網民選出《造星4》女團成員有力人選！芯駖/IvySo獲網民力撐！將會誕生8人組合？

ViuTV節目《全民造星4》決賽已經於聖誕節當晚完滿結束，三甲分別係冠軍Marf奪得、Gao獲得亞軍、而Day就獲得季軍！而女團最終成員就將會喺下年1月12日嘅時候公佈，唔少網民都有自己嘅心水女團成員，即刻睇下有邊幾位啦～

Photo from ViuTV

《全民造星4》決賽已經完結，而賽後經紀人戴穎（Wing）就表示將會考慮組成8人嘅女團，將會痛台前幕後嘅工作人員好好商討成員名單，並已經落實於明年1月12日正式出道！而網民們亦有自己嘅心水女團成員，而家即刻睇下有邊幾個啦～

1. Marf 邱彥筒（奪冠直入女團）

現年19歲嘅Marf能歌善舞，成功吸引一班粉絲嘅支持，賽前就已經係大熱門。而佢喺決賽嘅時候就選擇用原創曲表演，穩定嘅唱跳實力以及台風，亦成功攻陷評判們嘅心以最高分數奪冠～有指，佢奪冠之後身價已經立刻飆升至近15萬！

Photo from Marf IG

Photo from ViuTV

2. Gao 沈貞巧 （亞軍直入）

Gao跳Locking舞蹈嘅才能深深吸引觀眾，而Wing過往亦大讚佢係隊伍中嘅強心針，絕對係咗女團隊長嘅最佳人選。決賽當日，佢表現突出令唔少網民表示另眼相看，最終以37分奪得亞軍！

Photo from ViuTV

Photo from Gao IG

3. Day 許軼 （季軍直入）

19歲嘅Day曾經喺韓國做練習生半年，唱跳實力都兼備，早期就被網民喻為係女團嘅潛力成員。能夠駕馭各種風格嘅佢喺決賽當日以穩定嘅表演以及高人氣，獲得季軍！

Photo from ViuTV

Photo from Day IG

4. So Ching 蘇芷晴

So Ching本身係一位舞蹈老師，曾為唔少藝人擔任伴舞。唔少網民都認為佢跳舞時魅力非凡，而且唱歌實力唔錯，就算成為女團成員都應該可以勝任！

Photo from So Ching IG

Photo from So Ching IG

5. Ivy So 蘇雅琳

Ivy So 外型甜美有活力，從比賽一開始就已經獲得網民們嘅喜愛，係網民認為嘅顏值擔當！雖然經常都被網民話係「靠樣」入圍，不過佢喺比賽過程中亦好努力練習，獲得唔少好評。而名校出身嘅佢本身就讀護理系，但就為比賽而選擇退學，有網民仲翻找佢嘅素顏照大讚佢夠清純，獲封為「仙氣女神」～

Photo from Ivy So IG

Photo from ViuTV

6. 芯駖 李芯駖

芯駖係20強參賽者中年紀最大嘅一位，不過並冇影響佢對表演嘅熱誠，而且亦成功令評判同觀眾對佢改觀，大讚佢勇敢追夢！而佢喺決賽當日嘅最終成績係第4名，唔少網民都希望佢可以成為女團成員之一。

Photo from 芯駖IG

Photo from 芯駖IG

7. Sica 何洛瑤

Sica喺初賽嘅時候，就以日系風格成功奪取觀眾嘅目光，仲喺表演途中跌倒而被花姐大讚識執生！雖然網民對佢表演嘅評價好壞參半，但佢嘅人氣亦非常高，係眾多參賽者中首位獲得應援巴士支持～

Photo from Sica IG

Photo from HolidaySmart

8. 阿妹 黃敏蕎

現年17歲嘅阿妹喺96強淘汰賽嘅時候就已經出局，被好多網民譽為係《造星4》被淘汰最可惜嘅參賽者！唔少網民都認為佢嘅能力絕對可以勝任做女團成員。

Photo from ViuTV

Photo from 阿妹IG

相關文章：《全民造星4》網民心水10強公開！Marf/Day呼聲最高 !女團人數暫定10人內?

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

全民造星4｜參賽者表演出晒事？大熱Ivy So唱歌走音、Winka條裙被指奇怪

25 Dec , 2021

《全民造星4》總決賽將選出三甲直入女團，20位參賽者逐一表演，其中大熱參賽者1號Ivy So喺網民投票中竟然前五不入，喺個人表演環節目更出事！

Ivy So演唱《勿忘》，但表演十分一般，更有網友直言佢本來唱功麻麻，唔明點解要揀呢首歌：「炒晒車！」

之後表演《花無雪》嘅穎蕎亦有出現走音情況，後面幾位表現亦各有瑕疵。

Ada仔嘅Rap被指突兀。仲有Winka同芯駖嘅服裝都被指十分奇怪。

Win Win表演Rap，佢以歌詞表達心境。「家燕媽媽學生」榛綦表演唱跳。

So Ching同超酸都表演跳唱，更自己寫Rap詞。

屬於「顏值擔當」嘅Yoyo一向唱功都唔突出，佢表演時唱高音亦相當吃力。

另一大熱人選Day表演唱跳《相對濕度》，有韓國練習生經歷嘅佢表現唔錯。最後表演嘅Alice都係跳唱，不過唱歌都出事。

最終結果：Marf大熱奪冠，Gao第二、Day第三，佢哋將會直接成為女團成員。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）