啦」、「你依家係仲要搵藉口wor」、「你係好過分」，樓主：「真係唔好意思」、「真係好對唔住」，但買家A唔接受樓主道歉：「不知所謂」

Photo from TVB

樓主再解釋：「有人見到接受出價之後即刻出$950同即日交收」，但被買家A直斥：「咁你係咪都應該同我講一聲先呀，我都可以提高個價，而唔係好似依家咁無啦啦賣咗先再同我講，呢啲叫不負責任」

Photo from TVB

於是樓主就喺討論區開post並以負、正評投票，不過投票係一面倒指責樓主處理方法好有問題，有超過1.5萬個「負皮」！十分誇張，認為樓主無問題嘅僅280票。

Photo from lihkg

大部分網友都覺得樓主已撳「接受出價」，於情於理都應該同人講返聲先，樓主就解釋買家B見到出價即刻俾靚Offer，佢提出嘅交收時間快到樓主覆唔切買家A，不過呢個解釋不獲網友接受，指講一句根本花唔到幾秒：「佢衝上你屋企搶你件貨呀?覆唔切都講得出」

Photo from lihkg

Photo from lihkg

Photo from lihkg

Photo from lihkg

網友表示樓主只係幫老細放嘢，唔明咁上心做咩，賺到多$150又唔會落佢袋，更有網民直言：「你人格只係值$150」，指樓主一啲誠信都無！

Photo from lihkg

Photo from lihkg

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）