Bakehouse尖沙咀開分店 最強牛角包+葡撻!首賣迷你菠蘿油|尖沙咀美食

Bakehouse尖沙咀開分店 最強牛角包+葡撻!首賣迷你菠蘿油|尖沙咀美食

美食推介
By Monie Lau on 15 Dec 2021
Reporter/ Anchor

早前有蛋撻迷發現,尖沙咀漢口道圍上Bakehouse招牌藍色圖案圍板,而官方亦證實分店將會成為九龍區首間分店,各位蛋撻迷終於不用過海都可以一歎Bakehouse招牌葡撻牛角包,新店更會獨家推出新口味甜點,想知道Bakehouse新店詳情,立即睇內文!

Bakehouse尖沙咀店

灣仔人氣麵包店Bakehouse 由曾在香港四季酒店擔任糕點行政總廚達8年的Grégoire Michaud主理,以招牌牛角包同酸種葡撻打出名堂,總店日日大排長龍!今次Bakehouse殺入尖沙咀漢口道,成為第3間分店,更是九龍區首間分店,各位粉絲終於不用過海都可以一歎人氣焦糖葡撻、牛角包及酸種麵包。

今次Bakehouse殺入尖沙咀漢口道!Photo from PressLogic

暫時官方還未宣布正式開店日期,各位粉絲記得留意其官網最新消息,相信屆時又掀起一陣排隊潮!

灣仔人氣麵包店Bakehouse 由曾在香港四季酒店擔任糕點行政總廚達8年的Grégoire Michaud主理!Photo from PressLogic

尖沙咀店獨家產品

尖沙咀分店打響頭炮獨家推出新產品,新品以香港地道美食菠蘿包為靈感,先有鹹蛋脆皮雲呢拿夾心菠蘿油,配搭新奇有驚喜,奶油夾心夠鹹香而且口感柔滑,焦糖脆脆增加口感!

尖沙咀分店打響頭炮獨家推出新產品,新品以香港地道美食菠蘿包為靈感!Photo from PressLogic

。配搭新奇有驚喜,奶油夾心夠鹹香而且口感柔滑Photo from PressLogic

另外蘋果肉桂菠蘿包的餡料由紅蘋果、黃糖和肉桂製成,落啖啖果香,而且份量大小剛好,做到甜而不膩!

另外蘋果肉桂菠蘿包的餡料由紅蘋果、黃糖和肉桂製成。Photo from PressLogic

廣告
廣告

熱門新產品

除此之外尖沙咀店亦會有售一系列的新產品,當中包括日式咖喱包,沿用Greg的一位日本朋友的秘製食譜,完美還原日式風味的咖喱包;咖喱包用上近10種香料調味,再塗上芝麻油烤至酥脆,最後塗上多一層芝麻油及香蔥提味,食落咖喱牛肉口感鮮嫩!

日式咖喱包沿用Greg的一位日本朋友的秘製食譜。Photo from PressLogic

抹茶白朱古力曲奇採用山政小山園的抹茶粉,內裏夾著濃郁香甜的白朱古力,趁藉溫熱食更會有少許流心效果!

抹茶白朱古力曲奇採用山政小山園的抹茶粉。Photo from PressLogic

另外新推出的玄米酸種麵包選用來自日本第一茶產區靜岡縣的玄米,食落米香滿溢,愈嚼味道愈濃郁!

另外新推出的玄米酸種麵包選用來自日本第一茶產區靜岡縣的玄米!Photo from PressLogic

Bakehouse尖沙咀店
地址:尖沙咀漢口道44號地下
開店日期:待定
網站:按此

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel