黎姿美容品牌身價達$15億!事事親力親為 親自巡查地鐵廣告

黎姿美容品牌身價達$15億!事事親力親為 親自巡查地鐵廣告

娛樂新聞
By Stephanie on 30 Sep 2021
Digital Content Writer

黎姿Gigi (馬黎珈而) 一直都致力於發展佢嘅醫學美容事業,仲將生意越搞越大!最近,佢旗下嘅美容品牌就將會推出生活輕醫美品牌,並連開3間療程中心,非常厲害~而黎姿亦事事都親力親為,仲親自邀請好友陳法拉做代言人!

黎姿嘅美容品牌最近變得越來越大,再開設多3間店舖!Photo from 黎姿IG

#婚後淡出娛圈

即將迎來50歲生日嘅黎姿Gigi (馬黎珈而) 同富商馬廷強結婚後,就淡出娛樂圈,並專心照顧家庭同3個囡囡。不過,佢並冇因此而放棄事業,一直都有搞自己嘅美容生意,而家佢嘅美容生意範疇仲變得越嚟越大啊!

黎姿同商人馬廷強於2008年結婚!Photo from 黎姿IG

兩人婚後育有3女,一家5口十分溫馨~Photo from 黎姿IG

#推出全新品牌+3間療程中心!

最近,黎姿旗下嘅美容品牌就正式宣佈將會推出全新嘅生活輕醫美品牌,並會開設3間療程中心,其中一間旗艦店仲成功進駐半島酒店!而佢最近似乎亦正為新辦公室嘅裝修而變得忙碌,事事都親力親為嘅佢亦專程去正在施工中嘅辦公室視察環境。

黎姿最近亦有感而發,於IG上載對經營品牌嘅感想!Photo from 黎姿IG

黎姿對美容事業非常上心,親自去裝修緊嘅店舖視察環境!Photo from 黎姿IG

#率先公開新店舖內部!

黎姿仲喺IG有感而發:「由零開始探索,創立新品牌的過程中,獲得到很多寶貴經歷,感謝身邊夥伴們的努力」,並公開新辦公室嘅內部設計。由影片中所見,成個辦公室以粉色為主調,睇落非常夢幻高貴~

黎姿率先公開施工後嘅店舖內部!Photo from 黎姿IG

新店舖嘅內部主要以粉紅色為主,非常夢幻高貴!Photo from 黎姿IG

#邀好友陳法拉做代言人

黎姿今次仲邀請咗好友陳法拉做品牌代言人,委託咗一班美國團隊喺紐約同陳法拉進行廣告拍攝。作為老闆嘅佢亦有份參與廣告嘅製作,由廣告場地、風格、服裝等都全程參與其中;廣告拍攝當日都可以克服同美國極大嘅時差,熬夜同團隊以及法拉溝通,真係對新品牌非常用心!

黎姿事事親力親為,廣告嘅理念等都有份參與其中!Photo from 黎姿IG

黎姿成功邀請陳法拉作為品牌代言人!Photo from Vitae IG

#親自去地鐵站巡視業務

日前,品牌嘅廣告燈牌就正式喺地鐵站等地方亮相,而黎姿亦親自乘搭地鐵去巡查同視察環境,似乎對成果感到十分滿意。而佢仲上載咗同囡囡一齊乘搭地鐵嘅照片,唔少網民都大讚佢貼地!

黎姿近日亦親自到地鐵站視察廣告燈牌!Photo from 黎姿IG

黎姿仲同囡囡一齊搭地鐵,獲網民大讚!Photo from 黎姿IG

#小時候家境困難

出生於演藝世家嘅黎姿曾經話小時候有一段時間家庭經濟狀況比較困難,一家人需要居住喺非常狹窄嘅環境內。而佢14歲嘅時候,喺機緣巧合下就獲得參與拍攝電影嘅機會,並正式踏入娛樂圈。入行後,佢亦拍攝多部電視劇,成為當時嘅當紅花旦!

黎姿年紀輕輕就開始參與電影電視劇等嘅拍攝!Photo from 黎姿IG

#接手弟弟醫美生意?!

不過,黎姿嘅弟弟黎嬰喺2007年因為一場交通意外而半身癱瘓,疼愛弟弟嘅佢亦因此而暫停接拍電視劇,並接手管理弟弟嘅醫學美容生意,由零開始學習管理生意。喺佢嘅悉心經營之下,成功將品牌變成上市公司。有消息仲話佢嘅美容生意身價高達$15億,美容生意搞得好順利啊~

黎姿非常疼愛弟弟,今年仲帶弟弟去海洋公園玩!Photo from 黎姿IG

有傳黎姿嘅美容生意身價已經達15億咁多!Photo from 黎姿IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

黎姿現值11億西半山豪宅曝光! 高貴簡約裝飾/超寬敞廚房/恬靜山景

18 Jun, 2021

現年49歲嘅黎姿(黎珈而)自從結婚後,就淡出娛樂圈,專心照顧家庭。雖然佢已經係3個囡囡嘅母親,但身材樣貌依然keep的非常好!佢亦經常喺社交網站上載自己嘅日常照片,當中唔少相片同影片就將佢嘅豪華豪宅曝光~

黎姿IGPhoto from 黎姿IG

黎姿(黎珈而)一直以來都係唔少人心目中嘅女神,即使而家已經成為人母多年,但佢嘅樣貌同身材都依然好好。正因為佢對自己嘅起居飲食非常講究,仲經常喺IG上載自己行山、做瑜伽嘅照片,自我管理得十分嚴格!

黎姿IGPhoto from 黎姿IG

黎姿IGPhoto from 黎姿IG

據悉,黎姿一家人現時正住喺位西半山嘅豪宅,呢間屋於2007年由黎姿老公馬廷強以港幣3億買下。兩人結婚多年但依然甜蜜,婚後誕下3個囡囡,一家五口十分幸福~

黎姿IGPhoto from 黎姿IG

而黎姿所上載嘅照片就經常都會曝光到住宅嘅內部,佢經常都會同囡囡們一齊喺超大嘅廚房下廚,培養囡囡煮食嘅能力。咁大嘅廚房,就算3個囡囡想一齊煮嘢食,都完全唔洗擔心唔夠位啊!

黎姿IGPhoto from 黎姿IG

黎姿IGPhoto from 黎姿IG

而飯廳就以簡約為主,牆上仲掛住幾幅黎姿喜歡嘅山水畫,再搭配埋雲石紋理嘅餐桌,令成個空間嘅高貴感提升咗唔少!家中亦放置咗一部鋼琴,等囡囡們可以喺空餘時間彈下音樂,輕鬆一下~

黎姿IGPhoto from 黎姿IG

黎姿IGPhoto from 黎姿IG

客廳就以白色為主色,超大嘅沙發再搭配毛茸茸嘅地毯,令間屋瞬間變得溫暖舒適!黎姿前排仲為家裡增添新成員,養咗隻好可愛嘅狗狗,面積超寬嘅客廳仲提供咗足夠嘅位置俾狗狗好自由咁奔跑~

黎姿IGPhoto from 黎姿IG

黎姿 小紅書Photo from 黎姿 小紅書

而黎姿嘅房間亦非常大,從佢新年時大掃除嘅相就睇到佢間房嘅收納空間非常大,可以裝下佢大量嘅衣服同名牌手袋!不過佢都好有條理咁整理自己嘅房間,會善用唔同嘅空間,亦會用間隔版將文件分開擺放,睇嚟係一位收納高手~

黎姿IGPhoto from 黎姿IG

黎姿IGPhoto from 黎姿IG

浴室嘅空間都好大,就算同囡囡一齊幫狗狗沖涼,都唔會覺得太過擠迫啊~

黎姿IGPhoto from 黎姿IG

黎姿IGPhoto from 黎姿IG

黎姿而家嘅生活真係非常多姿多彩,難怪唔少網民都當佢係榜樣,希望可以變到好似佢咁成功啦~

黎姿IGPhoto from 黎姿IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel