MIRROR幕後員工被指對電台職員無禮 陳志雲聽聞有同事求合照被鬧：有啲怨言

資深傳媒人陳志雲近日在個人YouTube頻道上載一條名為「時事短評—難為了姜濤」嘅影片，當中提及姜濤近日租新屋被私追困擾問題，又爆曾有電台同事疑遭MIRROR工作人員不禮貌對待！

Photo from 陳志雲 YouTube，MIRROR FB

陳志雲點評姜濤私追、MIRROR IG管理員「公關災難」

陳志雲日前發佈了一條評論影片，當中首先提及姜濤正面對私追問題，姜濤近日出席ViuTV劇集《季前賽》記者會時承認租住新居，並希望可以在新居有多啲個人空間。豈料，竟然有部分極端粉絲找到姜濤新居地址，令姜濤再受困擾，逼到佢上載黑底白字IG Story寫道：「請真的給我一點空間。」

Photo from 姜濤 IG

之後連經理人花姐都另發IG Story，表示姜濤同一般人一樣，都要有私人空間及休息時間，並懇請各位唔好再對佢進行「私追」。

Photo from 花姐 IG

花姐近排真係特別忙，唔單只出面回應私追問題，亦要代MIRROR IG嘅admin態度爭議道歉。對此，陳志雲大讚花姐處理得宜。

Photo from 陳志雲 YouTube

陳志雲爆疑有MIRROR幕後人員對電台同事無禮

之後，陳志雲提到自己都聽過電台同事，對MIRROR幕後團隊嘅個別人員有怨言。佢指，MIRROR部分成員不時會到電台接受訪問，電台一啲同事係佢哋粉絲，所以知道佢哋嚟時就趁機喺直播室等佢哋，希望可以影一張合照。

Photo from 陳志雲 YouTube

佢續指：「有位同事話，當時跟住MIRROR嘅工作人員都幾唔禮貌同佢講『你屬於邊個部門？你咁樣嚟要求影相，有冇徵求過你上司同意？』結果場面搞到幾尷尬。」

Photo from 陳志雲 YouTube

Photo from 陳志雲 YouTube

陳志雲認為可以有更好做法

陳志雲理解藝人行程緊密，未必有時間影相，於是佢提出一個更有禮貌嘅做法：「可以代表藝人講一聲『對唔住，因為工作關係，今日唔可以多留影相。』」陳志雲認為咁講大家都會諒解明白，唔一定要用到早前提及嘅語氣同語句表達。

Photo from MIRROR IG

Photo from 陳志雲 YouTube

佢表明唔知道「電台事件」有無真係發生過，佢都講返所聽所聞，又直言如果事件係真，咁就希望幫MIRROR宣傳嘅同事可以參考佢嘅建議，「畢竟大家都係愛MIRROR先會有咁嘅反應。」

鏡粉望幕後唔好拖累MIRROR

對此，不少鏡粉都認同陳志雲所說，希望MIRROR幕後團隊改善對外部人員態度，更有人留言大呼：「咪拖累MIRROR！」，並希望佢哋唔好浪費了12子嘅努力。

Photo from 陳志雲 YouTube

相關文章：MIRROR IG管理員狂寸鏡粉惹眾怒，有骨對話一覽！花姐公開道歉「撲火」

相關文章：香港金曲頒獎典禮2021｜曾志偉邀MIRROR亮相TVB遭拒絕「唔得閒！」強調頒獎機制公平

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）