47歲向海嵐近照竟撞樣湯洛雯?!疑美顏濾鏡開太勁,網友直言認唔出

47歲向海嵐近照竟撞樣湯洛雯?!疑美顏濾鏡開太勁,網友直言認唔出

娛樂新聞
By Jennifer on 02 Nov 2021
Digital Editor

香港小姐冠軍向海嵐淡出娛樂圈多年,最近佢擔任TVB《香港小姐競選2021》嘅導師重返幕前。佢近日連同李思蓓與歐陽震華夫婦聚會,合照公開後掀起網民熱議,原來唔少人都表示唔認得向海嵐,更有網友直言下次美顏唔好開咁大。

香港小姐冠軍向海嵐淡出娛樂圈多年Photo from 向海嵐微博

向海嵐港姐冠軍出身,曾轉行做公關

現年47歲嘅向海嵐係1998年嘅港姐冠軍,當年佢橫掃「最上鏡小姐」、「環球美態大獎」、「動感都會大使」,外加多個回合嘅「優秀表現獎」,成為多料冠軍。

現年47歲嘅向海嵐係1998年嘅港姐冠軍,當年佢橫掃「最上鏡小姐」、「環球美態大獎」、「動感都會大使」Photo from TVB

入行後佢出演古裝劇屢次獲觀眾好評,代表作有《楊貴妃》、《無頭東宮》等,無論係四大美人,定係超級奸角佢都演得游刃有餘。不過佢喺2008年離巢並宣佈告別娛樂圈,轉行從事公關工作,常駐上海。

入行後向海嵐出演古裝劇屢次獲觀眾好評,代表作有《楊貴妃》Photo from TVB

喺《無頭東宮》演超級奸角向海嵐都游刃有餘Photo from TVB

47歲向海嵐保養得宜,身型勁fit

近年佢回流香港,出演過TVB、亞洲電視、ViuTV嘅節目。《香港小姐競選2021》向海嵐作為師姐亦有擔任導師,拍攝港姐真人騷。

近年向海嵐回流香港,出演過TVB、亞洲電視、ViuTV嘅節目。Photo from 向海嵐微博

《香港小姐競選2021》向海嵐作為師姐亦有擔任導師,拍攝港姐真人騷。Photo from 向海嵐 IG

向海嵐出道多年身型仍然keep得勁fit,手腳纖幼,佢更著短褲大晒美腿,加埋齊蔭髮型,完全唔似47歲,保養得宜嘅佢即使係喺一班應屆港姐身邊一啲都唔輸蝕。

向海嵐出道多年身型仍然keep得勁fitPhoto from 向海嵐微博

向海嵐著短褲大晒美腿,加埋齊蔭髮型Photo from 向海嵐 IG

保養得宜嘅向海嵐即使係喺一班應屆港姐身邊一啲都唔輸蝕。Photo from 向海嵐 IG

向海嵐完全唔似47歲Photo from 向海嵐 IG

歐陽震華微博公開合照,網友直言認唔出向海嵐

最近歐陽震華喺微博公開咗合照,Bobby留言:「昨晚開心的偶遇」,仲tag咗向海嵐同李思蓓,向海嵐都有轉發:「每次見面都有說不完的話題,每次都是很歡樂,笑得臉都累了」

歐陽震華喺微博公開咗合照,Bobby留言:「昨晚開心的偶遇」,仲tag咗向海嵐同李思蓓Photo from 歐陽震華微博

不過留言就有唔少網友表示認唔到向海嵐:「看了好久還是沒看出哪個是向海嵐」、「認得名字,認不出人」、「沒有看出哪個是向海嵐」

唔少網友表示認唔到向海嵐Photo from 歐陽震華微博

唔知係咪因為美顏filter開得太勁,有網民指向海嵐喺張相度有啲靚湯湯洛雯:「我以為是湯洛雯」,又叫佢唔使P圖:「下次美顏別開那麼大可以嗎」

有網民指向海嵐喺張相度有啲靚湯湯洛雯Photo from 湯洛雯 IG

網民:「我以為是湯洛雯」Photo from 歐陽震華微博

內地網民::「下次美顏別開那麼大可以嗎」Photo from 歐陽震華微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

向海嵐晒齊蔭馬尾新髮型超凍齡!疑美顏filter開太勁連梁思浩都變咗樣?

23 Feb 2021

港姐冠軍向海嵐現年46歲,已淡出娛樂圈多年。佢近日喺微博post出新相,罕有剪咗齊蔭,新造型多咗幾分青春feel,同以往判若兩人。同行嘅梁思浩都有晒合照,不過影到自己變咗樣?

港姐冠軍向海嵐現年46歲,已淡出娛樂圈多年Photo from 向海嵐微博

向海嵐喺1998年參選香港小姐,佢更連奪「最上鏡小姐」、「環球美態大獎」、「動感都會大使」成四料冠軍入行。

向海嵐喺1998年參選香港小姐成四料冠軍入行Photo from 向海嵐微博

向海嵐入行後備受力捧,都有主演過好多經典電視劇,而佢比較出名嘅代表作多數都係古裝劇,喺入面演繹古代美女。

向海嵐入行後備受力捧,都有主演過好多經典電視劇Photo from 《楊貴妃》

包括喺《楊貴妃》中擔正做女主角「楊玉環」,演中國四大美人之一都獲好評,隨後喺《無頭東宮》首演奸角,令人印象深刻。

向海嵐喺《無頭東宮》首演奸角,令人印象深刻。Photo from 《無頭東宮》

不過喺2008年佢離巢後就淡出娛樂圈,轉行做公關,更長駐上海,喺香港已無再參演新電視劇。

喺2008年向海嵐離巢後就淡出娛樂圈,轉行做公關,更長駐上海Photo from 向海嵐微博

向海嵐、楊茜堯合照Photo from 向海嵐微博

佢近日喺微博post出自拍,應該係返香港同朋友聚舊。相中佢剪咗齊蔭、紮馬尾,手掌遮住下半面,一改以前優雅長曲髮,成個人多咗幾分青春feel!連網民都話認唔到。

向海嵐近日喺微博post出自拍,相中佢剪咗齊蔭、紮馬尾,手掌遮住下半面Photo from 向海嵐微博

向海嵐成個人同以前優雅長曲髮嗰時差好遠!連網民都話認唔到。Photo from 梁思浩微博

梁思浩都有post到同向海嵐嘅合照:「五個月冇見的Anne,非常有心喺國內做完嘢之後,隔離完馬上同我哋見面」相中向海嵐超凍齡,同以前幾乎無變,不過有網友發現合照似乎美顏filter開太勁,連梁思浩都變晒樣!

梁思浩都有post到同向海嵐嘅合照Photo from 梁思浩微博

向海嵐仍同以前差唔多Photo from 梁思浩微博

有網友發現合照似乎美顏filter開太勁Photo from 梁思浩微博

梁思浩都變晒樣!Photo from 梁思浩微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel