2022生日運勢占卜排名公開 預測明年愛情/工作/健康運程!

2022生日運勢占卜排名公開 預測明年愛情/工作/健康運程!

生活熱話
By Stephanie on 27 Oct 2021
Digital Content Writer

話咁快就已經十月尾,2021年仲有大約2個月就完結喇!日本占卜網站最近就列出咗2022年嘅「生日運勢排行榜」,為大家預測一下嚟緊呢一年將會面臨嘅挑戰,快啲嚟睇下自己嘅生日排行第幾啦~

2022年生日運程排行榜已經揭曉!
Photo from TVB

# 2022年「生日運勢」排行榜公開!

2022年好快就來臨喇!近期,日本占卜網站「占いちゃんは考えた」就公佈咗2022「生日運勢排行榜」,裡面足足包含咗366日嘅生日日期。其中最好運嘅就將會係「2月27日」生日嘅朋友,明年將會係你哋嘅「充實之年」;而排行最尾嘅就係「2月12日」生日嘅朋友,「動搖之年」可能會令你哋面臨各種挑戰!

日本占卜網站公佈2022年生日運勢排行榜,足足有有366個生日日期!
Photo from 占いちゃんは考えた

2022「生日運勢排行榜」第311至366位!
Photo from 占いちゃんは考えた

# 為大家分析2022年運程!

雖然占卜呢啲嘢都只係作為參考,但大家快啲搵一下自己嘅生日日期,預測下明年嘅運勢啦~其中占卜仲會為幫你預測明年嘅大概運程,並主要分為12種運勢!

2022「生日運勢排行榜」第251至310位!
Photo from 占いちゃんは考えた

2022「生日運勢排行榜」第191至250位!
Photo from 占いちゃんは考えた

2022「生日運勢排行榜」第131至190位!
Photo from 占いちゃんは考えた

2022「生日運勢排行榜」第71至130位!
Photo from 占いちゃんは考えた

2022「生日運勢排行榜」第11至70位!
Photo from 占いちゃんは考えた

# 12種運勢解釋!

1.發展之年(開始、挑戰、播種)

呢年將會係你非常重要嘅一年,你所做嘅決定將會影響到你未來9年嘅發展!即使遇到困難失敗都唔緊要,多作嘗試就一定能夠尋找到出路!

2. 創造之年(萌芽、享受、匠心)

不停接受新嘅挑戰將會令你逐漸成長!不過就算成功,未來都將會有各樣挑戰等緊你,記住要勇於嘗試嶄新嘅事物,並於學習中享受過程!

渡過「發展之年」、「創造之年」嘅大家可以多嘗試新事物!
Photo from TVB

3.協調之年(挑戰、澆水、照料)

你過去努力嘅成果將會於新嘅一年繼續成長,切記唔好太心急想收成正果,咁做反而會打亂陣腳!可以嘗試靠自己嘅直覺去進行決定,可能會有好結果~

4.安定之年(基礎工作、家庭關係、除草)

「安定之年」顧名思義就係代表你一直以來努力已經有成果,並且有非常穩定嘅發展,所以未來一年最重要嘅就係維繫現狀!不過要留意嘅係家庭或者家庭關係可能會有事情發生!

「協調之年」、「安定之年」嘅大家就要努力守護自己已經擁有嘅嘢喇!
Photo from TVB

5. 變化之年(刺激、轉折、快速增長)

未來嘅一年你將會面臨好多唔同嘅轉變,包括:搵工、轉工、遇見愛人、結婚等嘅人生階段,令你因此而急速成長!做重大決定嘅時候務必要小心,記得同值得信賴嘅人商量一下~

6. 愛情之年(奉獻、犧牲、綻放)

2022年你將會獲得唔少愛,並因此而感到滿足快樂!不過由於你明年將會有更多同其他人接觸嘅機會,可能會因為輕易相信他人而導致需要犧牲自己;但整體而言挑戰新事物或者繼續努力目前嘅工作都可能會有好結果!

經歷「變化之年」、「愛情之年」嘅你哋好有可能會於2022年遇到愛人!
Photo from TVB

7. 休息之年(自我投資、學習、充電)

踏入2022年,你可以將重心放喺投資自己身上,確保健康、金錢、外表等都有好好照顧到,將會係能夠令自己大豐收嘅一年!

8. 充實之年(自由、證悟、收穫)

呢一年將會係你修成正果嘅一年,過往嘅努力都會得到回報。而你所定立嘅目標亦可以更加輕易完成,如果遇到唔同嘅機會不妨放手抓住機會,可能會有意想不到嘅結果!

明年渡過「休息之年」、「充實之年」嘅大家生活相對比較平靜,不過就可以多發掘新事物去增值自己!

 

9. 完結之年(界線、集大成、回歸土壤)

相對而言,2022年將會係你比較平靜嘅一年,只要小心行事就唔會有太大嘅變化!

10.動搖之年(失意、錯覺、感情動搖)

明年將會係遇到比較多困難嘅一年!特別要小心人際關係上嘅波動,就算遇到困難都切記唔好灰心!

部份朋友將於2022年渡過「動搖之年」,並需要小心人際關係上嘅變化!
Photo from TVB

11. 大波亂之年(大變化、艱辛、曲折)

明年你將會面臨好多變動,就取決於你能唔能夠抓住機會渡過難關!如果成功熬過呢年,2022年就會變成你最幸運嘅一年~

12.激動之年(激烈的日子、戰鬥、重大變化)

呢一年你可能會因為遇到某些事而導致價值觀或者諗法上有重大變化,儘管身邊嘅事物並冇太大改變,你自己喺思考上可能都會有所轉變,成為日後生活中嘅轉折點!

部分人將會面臨「大波動之年」,如果能夠成功熬過就可以有好結果!
Photo from ViuTV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

日本「數秘術」生日占卜測 2021 戀愛運程 邊個數字最大機會遇上命中注定嘅人?

19 Jan , 2021

2021 年嚟到,相信好多人都會好奇自己新一年嘅運程,單身嘅朋友應該都好想知自己幾時可以出 Pool,最近日本就有一個叫「數秘術」嘅占卜,用生日日期就可以測到今年嘅戀愛運程,大家快啲試吓啦~

日本媒體《Emo!miu》發表咗占卜師 AZ 嘅文章,提及用「數秘術」占卜 2021 上半年嘅戀愛運程,只需要計算自己嘅生日日期總和,得出嘅數字就係結果,幫自己測之餘,如果有暗戀對象都可以幫佢測埋,順便睇吓點樣先可以成功攻陷對方!

Photo from yejinhand@IG

占卜嘅計算方法好簡單,只需要將自己嘅西曆生日所有數字加埋一齊,直至個答案變成單位數就得,不過如果個答案係 11、22、33 嘅話,就唔需要再加,可以直接做結果。

例如:1994 年 1 月 19 日
1+9+9+4+1+1+9=34
3+4=7(7 就係結果)

#數字 1

你係一個以自己思想生活嘅人,係領導者類型,2021 年上半年可能係通過改變與親人嘅關係嚟改變生活方式嘅時候。你有自己嘅一套婚姻觀念,唔會因為其他人點講而改變,不過喺 3 月嘅時候可能會有所變化,或者會遇上一個注定要改變你嘅人~

如果對象係數字 1:佢有啲自我中心,唔擅長婉轉地表達,如果想關係更進一步,可能你需要直接地表達自己嘅感覺,通過誠實、直接嘅交流可能會有意外收穫!

#數字 2

你係一個有精緻藝術感嘅人,喺上半年將會係你創建自己世界嘅時候,例如喺社交平台發文、Post 相都係以你自己嘅視角出發,而喺呢個網上世界,話唔定你會遇到一個同你有相同價值觀嘅人。

如果對象係數字 2:佢都係一個精緻、純淨嘅人,唔擅長同好多人同時相處,鍾意同有相同興趣嘅人交流。可以嘗試同對方一齊討論吓電影、書籍,分享下彼此嘅價值觀。

可以嘗試同對方分享下彼此嘅價值觀。
Photo from actorleeminho@IG

#數字 3

開朗嘅氣氛製造者,或者好怕羞嘅人,你係兩者中其中一種。你唔擅長表達自己嘅真實感受,但如果喺上半年勇敢表達自己嘅話,有機會提升自己嘅金錢運及工作運。亦可以通過改變髮型及打扮自己嚟增加結識異性嘅機會。

如果對象係數字 3:佢係一個鍾意玩,好有精力嘅男孩,今年佢將會遇到大突破,你需要喺佢身邊支持、鼓勵佢。

#數字 4

你係一個非常真誠嘅人,同你相處會令人覺得放鬆,你畀人一種安穩嘅感覺。喺呢一年,你會覺得自己嘅思想同環境發生變化,對你而言係充滿挑戰嘅一年,只要捱過挑戰就可以重新建立自己。而喺感情方面,要清理一下一啲唔想交往嘅曖昧關係。

如果對象係數字 4:佢係一個堅定安穩嘅人,不過今年可能會遇上一啲改變,而佢並唔擅長去面對呢啲變化,佢需要一個令佢可以放心嘅人,你只需要向佢伸出手,陪佢渡過一切就可以了。

佢需要一個令佢可以放心嘅人,你只需要向佢伸出手,陪佢渡過一切就可以了。
Photo from jxxvvxxk@IG

#數字 5

你係一個充滿自由精神嘅人,鍾意挑戰,可以靈活地接受任何變化及成長,喺今年可能會有巨大嘅飛躍,會有好多未知嘅嘢發生,而 4 月可能會有一個好大嘅改變。今年可能會遇到可以幫助你自由生活嘅人。

如果對象係數字 5:佢係一個反復無常嘅人,經常改變狀態,今年係佢發揮本領嘅時候,佢鍾意改變,所以你都要跟上佢嘅步伐。

#數字 6

你係一個好有愛心嘅人,受到朋友嘅信任。今年係令你靈魂成長嘅一年,有好大機會會遇上命中注定嘅人,可能會同對方成為愛人、朋友或者靈魂伴侶。

如果對象係數字 6:佢係一個深情、紳士、善良嘅人,佢今年正在尋找真愛,對於命運注定嘅人,佢會竭盡所能捉住,如果你唔想錯過佢,就要畀佢知道你對佢嘅感覺。

對於命運注定嘅人,佢會竭盡所能捉住,如果你唔想錯過佢,就要畀佢知道你對佢嘅感覺。
Photo from yejinhand@IG

#數字 7

你按照自己嘅節奏生活,活喺自己嘅世界,你畀人一種神秘嘅感覺,非常有吸引力。不過喺今年你要嘗試誠實地表達自己,挑戰新事物,戀愛運都會因此而提升。

如果對象係數字 7:佢係一個難以捉摸嘅人,你唔知道佢諗緊咩,佢經常需要時間自己獨處。你可以抱住開放嘅心態面對佢,約佢食飯行街,慢慢了解吓。

#數字 8

你係一個堅定、勤奮嘅人,喺愛情及工作中都會盡自己所能。喺今年,你嘅生活或工作會有所改變,而喺愛情方面,你今年可能會突然想結婚,想建立一段穩定嘅關係。

如果對象係數字 8:佢係一個好努力嘅人,不過喺今年,佢似乎會改變自己嘅工作及生活模式,以及改變一啲自己嘅「規矩」,對愛情嘅諗法都會有所唔同,甚至可能同上年嘅佢有 180 度轉變。

你可以抱住開放嘅心態面對佢,約佢食飯行街,慢慢了解吓。
Photo from jongsuk0206@IG

#數字 9

你非常有同理心,你可以客觀冷靜地看待事情並下判斷,今年係可以擴大自己世界嘅一年,會發生好大變化,不過記住要跟隨自己嘅感覺行事,無論係戀愛或工作都係。

如果對象係數字 9:佢係一個善良、寬容、溫柔嘅人,對佢而言,今年將會係不一樣嘅一年,係充滿挑戰嘅一年,你可能會見到佢新嘅一面。

#數字 11

你非常細膩,直覺非常敏銳,喺 2021 年你會變得更加敏銳,如果有對象嘅話,感情可能會動搖,如果相處上覺得有問題,就要誠實面對自己嘅感受,同朋友分享吓自己嘅感受對你會有所幫助。

如果對象係數字 11:佢係一個非常細膩嘅紳士,善於觀察,不過容易受傷。喺 2021 年,你哋之間嘅感情可能會動搖,佢可能會對你若即若離,你要保持鎮定,唔好被佢影響。

對佢而言,今年將會係不一樣嘅一年,係充滿挑戰嘅一年,你可能會見到佢新嘅一面。
Photo from hyunah_aa@IG

#數字 22

你係一個努力實現夢想嘅人,但你都會因為要協調身邊嘅人而壓制自己嘅真實慾望,喺新一年唔好再勉強自己,唔好再妥協、克制,要毫不猶豫地去實現自己嘅理想,如果有鍾意嘅人,就勇敢追求啦~

如果對象係數字 22:佢係一個有上進心、有風度、受人尊敬嘅人,佢好有理想,佢會喺今年努力實現理想,佢需要你嘅打氣,你需要喺背後默默支持佢。

#數字 33

你係一個天真爛漫嘅人但同時都懂得察言觀色,喺新一年,你要直接地表達自己嘅諗法, 通過表達自己,你可以同鍾意嘅人保持聯繫,而人際關係方面都會產生變化,令你更輕鬆。

如果對象係數字 33:佢對周圍嘅人都好友善,好受歡迎,但佢唔擅長做決定及表達愛意,不妨嘗試問佢「你喜歡怎樣的人」、「你真的想這樣嗎」,可能你會得到一個意外嘅答案。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地Youtube Channel

Share to Facebook
Our Facebook Videos
我們的 Facebook 影片
You may also like
你可能也喜歡
盤點12段鮮為人知明星血緣關係!圈中演藝世家眾多!王祖藍最多名人親戚?
盤點12段鮮為人知明星血緣關係!圈中演藝世家眾多!王祖藍最多名人親戚?
a day ago
因為是朋友呀|蔡卓妍爆已準備好遺囑及遺照 仲拍定片留畀親人睇 霍汶希直言太悲觀
因為是朋友呀|蔡卓妍爆已準備好遺囑及遺照 仲拍定片留畀親人睇 霍汶希直言太悲觀
2 days ago
女生攜母超市掃4千元貨 逼同行男友埋單 被罵後反指對方小氣!
女生攜母超市掃4千元貨 逼同行男友埋單 被罵後反指對方小氣!
2 days ago
Ash鍾卓穎神隱18日「復出」試水溫?Sica留言力撐竟掀罵戰!
Ash鍾卓穎神隱18日「復出」試水溫?Sica留言力撐竟掀罵戰!
2 days ago
宋智孝將缺席《Running Man》拍攝!公開10年病史!尚未打針需要隔離
宋智孝將缺席《Running Man》拍攝!公開10年病史!尚未打針需要隔離
2 days ago
MIRROR幕後員工被指對電台職員無禮 陳志雲聽聞有同事求合照被鬧:有啲怨言
MIRROR幕後員工被指對電台職員無禮 陳志雲聽聞有同事求合照被鬧:有啲怨言
2 days ago
Hottest Articles
最熱文章
麥明詩轉行做顧問晒素顏,網友大讚靚過以前好多:後生過喺TVB嗰陣
麥明詩轉行做顧問晒素顏,網友大讚靚過以前好多:後生過喺TVB嗰陣
2 days ago
網民列出心中3大最可怕蔬菜!全部都食就代表係「老人」?!
網民列出心中3大最可怕蔬菜!全部都食就代表係「老人」?!
2 days ago
宋智孝將缺席《Running Man》拍攝!公開10年病史!尚未打針需要隔離
宋智孝將缺席《Running Man》拍攝!公開10年病史!尚未打針需要隔離
2 days ago
因為是朋友呀|蔡卓妍爆已準備好遺囑及遺照 仲拍定片留畀親人睇 霍汶希直言太悲觀
因為是朋友呀|蔡卓妍爆已準備好遺囑及遺照 仲拍定片留畀親人睇 霍汶希直言太悲觀
2 days ago
Ash鍾卓穎神隱18日「復出」試水溫?Sica留言力撐竟掀罵戰!
Ash鍾卓穎神隱18日「復出」試水溫?Sica留言力撐竟掀罵戰!
2 days ago
女生攜母超市掃4千元貨 逼同行男友埋單 被罵後反指對方小氣!
女生攜母超市掃4千元貨 逼同行男友埋單 被罵後反指對方小氣!
2 days ago