港男列搵女友必備7大條件「如果唔係寧願單身」:唔洗送返屋企/唔介意食平民嘢/唔會理男友買咩

港男列搵女友必備7大條件「如果唔係寧願單身」:唔洗送返屋企/唔介意食平民嘢/唔會理男友買咩

時事熱話
By Jennifer on 30 Aug 2021
Digital Editor

有網民喺香港討論區發文「搵女朋友一定要有呢啲條件!」,並列出7項條件,直言:「如果唔係寧願單身」,佢表示佢所講嘅條件只係「基本嘢嚟」,引起網友熱議。

有網民喺香港討論區發文「搵女朋友一定要有呢啲條件!」,並列出7項條件,直言:「如果唔係寧願單身」
Photo from TVB

依家網上有好多交友平台、APP,用戶可以自由寫出自己嘅擇偶條件,以便搵到合適對象發展。近日喺香港討論區就有網民發文指佢搵女友必須符合以下條件,更指:「如果唔係寧願單身,對我好唔派帽呢啲基本嘢就唔講啦」

依家網上有好多交友平台、APP,用戶可以自由寫出自己嘅擇偶條件,以便搵到合適對象發展。
Photo from TVB

#要求女友夠獨立

樓主稱女友要獨立啲,唔好要佢成日送返屋企。佢表示返完工大家都攰,好多時男生送完女友,平均仲要搭成個鐘車先返到自己屋企:「明明識自己返屋企就唔好次次都要送埋返屋企先安樂」

樓主稱女友要獨立啲,唔好要佢成日送返屋企
Photo from TVB

#女友唔介意食「平民嘢」

樓主指唔洗成日食咁貴:「有時唔係好餓食下魚蛋粉開心下咪算囉」,佢更直言:「女人就係虛榮心,明明唔餓都話要去食high tea叫個啲三層塔又要食唔晒淨係拎黎打卡」,佢認為嗰啲high tea唔平,而好多女生都食唔晒。

樓主指唔洗成日食咁貴:「有時唔係好餓食下魚蛋粉開心下咪算囉」
Photo from TVB

樓主直言:「女人就係虛榮心,明明唔餓都話要去食high tea叫個啲三層塔又要食唔晒淨係拎黎打卡」
Photo from TVB

#好女友唔會理男朋友買啲咩

樓主作為男性,佢表示男人想買啲咩通常都係一件起兩件止,例如買下模型、iron man figure等,呢啲嘢唔係成日出,樓主稱:「買嗰幾件嘢都喺到嘈嘈閉,點都好過你哋每個星期都買衫買化妝品先」,佢承認買figure係唔平,但認為只要畀得起錢,買完又唔會無錢食飯就無問題。

樓主作為男性,佢表示男人想買啲咩通常都係一件起兩件止,例如買下模型、iron man figure等
Photo from ViuTV

樓主想搵唔會理男朋友買啲咩嘅女友
Photo from ViuTV

#要同男友社交圈子分開

樓主認為男友同女友嘅社交圈子絕對唔可以mix埋一齊,否則分咗手就會連之前嘅朋友都無埋,佢指唔介意女友成日去搵班姊妹開茶點會,但係都唔好阻止男友搵班朋友飲下嘢、打下機,又話雙方可以間唔中參加下伴侶與姊妹/兄弟嘅聚會。

樓主指唔介意女友成日去搵班姊妹開茶點會,但係都唔好阻止男友搵班朋友飲下嘢、打下機
Photo from TVB

#唔會成日收貴價禮物

情侶喺紀念日、生日、節日等互送禮物好平常,但樓主表示:「唔洗下下都話要想貴嘢,收下心思嘢得唔得?」,佢舉例指簡單啲一張卡、小手工等都可以:「點解成日都話要咩咩牌子銀包手袋」

情侶喺紀念日、生日、節日等互送禮物好平常
Photo from TVB

樓主指女友唔好成日收貴價禮物,簡單啲一張卡、小手工等都可以
Photo from TVB

#唔會要男友估你想點

樓主表示女友有咩想講,或者有嘢唔開心應該要直接講,成日要男友估:「估唔中又要嬲,嬲完又要氹」

樓主表示女友有咩想講,或者有嘢唔開心應該要直接講,成日要男友估
Photo from TVB

#唔會未結婚就當正自己係屋企女主人

樓主自稱佢自己一個人住,之前拍過拖嘅兩任女友都當正自己係佢屋企女主人:「將啲日常用品搬晒入黎都算啦,仲可以未問過我就帶埋啲八婆姊妹上黎開party」,認為應該尊重返屋主本人。

樓主自稱佢自己一個人住,之前拍過拖嘅兩任女友都當正自己係佢屋企女主人
Photo from TVB

樓主:「將啲日常用品搬晒入黎都算啦,仲可以未問過我就帶埋啲八婆姊妹上黎開party」
Photo from TVB

#網友反應兩極!

對於樓主提出嘅7大條件,樓主本人稱只係「基本嘢嚟」,仲有好多可以補充,有網友表示認同樓主所言,尤其係「唔好要男友估你想點」,直指好多女生成日有咩都唔講要男朋友自己諗,估唔到女友仲要畀面色男友睇,令佢覺得好麻煩。

對於樓主提出嘅7大條件,樓主本人稱只係「基本嘢嚟」
Photo from 香港討論區

有網友表示認同樓主所言
Photo from 香港討論區

網友指尤其係「唔好要男友估你想點」,直指好多女生成日有咩都唔講要男朋友自己諗
Photo from 香港討論區

有網民覺得樓主講得好啱
Photo from 香港討論區

但亦有網民認為樓主要求太多:「注定單身」,又稱除非樓主自己有車、有樓,條件好好,如果唔係就會好難搵到女朋友。

有網民認為樓主要求太多
Photo from 香港討論區

網友:「注定單身」
Photo from 香港討論區

網民稱除非樓主自己有車、有樓,條件好好,如果唔係就會好難搵到女朋友。
Photo from 香港討論區

網友認為樓主咁多要求,好難搵到合適對象
Photo from 香港討論區

有網友叫樓主諗下自己先
Photo from 香港討論區

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女自問樣唔差「似林嘉欣」!列男友10大條件:戒打機/英文叻/拍拖費用男7女3

10 Feb 2021

近日有網友喺「香港討論區」開post,列出做佢男友嘅10個條件,更直指要符合以上條件完全唔難, 請港男唔好搵藉口, 呢啲條件根本係幫緊港男進步,引起網民熱議。

近日有網友喺「香港討論區」開post,列出做佢男友嘅10個條件
Photo from 香港討論區

呢位網友今年26歲,拍過3次拖,每次都因為男友唔上進而主動講分手,佢自問樣唔差:「朋友同事話我樣似林嘉欣」,表示無咁多時間畀啲廢港男浪費,於是列出以下10個條件,亦供其他女生作為參考。

該網友表示今年26歲,拍過3次拖,每次都因為男友唔上進而主動講分手,佢自問樣唔差:「朋友同事話我樣似林嘉欣」
Photo from 林嘉欣IG

1. 要孝順

樓主指香港唔少男人經常對家人呼呼喝喝,家用又畀得少,不過佢表示:「對自己父母態度差我都可接受,但對我父母一定唔得!」咁孝順即係孝順樓主父母?

樓主指香港唔少男人經常對家人呼呼喝喝,家用又畀得少
Photo from 《My盛lady》

2. 唔准睇AV

樓主認為睇AV即係對其他人有幻想:「容乜易連對男人都有?」

3. 戒打機

大部分男仔平時都會打下機放鬆下,不過要做樓主男友就要放棄呢個愛好。樓主覺得打機好浪費心神,雖然知道要戒會好難,但打機會令人變懶,戒咗佢好過,佢仲直言:「課金嘅話咪洗旨意繼續喺埋一齊!」

樓主直言:「課金嘅話咪洗旨意繼續喺埋一齊!」

4. 唔可以咸濕

樓主表明應該尊重女性,但當女仔主動嗰陣,男友應該盡量滿足。

5. 樣中上身材一定要好

樓主自言「樣唔差」又有人讚佢似林嘉欣,對另一半外貌都有啲要求,佢話樣好唔好其實取決於份人注唔注重儀表,平時執執都唔會差得去邊。比起樣貌,樓主更著重男友身材,直指做佢男友一星期至少要做三日gym:「連自己身材都可以唔理,呢啲人點拍得落拖?」

樓主著重男友身材,直指做佢男友一星期至少要做三日gym
Photo from 《老表,你好hea》

6. 學歷不能夠太差

樓主定義「唔差嘅學歷」係要有真正大學Degree,其餘IVE、毅進、副學士、高級文憑一概不考慮,起碼讀到大學:「唔係第時點教仔女?」

樓主定義「唔差嘅學歷」係要有真正大學Degree,其餘IVE、毅進、副學士、高級文憑一概不考慮
Photo from 《愛回家之開心速遞》

7. 英文一定要叻

除咗大學文憑外,仲要講到流利英語,樓主直言:「喺個咁國際化嘅地方生活,英文都唔識講知唔知醜?」佢指好怕人講英文講到一舊舊,認為要做佢男友英文唔洗講到好地道, 但最少全英對答要聽得明同流利咁講得出。

8. 唔可以太黐身

樓主非常注重私人空間,佢表示好多港男怕自己女友畀人搶會成日Check住晒,太黐身令人反感。

樓主表示好多港男怕自己女友畀人搶會成日Check住晒,太黐身令人反感。
Photo from 《華麗轉身》

9. 月入$25,000以上

樓主明言自己依家都係搵緊呢個數,做佢男友又點可以收入少過佢?又指佢朋友都話佢要求好低。

樓主指男友月入要有$25,000以上
Photo from 《愛回家之開心速遞》

10. 拍拖費用男7女3

拍拖AA制嘅當然係少數,但樓主都唔要求所有支出都由男友承擔。樓主話自己都有返工,唔需要男友一人畀晒,不過就指作為男人畀大份係正常。

樓主要求拍拖費用男7女3
Photo from 《最愛女人購物狂》

樓主最後更表示以上10項要求只係最基本,引發大量網友留言評論:

支持嘅網友認為樓主列嘅條件「出乎意料地貼地」以為會要對方有樓有車;「漏咗最重要一樣,就係要愛你」;「條件都唔算太苛刻」;「如果你人品正常又無不良嗜好,中等亞洲女性高度身型,條件絕對可以再set高啲」。

但亦有網友指樓主話人港男但自己都好港女;「有以上條件嘅人點解要搵你?」;「樓主可以試下上勞工處搵」;「呢個世界好多比你靚比你好,而又無你咁高要求嘅女仔」

有網民話佢港女,樓主回應指:「我有學歷有樣,唔需要靠男人,但我只係想另一半係見得下人,咁都叫港女?」
Photo from 香港討論區

對於有網民話佢港女,樓主回應指:「我有學歷有樣,唔需要靠男人,但我只係想另一半係見得下人,咁都叫港女?」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

👉🏻 即刻Follow我哋Instagram holidaysmart.hk

Share to Facebook
Our Facebook Videos
我們的 Facebook 影片
You may also like
你可能也喜歡
港男媽約飲茶 女友唔識洗餐具 媽媽秒黑面:「娶返嚟仲得了?」
港男媽約飲茶 女友唔識洗餐具 媽媽秒黑面:「娶返嚟仲得了?」
a day ago
兒子功課「我的志願」想做家庭主婦!原因勁窩心令媽媽感動!講明唔想似爸爸理由超搞笑
兒子功課「我的志願」想做家庭主婦!原因勁窩心令媽媽感動!講明唔想似爸爸理由超搞笑
a day ago
男友迷戀BLACKPINK港女大為不滿!買偶像攬枕/間房貼晒相/花費逾2萬元追星
男友迷戀BLACKPINK港女大為不滿!買偶像攬枕/間房貼晒相/花費逾2萬元追星
a day ago
港男呻同事搞曖昧拉佢做「電燈膽」!食飯三人行感尷尬!網民揭或另有驚人真相
港男呻同事搞曖昧拉佢做「電燈膽」!食飯三人行感尷尬!網民揭或另有驚人真相
4 days ago
HR指大學生應徵者「高分低能」!嫌畢業證書太大唔帶去面試:咁你不如唔好讀啦
HR指大學生應徵者「高分低能」!嫌畢業證書太大唔帶去面試:咁你不如唔好讀啦
4 days ago
食客斥牛角係「黑心燒肉」前因後果懶人包!長文數牛角3大問題!老闆黃傑龍揭真相大反轉
食客斥牛角係「黑心燒肉」前因後果懶人包!長文數牛角3大問題!老闆黃傑龍揭真相大反轉
5 days ago
Hottest Articles
最熱文章
「Cookies餅碎」區文詩生活富貴!住3000萬西半山豪宅/晒豪華遊艇/60萬鱷魚皮Hermès!
「Cookies餅碎」區文詩生活富貴!住3000萬西半山豪宅/晒豪華遊艇/60萬鱷魚皮Hermès!
a day ago
翁虹全家移居上海豪宅曝光!慶祝53歲生日 與13歲女兒同框似姊妹
翁虹全家移居上海豪宅曝光!慶祝53歲生日 與13歲女兒同框似姊妹
2 days ago
【灣區升明月】藝人前任/現任世紀大同台!  網民:一下子回顧20年娛圈情史
【灣區升明月】藝人前任/現任世紀大同台! 網民:一下子回顧20年娛圈情史
2 days ago
41歲葉璇認愛圈外男友! 上載多張婚紗照 疑似好事近?!
41歲葉璇認愛圈外男友! 上載多張婚紗照 疑似好事近?!
a day ago
江若琳發千字文感激老公陪伴! 10年朋友變夫婦 曾被指介入蕭唯展感情?
江若琳發千字文感激老公陪伴! 10年朋友變夫婦 曾被指介入蕭唯展感情?
2 days ago
港男媽約飲茶 女友唔識洗餐具 媽媽秒黑面:「娶返嚟仲得了?」
港男媽約飲茶 女友唔識洗餐具 媽媽秒黑面:「娶返嚟仲得了?」
a day ago