張明偉首度披露離開《愛回家》原因　心灰意冷：希望公司尊重珍惜藝員！

TVB藝人張明偉於《愛‧回家之開心速遞》中飾演「佐治」一角而為人熟悉，不過最近佢就於IG發文表示即將告別《愛回家》！而佢喺接受傳媒訪問嘅時候，就首度披露離開嘅原因，仲話「希望公司學懂尊重，珍惜默默耕耘，由低做起嘅訓練班藝員同事。」

Photo from 《愛回家》

藝人張明偉自2012年簽約成為TVB藝人後，有份出演多部電視劇，不過大部份都只係飾演配角角色。直到接拍處境劇《愛‧回家之開心速遞》中飾演「佐治」，一頭亂髮，以及喺劇中同池子孝（阮政峰飾）嘅兄弟情，令佢成功喺觀眾心目中留下深刻印象！

Photo from 《愛回家》

Photo from 張明偉IG

#突然宣佈離開《愛‧回家之開心速遞》

不過，張明偉突然於IG宣布自己即將離開《愛回家》，並且向支持佢嘅觀眾表達謝意「衷心多謝你地每一位支持，希望大家日後留意我其他作品討論，有緣再見」，正式結束3年幾嘅拍攝！

Photo from 張明偉IG

直到近日，張明偉就喺接受媒體採訪時，首次向大家公開離開嘅原因，暗示TVB高層「大換血」後，以為將會有新開始，但結果卻令佢心灰意冷「我呢種配角隨時都有可能消失，咁不如喺大家心目中留低好印象，有緣再見」。之後，佢亦似乎有感而發咁向公司喊話「希望公司學懂尊重，珍惜由低做起嘅訓練班藝員同事。」，認為現時其實仲有好多有熱誠但卻依然未有演出機會嘅後輩！

Photo from 張明偉IG

#MIRROR合照惹網民懷疑過檔ViuTV？！

本身亦非常鍾意唱歌嘅佢，早前就曾經出席《大世代OVERLAP》音樂會，並且於後台同 Jeremy同Jer@MIRROR合照，並表示「#鏡粉表示好興奮」、「不要羨慕哥」。當時就有唔少網民講笑咁話「我驚你po完返唔到愛回家」、「同公司滿約喇？」等留言，估唔到網民所講嘅說話而家已經成真！

Photo from 張明偉IG

Photo from 張明偉IG

#「佐治」角色造型參考林作！

張明偉曾經表示入行大約8年，一直都喺飾演喺旁邊行行企嘅角色，直到加入《愛回家》先有機會嶄露頭角，而佢喺劇集中最令網民深刻嘅形象就一定係佢極似林作嘅造型！據悉，當時監製希望佢可以令角色有「林作feel」，而佢就於網上做足功課，最後佢嘅努力總算冇白費，令網民留下印象！

Photo from 張明偉IG

現年31歲嘅張明偉畢業於美國加州大學洛杉磯分校（UCLA）傳理系，並於2012年參加TVB藝員訓練班。其實佢亦非常有音樂才華，曾經參加過《星夢傳奇》表演自彈自唱，係樂隊「Charming Way」嘅主唱同結他手，仲識得自創歌曲！

Photo from 張明偉IG

Photo from 張明偉IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《愛回家》「龔水CP」訂婚一周年　粉絲豪擲 60 萬整燈箱贈慶！193 「老婆」集資落廣告超有氣勢

3 Jun , 2021

TVB 處境劇《愛‧回家之開心速遞》除咗令唔少演員成功入屋之外，仲不時引起唔少話題。而劇中嘅多對 CP 更深受唔少觀眾喜愛，而劇中其中一對受歡迎嘅 CP「龔水」張景淳同呂慧儀近日就有粉絲為慶祝佢哋「訂婚」一周年，喺全港多個地方買入燈箱廣告，認真架勢！

Photo from 呂慧儀/IG

Photo from 呂慧儀/IG

現時《愛回家》至播到 1,256 集，劇中多對受歡迎 CP 都有獨立故事發展，當中包括暫別劇組嘅金城安（周嘉洛飾）與 Bonnie（林凱恩飾）、大小姐（林淑敏飾）與送水輝（許家傑飾）、潮偉（袁文傑飾）與熊尚善（滕麗名飾）、池子孝（阮政峰飾）與熊心如（蘇韻姿飾）等。

Photo from 呂慧儀/IG

不過最令劇迷又愛又恨嘅一定係經歷多番波折，去年成功訂婚嘅「龔水 CP 」。劇中呂慧儀飾演嘅熊若水與張景淳飾演嘅龔燁去年就已經求婚成功，日前一粉絲應援團「龔水黨」班為咗慶祝佢哋「訂婚」一周年，就喺坑口巴士站、旺角英皇投資理財中心、將軍澳及調景嶺港鐵站買下燈箱廣告位。

Photo from 張景淳/IG

據知一班粉絲一共集資咗 60 萬，比之前「姜糖」花 50 萬為姜濤賀壽及 193（郭嘉駿）嘅粉絲集資 10 萬買巴士站燈箱廣告仲要厲害！而今日 193  嘅「老婆」又為佢喺尖沙咀落咗新嘅廣告喇！

Photo from 呂慧儀/IG

Photo from 193/IG

而身為當事會嘅呂慧儀知道一班粉絲嘅用心亦十分感動，並親身到巴士站外自拍打卡答謝粉絲，並指佢知道唔少粉絲都希望佢同「龔燁」可以早日正式拉埋天窗，如果劇中嘅二人真嘅結婚，希望可以考慮請埋粉絲應援團「龔水黨」出席。

Photo from 呂慧儀/IG

不過喺籌備婚禮前嘅瑣碎事有好多，唔少準新人嘅過程中都會容易出現意見分歧，最後仲可能會因此而不歡而散。

Photo from 張景淳/IG

因為當劇集監製林建祥接受傳媒訪問時道指「龔水」冇咁快（結婚），因為劇本唔係一早有晒，依個劇情係會機會出現，亦可以唔會有，事關經歷過籌備婚禮嘅大家都知道，過程總會有拗撬，加上劇中嘅佢兩個性格都咁火爆，所以分分鐘嘈嘈吓就分埋手，未必會咁順利。所以隨緣啦！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）