download HolidaySmart 假期日常 app
傳Mandy用昔日愛巢救洗米華!出事20日前抵押市值1.2億半山豪宅

傳Mandy用昔日愛巢救洗米華!出事20日前抵押市值1.2億半山豪宅

娛樂新聞
By Stephanie on 30 Nov 2021
Digital Content Writer

澳門太陽城集團創辦人周焯華(洗米華)最近被澳門警方帶走調查,佢旗下嘅公司現時都面臨困境。日前,有傳佢嘅「舊情人」Mandy Lieu早於洗米華出事前20日就將市值約1.2億元嘅西半山豪宅單位抵押俾新濠國際旗下嘅新濠博亞(澳門),以作還錢之用。

洗米華舊情人Mandy Lieu抵押名下豪宅幫男方?!Photo from Sublime 網站

# 洗米華被澳門警方帶走!

澳門娛樂大亨周焯華(洗米華)上星期六(27日)被澳門警察帶走調查,而佢嘅感情生活一直都備受關注。出事後,正印洗米嫂(陳慧玲)就已經立刻將自己嘅IG轉為私人帳號;而「舊情人」Mandy Lieu現時就長居於英國,管理自己370幾萬平方米嘅Ewhurst莊園,過住好寫意嘅生活。

出事後,洗米嫂已經立刻將自己嘅IG轉為私人帳號!Photo from 洗米嫂IG

長居英國嘅Mandy Lieu就成為農場主人以及Sublime專欄作家。Photo from Sublime 網站

# Mandy Lieu抵押豪宅幫對方?

喺洗米華出事後,唔少人都立刻擔心佢旗下嘅公司會因此而大受影響,有指太陽城集團嘅股價已經立刻急跌!有傳,Mandy Lieu原來已經喺出事20日前將佢嘅市值約1.2億嘅西半山豪宅「珒然」高層單位,抵押俾新濠博亞(澳門)公司,用作抵欠該公司嘅所有債務(to secure all sums of moneys including general credit facilities)。

有傳Mandy Lieu已經將位於西半山嘅豪宅抵押予新濠博亞(澳門)。Photo from Sublime 網站

# Mandy Lieu係單位嘅唯一業主!

據悉,呢個半山豪宅單位係Mandy Lieu 2014年以逾9,132萬元購入嘅,單位面積約2,182呎。由於傳媒過往曾經拍到洗米華同Mandy一齊返回單位,所以大家都認定該單位係兩人當時嘅愛巢!

據悉,Mandy Lieu於2014年以逾$9,100萬購入西半山豪宅「珒然」單位!Photo from Sublime 網站

# 網民反應不一

唔少網民得知後,都講笑咁話「原來係真愛」、「有情有義」等留言,認為Mandy Lieu係念在舊情,所以先會決定幫對方!另一方面,有網民就認為Mandy只係趁機向洗米華表達自己嘅心意,依然希望有機會「轉正」,不過亦有網民覺得呢間豪宅好大機會都係洗米華嘅物業,只不過係歸Mandy Lieu名下而已。

網民認為Mandy有情有義,但亦有網民認為佢係想爭取轉正機會?!Photo from 連登討論區

# 兩人2014年爆出緋聞!

曾有「最強小三」之稱嘅Mandy Lieu 喺2014年同洗米華爆出緋聞,兩人高調出席飯局,轟動全城!喺2015年至2017年間,Mandy Lieu為洗米華誕下2女1子。然而,兩人於2019年驚傳分手,而洗米華亦公開表示洗米嫂為唯一老婆,令Mandy Lieu心淡離開,帶同子女定居英國。

Mandy Lieu 2014年同洗米華爆出戀情,當時驚動唔少網民!

洗米華曾公開表示洗米嫂Heidi係唯一嘅老婆!Photo from 洗米嫂IG

# Mandy Lieu帶同子女長居英國!

直到2020年,Mandy Lieu接受英國傳媒訪問時,承認兩人已經分手,亦自爆再為男方誕下女兒,證實為洗米華生下4胎嘅傳聞!

Mandy Lieu 2020年公開承認分手傳聞,並表示再為男方誕下女兒!Photo from Sublime 網站

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

洗米華老婆Heidi急刪兩人合照?!Mandy Lieu擁英國3億莊園或成最大贏家?!

29 Nov , 2021

澳門娛樂大亨兼太陽城集團創辦人周焯華(洗米華)被澳門警方帶走,佢與正印洗米嫂陳慧玲(Heidi)、Mandy Lieu嘅三角戀情一直都備受關注。而喺洗米華出事後洗米嫂已將IG轉為private,而已分手嘅Mandy同仔女定居英國,生活寫意。

澳門娛樂大亨兼太陽城集團創辦人周焯華(洗米華)被澳門警方帶走,佢與正印洗米嫂陳慧玲(Heidi)、Mandy Lieu嘅三角戀情一直都備受關注。Photo from 洗米嫂IG

洗米華周旋於洗米嫂、Mandy Lieu之間

洗米華與Heidi於2002年結婚,兩人婚後育有2名女兒,不過洗米華身邊有唔少桃花,2014年佢被爆與混血模特Mandy Lieu交往,兩人相戀5年,期間Mandy為佢誕下三女一子。

2014年洗米華被爆與混血模特Mandy Lieu交往,兩人相戀5年,期間Mandy為佢誕下三女一子。

洗米華同Mandy愛得高調,2015年更世紀牽手,公開戀情!正當外界都以為Mandy會由第三者坐正之際,有指洗米華成功箍煲,與正印妻子重修舊好,更狠心斬斷5年情,同Mandy分手。

有指洗米華成功箍煲,與正印妻子重修舊好Photo from 洗米嫂IG

洗米華與Mandy斬纜,回歸家庭

之後洗米嫂亦不時喺IG大晒家庭照,洗米華回歸家庭。洗米華更為老婆慶祝40歲生日大搞party,又送上20多卡巨鑽戒指,力證夫妻感情不變!

洗米華為老婆慶祝40歲生日大搞party,又送上20多卡巨鑽戒指Photo from 洗米嫂IG

喺洗米華被帶走嘅消息傳出後,唔少網友都喺洗米嫂IG下留言關心佢,佢前一日就喺IG分享咗男女關係嘅語錄:「最令人討厭的就是男人,成天說女人不講道理!女人不講道理是天經地義的,女人不講道理才是永恆不變的道理。男人這麼愛講道理可以找男人約會拍拖」,洗米嫂仲話有道理。不過喺老公出事後,洗米嫂就將IG轉做private。

洗米嫂喺IG分享咗男女關係嘅語錄,不過喺老公出事後,洗米嫂就將IG轉做private。Photo from 洗米嫂IG

洗米華老婆Facebook將二人合照刪走?!

有網友發現洗米嫂私人Facebook將佢同洗米華嘅二人合照刪走,僅留家庭合照,引起網民熱議。有人表示洗米嫂IG仍有保留合照,但就刪咗「女人不講道理」嘅post。

有網友發現洗米嫂私人Facebook將佢同洗米華嘅二人合照刪走Photo from 洗米嫂IG

有人表示洗米嫂IG仍有保留合照,但就刪咗「女人不講道理」嘅post。Photo from lihkg

其實洗米嫂一向甚少喺社交網站分享佢同洗米華嘅二人合照,而且生日當日佢雖然都有大搞慶祝活動,但老公洗米華亦並未喺佢IG出現,舊年洗米華仲有送鑽戒,洗米嫂更甜蜜表示:「幸運是我!」,未料今年佢竟缺席太太嘅生日party。

洗米嫂一向甚少喺IG分享佢同洗米華嘅二人合照Photo from 洗米嫂IG

生日當日洗米嫂雖然都有大搞慶祝活動,但老公洗米華亦並未喺佢IG出現Photo from 洗米嫂IG

Mandy Lieu獲3億分手費定居英國搞生意

而同洗米華分手嘅Mandy Lieu早與子女定居英國,有傳佢2019年與洗米華結束關係後獲贈3億「掟煲費」!回復單身嘅Mandy花約$2.8億購入佔地370幾萬平方米嘅Ewhurst莊園,過住寫意生活。

同洗米華分手嘅Mandy Lieu早與子女定居英國,有傳佢2019年與洗米華結束關係後獲贈3億「掟煲費」!

回復單身嘅Mandy花約$2.8億購入佔地370幾萬平方米嘅Ewhurst莊園,過住寫意生活。Photo from Sublime

Mandy更不時喺專欄更新近況,佢致力將莊園發展成生產有機食品嘅生態農場,近日佢更喺倫敦近郊開咗一間主打天然食材嘅餐廳「The Good Plot」。

Mandy更不時喺專欄更新近況,佢致力將莊園發展成生產有機食品嘅生態農場Photo from Sublime

近日Mandy更喺倫敦近郊開咗一間主打天然食材嘅餐廳「The Good Plot」。Photo from Sublime

Mandy表示希望大家可以保持健康嘅生活習慣,餐廳嘅內部設計亦走田園風,因為疫情關係,餐廳轉為主力做外賣。

Mandy表示希望大家可以保持健康嘅生活習慣,餐廳嘅內部設計亦走田園風Photo from Sublime

因為疫情關係,Mandy開嘅餐廳轉為主力做外賣。Photo from Sublime

喺洗米華出事後,有網友指:「Mandy lieu 成大贏家」。

喺洗米華出事後,有網友指:「Mandy lieu 成大贏家」。Photo from lihkg

連登網民留言指「大難臨頸各自飛」Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel