網民疑似撞破Ash同MC張天賦約會?拍MV戲假情真?MC一句回應兩人關係

網民疑似撞破Ash同MC張天賦約會?拍MV戲假情真?MC一句回應兩人關係

娛樂新聞
By Stephanie on 04 Jan 2022
Digital Content Writer

ViuTV全民造星4》參賽者Ash(鍾卓穎)昨日(3/1)就承認離婚消息,並表示同前夫係和平分開,令唔少人感到震驚。不過,有網民就喺討論區大爆佢同歌手MC張天賦喺平安夜當日行超級市場,兩人疑似因為拍MV而擦出愛火,令網民議論紛紛!

Ash被網民大爆疑似與MC張天賦拍MV撻著?!Photo from 《時間不早》MV

# Ash證實與台籍老公離婚!

Ash(鍾卓穎)因參加《全民造星4》而人氣急升,成為近來廣告界嘅新寵兒~昨日(3/1),Ash就喺IG證實同台灣籍老公離婚嘅消息,仲強調兩人係和平分手,引起網民熱議。

Ash憑著參加《全民造星4》而人氣飆升!Photo from Ash IG

Ash日前喺IG證實與台灣籍老公離婚嘅傳聞!Photo from Ash IG

# Ash 前夫護航:問題在我身上!

不過離婚消息曝光後,唔少網民都質疑Ash係因為突然爆紅而捨棄老公,並直指佢係「雙面人」、「扮清純」等。而Ash嘅前夫亦喺IG為佢澄清,指對方係心地善良,即使離婚後都會全力支持佢,仲強調「記得問題在我身上」,極力護航!

Ash前夫強調兩人係和平分手,並大讚對方係好女仔!Photo from IG @ taiwan.fatboy

即使離婚都為Ash極力護航!Photo from IG @ taiwan.fatboy

# 網民疑似撞見Ash同MC張天賦逛街?!

隨後,有網民大爆平安夜當日喺黃埔見到Ash同剛奪得叱咤男生力軍金獎嘅MC張天賦一齊!由爆料照片中所見,兩人係行緊超級市場,喺收銀處預備俾錢。有網民就推測兩人可能因為拍攝《時間不早》嘅MV而擦出愛火,因而導致婚變?!

有網民喺連登大爆喺平安夜當日,於黃埔超市見到Ash同埋MC!Photo from 連登討論區

兩人似乎喺超市買完嘢,喺收銀處預備結帳。Photo from 連登討論區

# 網民反應不同!

然而,有網民就質疑圖片太過模糊,根本就唔可以確定相中人嘅模樣,認為唔應該咁快下定論;但部份網民就反駁只係睇相中人嘅耳環、髮型、服裝等都認為的確同佢哋嘅形象相似,引起熱議!

有網民認為圖片太模糊,根本睇唔出係咪Ash同MC。Photo from 連登討論區

但有網民表示單憑衣著、髮型等就已經同佢哋兩個非常相似!Photo from 連登討論區

網民亦因為曝光嘅兩張照片而議論紛紛。Photo from 張天賦IG

# 前夫解畫當日係慶功宴?!

而Ash嘅前夫亦有作出回應,話平安夜當日係同Ash一齊渡過,但隨後又立刻改口「那天是慶功宴啦!」,指兩人會碰面全因爲工作,似乎令呢兩張爆料圖片嘅可信度大大增加!

有網民就喺Ash前夫IG留言講出自己喺平安夜當日見到Ash同MC!Photo from IG @ taiwan.fatboy

起初,Ash前夫話Ash當日同佢一齊渡過,但後來就話佢哋兩人見面係為慶功?!Photo from IG @ taiwan.fatboy

# MC所屬公司回覆!

事件鬧得沸沸揚揚,MC所屬嘅華納唱片就向傳媒回覆「兩人只係工作朋友關係」,否認兩人熱戀傳聞!

張天賦所屬嘅華納音樂就澄清兩人只係朋友關係。Photo from 張天賦IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

《造星4》Ash承認已經離婚!過往黑歷史被翻出?前夫晒親密合照:成為更好的人再追你!

3 Jan , 2022

ViuTV節目《全民造星4》決賽喺聖誕節完滿結束,唔少網民都非常期待女團成員嘅名單,而喺第一回合出局但擁有極高人氣嘅人妻Ash(鍾卓穎)就係唔少網民心目中嘅心水成員之一喇~最近,有網民就大爆Ash老公疑似喺IG宣佈離婚消息!

《造星4》參賽者Ash(鍾卓穎)疑似婚變?!Photo from IG @taiwan.fatboy

# Ash 成為廣告界新寵兒!

ViuTV節目《全民造星4》成功令唔少參賽者備受關注,當中喺分組賽出局嘅人妻Ash(鍾卓穎)就擁有極高嘅人氣,仲成為咗廣告界嘅新寵兒,前途無可限量!比賽進行期間,佢嘅感情狀態亦成為咗網民熱話,佢當時就表示冇講自己已婚係希望保護老公,仲大讚老公十分支持佢參賽,感情甜蜜~

Ash(鍾卓穎)憑甜美歌聲以及外貌,成功吸引一班粉絲!,人氣非常高!Photo from 《全民造星4》

而Ash亦成為咗廣告商嘅新寵兒~Photo from Ash IG

# 被爆出疑似與老公離婚?!

不過,最近有網民就發現Ash老公幾日前就喺IG連續出咗3個post,疑似公佈離婚消息,「一起在香港簽字離婚」、「未來的每一天我都不會再有你在我身邊」、「我的豆腐,龍龍要離開了」等字句,並表示將會獨自回台灣生活,睇得出佢依依不捨嘅心情!

Ash老公疑似於IG宣佈兩人離婚嘅消息?!Photo from IG @taiwan.fatboy

Ash老公揚言會回台灣,成為更加好嘅人後,再一次追求Ash!Photo from IG @taiwan.fatboy

# 男子上載多張與Ash親密情侶照!

由於呢位男子亦有上載多張與Ash嘅親密合照,而照片亦同Ash被爆出已婚嘅傳聞時嘅差唔多,令網民更加對於佢婚變一事深信不疑!

而Ash老公亦上載多張於Ash嘅甜蜜合照!Photo from IG @taiwan.fatboy

非常生活化嘅照片令網民覺得兩人離婚嘅消息,可信度大增!Photo from IG @taiwan.fatboy

# Ash證實離婚消息!

而Ash亦喺深夜時分喺IG對離婚消息作出回應,證實消息!佢表示兩人係和平咁達成共識,「決定係不久之前作出,只想低調處理」,誠心希望對方都可以一切順利!

Ash亦於IG承認已經離婚!Photo from Ash IG

# 網民反應不同!

人紅自然是非多!Ash疑似離婚嘅消息一傳出,就有網民指佢係「雙面人」,喺人前人後製造婚姻美滿嘅好形象,「一紅就離婚?!」、「係咪因為簽咗女團啊?」等留言,替佢老公感到不值。不過亦有網民認為兩人嘅感情事唔應該由大家判斷,而且Ash老公亦話「一切都是我的錯,從沒想過會發生的事情還是發生了」等,認為唔應該太快下定論!

有網民就認為Ash係因為爆紅,先同老公離婚?!Photo from 連登討論區

網民對於Ash離婚都有唔同嘅睇法!Photo from IG @taiwan.fatboy

有網民就話Ash老公上載嘅其中一張照片,曾提及係自己做錯事?!Photo from IG @taiwan.fatboy

# Ash過往黑歷史被翻出!

而佢過往中學時期嘅黑歷史亦隨即被翻出,有網民曾經大爆被Ash「蝦」,並成為咗佢心中不能抹走嘅傷痕。雖然當時嘅Ash並冇作出任何回應,但就喺IG分享過自己中學嘅唔開心經歷,並感恩現時有咁多疼愛佢嘅粉絲們!除此之外,有網民仲上載疑似係Ash過往跳鋼管舞嘅舊照,指對方同螢幕上嘅清純形象有差別!

Ash過往嘅黑歷史亦再一次被翻出!Photo from Ash IG

有網民就上載Ash過往跳鋼管舞嘅照片,認為佢係扮清純。Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel