Cammi謝芷蕙萬聖節新相又變樣?!展櫃暗曬Hermès 餐餐米芝蓮極富貴

Cammi謝芷蕙萬聖節新相又變樣?!展櫃暗曬Hermès 餐餐米芝蓮極富貴

娛樂新聞
By Cheryl on 02 Nov 2021
Digital Editor

謝芷蕙(Cammi)年初雖被前度追債80萬,但生活依然富貴,佢以性感Cosplay造型慶祝剛過去嘅萬聖節,照片中可見其櫃子收藏了不少Hermès手袋,又經常喺小紅書分享食米芝蓮餐廳嘅食後感,不過,佢外貌喺其分享嘅新相中又出現變化!

Cammi分享萬聖節照不經意曬富貴Photo from Cammi IG

Cammi懶理被前度追債80萬

謝芷蕙(Cammi)早前被前度S先生爆欠佢$80萬,但Cammi反指係對方求愛不遂而抹黑自己,佢難理指控,繼續同有米男友交往享受生活。

Cammi早前難理被前度追債,繼續與男友享受優質生活Photo from Cammi IG

性感Cosplay造型賀萬聖節

Cammi喺剛過去嘅萬聖節打扮成電視遊戲《餓狼傳說》、《格鬥天王》系列嘅經典性感女角「不知火舞」,佢穿上紅色低胸裝,露出事業線及長腿自拍,誘人非常。

Cammi打扮成性感女角不知火舞Photo from Cammi IG

Cammi唔單只扮女角,亦有換上另一套服裝,好有心機。造型同樣性感,但就以黑色皮感為主,佢頭戴蕾絲兔耳,穿著谷胸馬甲及漁網絲襪,仲戴上連有金屬練嘅頸箍,好惹火~

仲有黑色低胸造型Photo from Cammi IG

黑色皮感加兔耳及頸箍,好惹火Photo from Cammi IG

佢除咗喺屋企自拍,亦有相約一班閨蜜出外玩樂,大家都以同系造型亮相,好有默契。

Cammi同閨蜜一齊自拍留念Photo from Cammi IG

Cammi與數名閨蜜襯萬聖節出外打卡Photo from Cammi IG

不經意曬富貴生活

Cammi將在家中自拍嘅美照上載到社交平台,不少網民都大讚佢漂亮,但亦有人留意到相中鏡子旁嘅一個展示櫃,雖然櫃子未有完全入鏡,但都見到裡面放有數個CHANEL及Hermès等名牌手袋,相信完整空間裡會有更多名品收藏。

Cammi自拍照嘅左邊可見其展櫃有不少名牌手袋收藏Photo from Cammi IG

外貌又進化?

Cammi新照雖然好養眼,不過佢嘅外貌似乎又再「進化」!佢雙眼比以往又大咗,鼻子亦變細,整體五官變得更像「洋娃娃」。

Cammi今次嘅萬聖節照片疑似又P圖過度,令樣貌再進化Photo from Cammi IG

佢以前已經多次被指P圖過籠,P到連地板/泳池邊都變形、胸部高低及大小不一等。

Cammi身後嘅泳池邊兩邊高低不一Photo from Cammi IG

Cammi疑似P圖過度,令兩邊胸部大小與高低都不一Photo from Cammi IG

但就如Cammi以前曾經說過:「我鐘意P咗圖嘅自己」,相信佢唔會理人哋對佢嘅指指點點。

Cammi曾表示愛P圖後嘅自己Photo from Cammi IG

Cammi食得富貴,花過萬元歎魚子醬

Cammi除咗多名牌手袋,亦常光顧高級餐廳。佢不時喺小紅書分享歎米芝蓮餐廳嘅食評,餐餐幾乎都係法國菜或Omakase,好有口福。

Cammi愛到米芝蓮二星法國餐廳Amber打卡歎酒Photo from Cammi 小紅書

Cammi都幾鐘意食魚子醬Photo from Cammi 小紅書

佢早前分享過到米芝蓮二星法國餐廳Amber嘅食評,本身一份餐已近$2,500元,Cammi之後更升級花過萬元另加魚子醬,埋單近$12,000元。除咗魚子醬,佢亦好滿意餐廳嘅龍蝦啫喱及海膽。全部菜式富貴得嚟又美味,餐廳環境又夠高級方便打卡,難怪深得Cammi歡心~

埋單過萬,好富貴Photo from Cammi 小紅書

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Cammi謝芷蕙豪過生日晒長腿被揭P到地板變形!曾言:我中意P咗圖嘅自己

22 Mar 2021

謝芷蕙(Cammi)近年生活過得越嚟越富貴,早前26歲生日嘅佢同好友去酒店Staycation慶祝,更大晒修長美腿,點知被網民發現疑似P圖過籠,令地板都變晒形!

謝芷蕙(Cammi)近年生活過得越嚟越富貴Photo from Cammi IG

Cammi之前被自稱係前度男友嘅S先生爆爭佢$80萬,又話為咗追Cammi曾豪擲$50萬同佢喺五星級酒店開Party,不過Cammi與有米男友熱戀中,懶理傳聞。

Cammi之前被自稱係前度男友嘅S先生爆爭佢$80萬Photo from Cammi IG

Cammi與有米男友熱戀中Photo from Cammi IG

繼喺情人節與富貴男友喺五星級酒店打卡飲7萬蚊紅酒晒巨鑽後,Cammi 26歲生日就同一班好友去Staycation慶祝。

Cammi IGPhoto from Cammi IG

Cammi好姊妹送上蛋糕、花、公仔等為佢慶祝,而Cammi著黑色吊帶低胸裙,更喺IG大晒超長美腿打卡呃like。

Cammi IGPhoto from Cammi IG

Cammi 26歲生日就同一班好友去Staycation慶祝。Photo from Cammi IG

有網民質疑佢對長腿唔係好合比例,更發現佢P長腿P到地板變晒形,佢雙腿附近嘅地氈、地板都顯得凹凸不平,畫面怪異。

有網民質疑佢對長腿唔係好合比例,更發現佢P長腿P到地板變晒形Photo from Cammi IG

Cammi向來都被指重手P圖P成網紅「蛇精臉」,但佢曾經表示:「我中意P咗圖嘅自己」,話唔會理會他人嘅目光。

Cammi向來都被指重手P圖P成網紅「蛇精臉」Photo from Cammi IG

Cammi曾經表示:「我中意P咗圖嘅自己」Photo from Cammi IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

Cammi新相外貌再進化!五星級酒店打卡飲7萬蚊紅酒晒巨鑽!網友:溝到有錢仔仲要阿媽係千X百貨打工

16 Feb 2021

謝芷蕙(Cammi)與富貴男友打得火熱,不時喺IG post相放閃,情人節當日,Cammi同男友齊齊去豪華五星級酒店慶祝,一身行頭超搶眼,不過網民就更關心佢外貌,發現佢又唔同咗樣!

早前有自稱係Cammi前度嘅S先生爆料指Cammi爭佢$80萬Photo from Cammi IG

早前有自稱係Cammi前度嘅S先生爆料指Cammi爭佢$80萬,甚至連對方整容隆胸嘅費用都係S先生畀錢!Cammi當然否認,而Cammi現男友亦留言力撐女朋友:「無論是誰抹黑你都不會影響我們的關係」

Cammi現男友亦留言力撐女朋友:「無論是誰抹黑你都不會影響我們的關係」Photo from Cammi IG

懶理傳聞指控嘅Cammi情人節再度放閃,佢與男友去到位於港島嘅五星級酒店慶祝,並喺酒店餐廳影相打卡。

懶理傳聞指控嘅Cammi情人節再度放閃Photo from Cammi IG

雖然Cammi無喺留言度講啲咩向男友示愛,但張相一啲都唔簡單,Cammi一襲低胸裙大騷身材,加上Chanel名牌頸鏈同戴喺中指嘅巨鑽戒指,一切盡在不言中,繼續晒富貴生活!

Cammi一襲低胸裙大騷身材,加上Chanel名牌頸鏈同戴喺中指嘅巨鑽戒指Photo from Cammi IG

之後同男友嘅合照放閃,枱面上擺嘅紅酒亦價值不菲,成港幣$7萬一枝!不過網友嘅關注點就集中喺佢外貌度,Cammi情人節新相似乎又唔同咗樣!

枱面上擺嘅紅酒價值不菲Photo from Cammi IG

網友嘅關注點就集中喺佢外貌度,Cammi情人節新相似乎又唔同咗樣!Photo from Cammi IG

唔知Cammi係再「加工」定係後期P圖,間尺鼻相當顯眼!有網民好奇佢未P圖個樣究竟係點?

唔知Cammi係再「加工」定係後期P圖,間尺鼻相當顯眼Photo from Cammi IG

喺Cammi IG下面有網民留言:「想知道今次老細又洗左幾多錢」、「好心你咁富貴就做吓孝順女啦!仲要阿媽係百貨公司返工。」

有網民留言:「想知道今次老細又洗左幾多錢」Photo from Cammi IG

網民喺Cammi IG下留言:「好心你咁富貴就做吓孝順女啦!」Photo from Cammi IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳冠希舊愛Cammi被前度鬧爆加追討數十萬整容費 回顧變臉進化史

3 Feb 2021

唔知大家仲記唔記得當年同陳冠希一吻成名嘅 16 歲女學生謝芷蕙(Cammi)?嗰陣佢哋嘅親密照片喺網上廣泛流傳,令到網民熱烈討論,引起一時轟動。1995 年出世嘅佢即將 26 歲,事件距今就嚟 10 年,而佢亦都有新男友,過住奢華富貴嘅甜蜜生活。不過,最近就有位自稱係佢前度嘅 S 先生爆料,指出 Cammi 爭自己成 80 萬,而對方嘅豪華 Party、整容隆胸嘅費用都係由自己出錢,又再喺網上掀起熱話。

Cammi經常將自己嘅奢華生活放上社交平台同一眾網民分享Photo from cbbheree@Instagram

爆料嘅 S 先生係台灣人,佢指出自己同 Cammi 喺夜總會相識,2019 年 2 月開始拍拖,3 月就已經畀咗 50 萬對方去五星級酒店大搞豪華生日會,對方當時仲扮自己係單身,引起男友 S 先生嘅不滿。

Cammi 嘅生日係 3 月 18 日,依場睇嚟就係 S 先生所指嘅生日 PartyPhoto from cbbheree@Instagram

S 先生指出:除咗豪華生日會嘅 50 萬,Cammi 去整容、隆胸嘅錢都係自己畀佢嘅,對方總共爭自己 80 萬!

Cammi 嘅生活非常奢華Photo from cbbheree@Instagram

對此,Cammi 就指出自己從來冇借過任何人嘅錢,佢亦都聲稱自己同 S 先生係透過朋友嘅介紹而認識,但自己一直都對佢冇好感,係畀面朋友先至勉強出席有佢嘅聚會。佢指出 S 先生有用唔同嘅方法,包括送禮去追求自己,但為咗可以喺埋一齊,後來嘅行為非常過火,唔單止會不斷炸佢電話,又會對佢口出惡言,同埋跟蹤、恐嚇佢,為咗保障自己,佢都有去備案,保留法律追究嘅權利。

S 先生不斷屬擾、恐嚇 CammiPhoto from cbbheree@Instagram

S 先生收到 Cammi 否認嘅回應之後,更加係爆出咗兩張親密照去證明兩個人嘅關係並唔係佢口中講到咁簡單。喺親密相入面,Cammi 同一個男人喺床上面瞓覺,而另一張就係 Cammi 同一個男人攬住嚟錫,非常肉緊。對於依兩張相,Cammi 指佢冇印象影過,但曾經有同朋友喺佢屋企飲到好醉,懷疑對方係有目的咁去影低依啲相。

Cammi 話對啲相冇印象!Photo from cbbheree@Instagram

Cammi 依家已經有新男友,近日仲喺 Instagram 上面放閃,兩個人夾埋整心心,又喺城堡前面錫錫,夠晒浪漫。現任男友亦都有喺 Cammi 個 Post 下面留言,暗指 S 先生嘅事件唔會影響到佢哋兩個之間嘅關係,有近百網友 Like 咗個留言。

Cammi 同現任男友隨即喺 Instagram 上面大曬恩愛Photo from cbbheree@Instagram

其實 Cammi 嘅外表一向都係大家嘅討論焦點,唔少網民都覺得佢嘅大眼尖臉好唔自然,質疑佢 P 圖過度又或者整容。

網民覺得佢個樣唔太自然Photo from cbbheree@Instagram

佢一直都冇避談整容嘅事,早喺 2013 年嘅時候就已經大方承認自己整過對眼,同屋企人去咗韓國整吊線雙眼皮同埋打透明質酸,當時亦透露過會想 25 歲時去抽脂隆胸。

Cammi 一直冇避談整容問題Photo from cbbheree@Instagram

到 2019 年嘅時候,又有網民喺 Instagram 上面問佢有冇整過容,佢當時就只係透露「有整過雙眼皮同打過針,唔覺得有咩問題」。有網民當時就問埋佢到底打過邊個部位呀?佢話鼻同埋下巴都打過針,但係覺得打得太長,唔啱佢心水,就溶咗冇再打。

佢指自己都有打過鼻同埋下巴,但覺得太長就溶咗冇打Photo from cbbheree@Instagram

不過,眼利嘅網民都發現佢嘅相應該唔止整容咁簡單,仲有過度嘅後期加工,但當時佢對依件事就冇再回應啦。

其實咁多年嚟 Cammi 嘅外表的確係有唔少嘅改變,例如睇番佢幾年前嘅相,雖然同樣都係 V 臉大眼,但相對上比較天然。

約 3 年前Photo from cbbheree@Instagram

約 4 年前Photo from cbbheree@Instagram

約 5 年前Photo from cbbheree@Instagram

約 6 年前Photo from cbbheree@Instagram

約 7 年前Photo from cbbheree@Instagram

約 9 年前Photo from cbbheree@Instagram

咁多年嚟個樣都有少少嘅唔同,大家又估吓到底 Cammi 喺整容方面用咗幾多錢?

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel