魏駿傑前妻張利華離婚後外貌再進化?!生活越趨富貴 常去奢侈派對變身名媛

魏駿傑前妻張利華離婚後外貌再進化?!生活越趨富貴 常去奢侈派對變身名媛

娛樂新聞
By Cheryl on 03 Nov 2021
Digital Editor

54歲魏駿傑與比佢年輕20歲嘅張利華於2008年結婚後誕下一女,到2015年起屢傳婚變,直至去年終於離婚。女兒現時由魏駿傑撫養,而張利華生活則越嚟越富貴,外貌仲疑似再進化添!

張利華與魏駿傑前2008年結婚後屢傳婚變,終於去年離婚Photo from IG 圖片

魏駿傑娶細20年張利華終離婚收場

現年54歲嘅魏駿傑在2008年與比佢細20年嘅重慶大學生張利華閃婚,惟之後常有婚變傳聞出現。張利華曾與單車手鄧宏業傳緋聞,去年又被揭久發跟外籍銀行家有戀情。

離婚後,二人女兒由魏駿傑撫養Photo from 微博

離婚後魏駿傑一人養女

張利華其後更向傳媒直指佢同魏駿傑夫婦關係早已變淡,又自爆跟丈夫已經有5-6年無性生活。二人最終在去年離婚。離婚後,魏駿傑獨自撫養女兒,佢表示一切會以女兒為先,又稱自己決定終身不娶,據悉佢出售西貢獨立屋愛巢後有意帶愛女移居大馬。

魏駿傑離婚後宣佈終身不娶,睇嚟離婚對佢影響極大Photo from 魏駿傑 微博

張利華離婚後生活越趨富貴

至於34歲張利華則重新生活,佢轉投保險界發展,更成為前藝人王玉環嘅手下猛將,主力吸納內地客人,並獲得相當不錯嘅成績,有指佢喺短短一年已成功晉身「百萬圓桌」會員,以及擔任組長帶領下屬。

張利華離婚後轉頭保險界撈得有聲有色Photo from IG 圖片

張利華現時生活富貴Photo from IG 圖片

張利華不時出席品牌活動派對Photo from IG 圖片

廣告
廣告

張利華現時生活睇落好精彩,佢經常出外打高爾夫球、玩wakesurf、打網球等,又經常以一身名媛打扮出席奢侈品牌舉辦嘅活動,貴婦味濃郁。

張利華分享泳衣照曬美好身段Photo from IG 圖片

張利華閒時會打網球Photo from IG 圖片

張利華外貌「升級」?

除咗打扮升級,不少網民認為張利華外表都同樣有「進化」,五官變得更「洋娃娃」化,臉型更尖、鼻變高、雙眼皮更深、嘴唇更豐厚,同多年前與魏駿傑嘅婚照比確實有頗大落差。

張利華外貌同生活同步「升級」?Photo from IG 圖片

張利華五官變得更精緻Photo from IG 圖片

有網民認為張利華因為離婚後「重獲新生」而容光煥發,變靚咗都正常,又表示最重要嘅係各人都能找到最適合自己嘅新道路。

張利華不時分享自拍美照Photo from IG 圖片

有網民認為張利華外貌再出現變化係離婚後生活變好所致Photo from IG 圖片

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel