12個《千與千尋》傳聞大破解！由吉卜力親自回應!無面男原型/將會有續集?
日本宮崎駿動畫《千與千尋》喺2001年上映，成功打破日本多個票房紀錄，並榮獲受國際認可嘅獎項，成為唔少人心目中嘅經典動畫片！適逢電影上映20週年，吉卜力動畫工作室就喺網上逐一解答電影所留下嘅傳聞以及謎團，引來唔少粉絲熱議～
Photo from Studio Ghibli @Twitter
今年係日本動畫《千與千尋》上映20週年，而吉卜力工作室就喺Twitter解答咗唔少粉絲一直以來感到好奇嘅傳聞同疑問，瞬間引起網民關注！而家就即刻睇下有關《千與千尋》嘅傳聞解答啦～
1. 「千尋」係宮崎駿童年時嘅玩伴
有指，電影中嘅小女孩荻野千尋其實係導演宮崎駿喺10歲時認識嘅朋友，並以該朋友作為角色嘅原型創作。
Photo from Studio Ghibli @Twitter
2. 電影將會有續集？
由以前就由傳聞話《千與千尋》將會開拍續集，而且只係部份戲院先會上映。對於呢個傳聞，宮崎駿就回應「當初故事係打算由千尋屋企開始，再由千尋房間連接去妖怪世界，並展開佢同媽媽一齊去湯屋嘅故事。但最後因為太麻煩而放棄咗！」，但就否認後者嘅傳言。
Photo from Studio Ghibli @Twitter
3. 坊寶寶身形巨大原因
坊寶寶係湯屋嘅主管，並且同湯婆婆一齊管理湯。嬌生慣養嘅佢雖然身形龐大，但卻擁有嬰兒般嘅臉孔。對於坊寶寶嘅身形，官方就話係希望象徵小朋友長大之後，依然會保持童真嘅心；而且湯婆婆本身就非常疼愛佢，所以一定會買唔少食物俾佢～
Photo from Studio Ghibli @Twitter
Photo from Studio Ghibli @Twitter
4. 《千與千尋》故事靈感來源
官方解釋故事嘅背景都係宮崎駿先生諗起過往曾經到訪過嘅地方，有部份諗唔起嘅地方就會靠自己嘅想像力完成景象。而動畫開頭嘅「美食街」就係由東京新橋嘅商店街以及樂町街道所幻想出來！
Photo from Studio Ghibli @Twitter
5. 錢婆婆與湯婆婆嘅不同之處
其實喺宮崎駿繪畫手稿嘅時候，錢婆婆同湯婆婆喺外型上係非常唔同，喺過往公開嘅手稿中就會發現錢婆婆外型上比較高同瘦！直到分鏡階段，就決定將佢哋兩個嘅模樣統一！
Photo from Studio Ghibli @Twitter
Photo from Studio Ghibli @Twitter
6. 白龍嘅身世之謎
白龍嘅本名係「ニギハヤミコハクヌシ」（賑早見琥珀主），係由多位神明嘅名字所組成，而白龍就係掌管「琥珀川」嘅河神！白龍外表上睇落似12歲，不過實際年齡就不明。
Photo from Studio Ghibli @Twitter
Photo from Studio Ghibli @Twitter
7. 無面男嘅原型
其實無面男並冇參考任何動物或者神明而進行二次創作，官方回應「無面男擁有一個執著嘅心，結合咗所有人都會擁有嘅另一面」；而宮崎駿亦曾經講過「每個人心中都存在一個無面男」！
Photo from Studio Ghibli @Twitter
Photo from Studio Ghibli @Twitter
8. 片頭石像場景含義
動畫開頭千尋因為嬲父母突然搬屋，而嬲爆爆咁企咗喺一個石像隔離。原來呢個石像係一隻蛙人，而官方亦釋出手稿證明！
Photo from Studio Ghibli @Twitter
Photo from Studio Ghibli @Twitter
9. 千尋於湯屋工作的日子
其實千尋由迷失於街道，到去湯屋工作直到最後離開隧道，足足用咗3日嘅時間！而片尾發光嘅髮圈就係千尋曾經喺湯屋工作過嘅證據！
Photo from Studio Ghibli @Twitter
10. 湯屋工作的「小玲」係人類？
唔少人都非常好奇湯屋裡面嘅員工都同人類長得非常相似，令唔少觀眾覺得佢哋好有可能同千尋有同樣遭遇？！吉卜力工作室解釋「男員工係由青蛙所演變成；而女員工就本身係蛞蝓」！不過有宮崎駿迷就發現喺原稿中發現旁邊寫上「白狐」，睇嚟宮崎駿先生本身係以另一種動物為原型咁創作小玲呢～
Photo from 《千與千尋》
Photo from Studio Ghibli @Twitter
11. 浸溫泉「小鳥」的真面目？
喺澡堂好得意咁一齊浸溫泉嘅小鳥們原來係「大鳥神」，亦即係鳥界嘅神！宮崎駿先生話「建立呢個溫泉嘅原因係因為神明們工作都非常辛苦，係為咗令佢哋消除疲累而開設」，仲話相信20年後嘅而家湯屋嘅生意依然會係咁好～
Photo from 《千與千尋》
Photo from Studio Ghibli @Twitter
12. 千尋與白龍會再相遇？
相信唔少人都對於白龍同千尋嘅結局感到非常好奇～而白龍實際上就係千尋以前屋企附近河川嘅主人，所以若果千尋重回舊地就可能有機會見面？！官方表示呢個問題就唔確切咁回答，等各位觀眾自行想像喇～
Photo from Studio Ghibli @Twitter
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
內地中文版《千與千尋》海報再引起熱議！ 配音演員扮戲中角色破壞意境？ 網民大叫：毀壞童年
25 Jun , 2021
相信大家都一定有睇過著名日本動畫師宮崎駿嘅動畫～近日，宮崎駿嘅經典作品《千與千尋》喺內地上映時嘅海報再一次引起網民們嘅熱議。當時，內地官方為咗宣傳電影，請來一班幕後配音嘅演員們拍攝「真人版」電影海報，令唔少網民都驚呼好有違和感！
Photo from 微博
日本經典動畫片《千語千尋》係由吉卜力工作室所製作，並於2001年上映，當時喺日本國內創下約2,350萬人次觀看嘅佳績！而佢仲榮獲第75屆的奧斯卡金像獎最佳動畫片，成為家傳戶曉嘅動畫片之一，直到而家依然係唔少人心目中嘅經典作品～
Photo from Pinterest
《千與千尋》喺2019年6月先正式喺中國上映，當時官方就請咗著名設計師黃海幫手設計電影海報，海報嘅設計令唔少網民當時都大讚好有意境，令人可以一下子就能夠投入返入套動畫裡面！
Photo from 微博
Photo from 微博
而內地上映時，除咗推出日文原版配音之外，仲另外推出咗中文配音版本，由周冬雨配音千尋、井柏然配音白龍等。為咗宣傳，官方就邀請咗呢班幕後配音嘅演員們拍攝「真人版」嘅海報，穿上佢哋各自配音嘅角色，讓佢哋融入喺《千與千尋》嘅背景當中～
Photo from 微博
Photo from 微博
當呢啲「真人版」嘅海報釋出嘅時候，唔少網民都表示十分驚嚇，紛紛留言話「毀壞咗我童年嘅回憶」等！
Photo from 微博
Photo from 微博
再加上，配音員們身上所穿嘅衣服同電影中並不相似，令大家都覺得好有違和感！唔少網民認為白龍嘅呢張劇照非常油膩，同原著中嘅角色有啲差別；而千尋嘅露膊裝就太過成熟，同仲係小朋友嘅千尋有好大差別！
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
