【代溝關注組】李龍基7個物業全歸內地嫩妻!肥媽爆當年吸金力強「唱2日就可以買到樓」

【代溝關注組】李龍基7個物業全歸內地嫩妻!肥媽爆當年吸金力強「唱2日就可以買到樓」

娛樂新聞
By Stephanie on 05 Oct 2021
Digital Content Writer

節目《代溝關注組》最近就邀請咗李龍基肥媽等人做嘉賓,同年輕人分享佢哋過往嘅經歷。而同李龍基相識多年嘅肥媽就大爆對方「當年勇」,指對方只要「唱歌2日就可以買一層樓」,吸金力驚人,不過所有物業嘅擁有權都已經轉到30歲嘅嫩妻嘅名下,非常疼愛妻子!

李龍基被肥媽大爆當年賺錢賺超多嘅威水史!Photo from 《代溝關注組》

#出演節目《代溝關注組》

TVB節目《代溝關注組》 經常都會邀請年齡層唔同嘅藝人,俾佢哋分享各自嘅睇法。最近一集就邀請咗肥媽、李龍基、魯振順等人作為「長輩組」嘅嘉賓,並一齊探討「以前做歌手係咪比較易賺到錢?」,引發在場嘉賓嘅熱議!

《代溝關注組》就邀請咗李龍基、肥媽、魯振順等人做嘉賓!Photo from 娛樂新聞台

一班嘉賓一齊探討「以前做歌手係咪比較易賺錢」!Photo from 娛樂新聞台

#肥媽大爆李龍基當年威水史!

肥媽就大爆好友李龍基「賺得最多」,並大爆對方只要工作一個月就可以買到一層樓;而且仲話李龍基當年係「夜店歌王」,一晚可以唱9場咁多,十分厲害!

肥媽大爆李龍基當年人氣超高,而且賺得最多!Photo from 《代溝關注組》

#當年做歌手賺超多?!

李龍基隨即笑笑口咁話「時勢造英雄!咁啱需要,我咪做囉。四千蚊一個月,一晚要唱四個鐘,唔簡單㗎!」,不過肥媽笑言李龍基好快就開始「加價」變咗「45分鐘就已經一千幾蚊」!當被主持人問到當年樓價大約係幾多時,肥媽就回答「萬幾蚊啦!」,年輕人們隨即驚呼「咁即係唱2日就買到樓!」

主持人們計算之後,發現李龍基當年只要唱2日就可以買樓?!Photo from 《代溝關注組》

#曾試過一個月賺$24萬

肥媽唔心息繼續大爆李龍基嘅當年事,指對方「威到揸法拉利去唱歌,就咁泊喺店外面,就算俾人抄牌都唔怕」;而魯振順亦補充話李龍基首歌爆紅之後,佢嘅身價就立刻瘋狂上漲!據悉,佢曾經一個月賺高達$24萬,吸金力驚人!

魯振順指李龍基嘅歌曲一爆紅,身價立刻飆升!Photo from 《代溝關注組》

#李龍基投資有道!

不過李龍基對於投資物業都有一手㗎,佢曾經透露自己一次過買4層樓嘅經驗,仲坐擁5架名車,非常威水~近呢幾年,佢就將事業重心轉移去內地,主要以登台表演為主,一個月接最少四個show,並開始投資內地嘅物業,包括:以80萬買下位於深圳福田區千三呎物業作為同妻子嘅愛巢,並再買下另一個單位收租!

李龍基仲會接拍電視劇,由於經常飾演皇帝角色,被大家稱為「御用皇帝」!Photo from TVB

李龍基亦十分識得利用物業投資!Photo from TVB

#圈中出名「愛妻號」!

有指,李龍基喺香港同內地至少擁有7個物業,絕對係圈中嘅隱形富豪之一啊!出名係「愛妻號」嘅佢仲將所有物業轉到現時於30歲嘅內地妻子Chris Wong名下,用行動表達對妻子嘅愛意。

李龍基妻子(左一)非常鍾意畫畫,仲會將畫作送俾唔同嘅藝人!Photo from 楊柳青IG

李龍基曾透露已經將所有物業歸妻子所擁有!Photo from TVB

#妻子現時年約30歲!

李龍基同妻子Chris Wong相差39年咁多,年紀比李龍基同前妻所生嘅女兒細10年,絕對稱得上係父女戀!不過兩人十分有默契,結婚後依然感情甜蜜。而妻子就做「 跟得夫人」,周圍陪佢喺內地香港兩邊工作,兩人形影不離,羨煞旁人~

李龍基表示與妻子相差足足39年,妻子現時年齡大約係30幾歲。Photo from IG @chrisart1017

李龍基與妻子十分恩愛,兩人經常形影不離!Photo from TVB

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

69歲李龍基細28年太太最新照曝光 散發濃郁少女味 網民:以為係父女!

23 Jun, 2021

被稱為「TVB御用皇帝」嘅李龍基同細佢28年嘅太太Chris Wong結婚多年,但二人鮮有合照曝光。直至最近,女方為女藝人楊柳青(Wiyona)畫人像畫後,被Wiyona上載三人合照於社交平台,才令李龍基太太曝光!

《流行經典50年》 TVBPhoto from 《流行經典50年》 TVB

出演過多套TVB劇集嘅演員兼歌手李龍基現年69歲,佢20年前認識內地人太太Chris Wong。雖然男方比女方大28載,稱得上父女戀,但兩人非常投契,拍拖四、五年後邊拉埋天窗。

騰訊截圖Photo from 騰訊截圖

李龍基為遷就太太,曾搬到深圳居住,更於內地擁有多個物業收租,亦有報道指愛妻號嘅基哥將購入嘅物業全數歸於太太名下。

TVB截圖Photo from TVB截圖

李龍基太太Chris Wong作風低調,甚少公開露面,但佢不時為圈中人畫人像畫,例如「樂壇教父」Uncle Ray、石修、王賢誌等,可見佢好有藝術氣質。

@sheksau IGPhoto from @sheksau IG

@chrisart1017 IGPhoto from @chrisart1017 IG

@chrisart1017 IGPhoto from @chrisart1017 IG

直到近日,佢為女藝人楊柳青(Wiyona)畫畫,Wiyona及後把自己、Chris與李龍基嘅三人合照上載到個人社交平台上,大讚Chris嘅畫作好靚,終讓網民看清李龍基太太真面目。

楊柳青 IGPhoto from 楊柳青 IG

不少網民都認為Chris樣子充滿少女味,凍齡得宜,對唔知情嘅人嚟講,話係父女都過得去!相片中二人展露笑容,幸福洋溢。

楊柳青 IGPhoto from 楊柳青 IG

Chris除咗會畫藝人人像,亦會畫貓貓狗狗。被問到太太會否開畫展,李龍基表示,確實有人建議佢開,但佢暫時並無此意,但如果將來有機會嘅話,一定會盡能力協助愛妻。

@chrisart1017 IGPhoto from @chrisart1017 IG

@chrisart1017 IGPhoto from @chrisart1017 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel