陳法拉新劇造型有大突破! 超短曲髮展現成熟美 網民反應不同!

陳法拉新劇造型有大突破! 超短曲髮展現成熟美 網民反應不同!

娛樂新聞
By Stephanie on 03 Nov 2021
Digital Content Writer

陳法拉成功進軍荷李活,早前參與嘅MARVEL電影尚氣與十環幫》亦大獲好評,人氣再度飆升!最近,佢就獲邀拍攝HBO美劇,仲為咗角色而嘗試新髮型,不過就被唔少網民話「同《溏心風暴》嘅米雪髮型一樣!」

陳法拉最近正在法國拍攝HBO美劇,並為角色轉變髮型!Photo from 陳法拉IG

# 2005年入行並加入TVB!

現年39歲嘅陳法拉2002年開始於美國參加選美比賽,再於2005年回港參加《國際華裔小姐》榮獲亞軍,並成為TVB旗下藝人。直到2013年離巢,前往美國修讀戲劇碩士課程,後來就正式進軍荷李活影圈!

陳法拉曾參與多部TVB電視劇。Photo from TVB

陳法拉與2013年離開TVB,到美國進修戲劇。Photo from TVB

# 參與MARVEL電影,進軍荷李活!

早前,陳法拉就有份參與MARVEL電影《尚氣與十環幫》,票房成績非常好,佢於電影中嘅亮眼表現亦獲得唔少網民大讚,人氣再度上升!工作接唔停嘅佢,最近就獲邀請出演HBO美劇飾演反派角色,亦係佢第2次出演美劇,該劇係改編自張曼玉曾經擔任主演嘅經典法國片《女飛賊再現江湖》(Irma Vep)。

陳法拉亦有份出演MARVEL電影《尚氣與十環幫》!Photo from 陳法拉IG

陳法拉亦因此而人氣再度急升,演技實力受到國際肯定!Photo from 陳法拉IG

# 現於法國預備新劇拍攝

而陳法拉就帶同法籍老公以及囡囡一齊前往法國工作,仲喺IG上載咗為新劇剪短頭髮嘅照片。由照片中所見,佢已經將頭髮剪短到及肩長度,仲挑戰瀏海髮型,睇落依然非常青春!

陳法拉已經帶同家人一齊前往法國,預備拍攝工作。Photo from 陳法拉IG

陳法拉嘅及肩瀏海髮型,顯得十分減齡!Photo from 陳法拉IG

# 新劇短髮造型同米雪相似?!

後來,陳法拉又再補上戲劇中嘅髮型照,只見佢嘅頭髮比之前所見嘅更加短,而且仲變成曲髮,顯得比較成熟,同佢以往嘅風格差天共地!但網民似乎對於佢嘅新髮型有唔同嘅睇法:有網民就直言覺得劇中髮型好似唔太適合佢,感覺太過成熟;有網民仲講笑咁話新髮型同當年《溏心風暴》米雪嘅髮型簡直係一模一樣啊!

陳法拉隨後公開新劇中嘅超短曲髮造型!Photo from 陳法拉IG

有網民就話陳法拉新劇嘅髮型,同《溏心風暴》米雪嘅造型非常神似!Photo from TVB

# 網民大讚髮型有突破!

不過亦有部份網民覺得法拉嘅顏值成功駕馭呢個咁難carry嘅曲髮造型,雖然同佢以往嘅風格有啲唔同,不過都算係一個唔錯嘅新嘗試,紛紛留言表示非常期待佢於新劇中嘅表演!

有唔少網民就大讚法拉今次嘅髮型依然好靚,有好大嘅突破!Photo from 陳法拉IG

網民紛紛大讚以法拉嘅顏值絕對可以carry到呢個新髮型啊!Photo from 陳法拉IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

39歲陳法拉晒最新素顏照 網民:肌膚光滑到似20歲少女!

31 May , 2021

39歲陳法拉同法籍老公Emmanuel Straschnov結婚兩年,現育有一女兒「小米妮」,法拉努力兼顧家庭工作,所以佢最近都不忘飛往法國補慶母親節,並上載同老公約會合照上社交平台,當中,法拉更大曬素顏照,網民見到都直言似20多歲少女多啲!

陳法拉 IGPhoto from 陳法拉 IG

法拉同老公於2019年結婚後,一直非常甜蜜,無被法拉嘅幕前工作影響到。兩人更於今年情人節宣布愛情結晶品「小米妮」於鼠年尾出世。法拉平時都把握時間享受親子時光,早前,佢更加帶埋囡囡一齊搭飛機,畀「小米妮」陪自己去拍戲。

陳法拉 IGPhoto from 陳法拉 IG

陳法拉 IGPhoto from 陳法拉 IG

近年到荷里活發展嘅法拉,參演咗Marvel首部亞裔英雄電影《尚氣》,電影將於今年上映。早前,法拉亦同多位電影人討論有關亞裔美国人係荷里活中地位議題。

陳法拉 IGPhoto from 陳法拉 IG

早前,法拉喺某名牌嘅訪談項目中表示,佢覺得做媽媽後面對嘅困難挑戰係要學識運用時間,適當分配私人生活同事業,睇嚟法拉喺依方面都遊刃有餘。

陳法拉 IGPhoto from 陳法拉 IG

日前,法拉於IG上載一組相片,關於佢到法國同老公一齊補回慶祝母親節,佢喺帖文用法文寫道:「第一次喺法國慶祝母親節。」

陳法拉 IGPhoto from 陳法拉 IG

相片中,可見法拉素顏上陣,直望鏡頭甜笑,網民都大讚佢少女味極重,肌膚幼滑,一啲都睇唔出佢已為人母!

陳法拉 IGPhoto from 陳法拉 IG

同老公嘅合照中,猛烈陽光照臉下,法拉都依然明艷照人,皮膚保養得相當唔錯,睇唔出任何歲月痕跡,話係20幾歲女仔應該都有唔少人信~

陳法拉 IGPhoto from 陳法拉 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel