Ash鍾卓穎神隱18日「復出」試水溫？Sica留言力撐竟掀罵戰！
Ash與MC張天賦傳緋聞，前夫龍龍爆離婚真相
Ash雖然喺《全民造星4》60強就被淘汰，但人氣仍然高企，IG followers數更直逼冠軍Marf，廣告亦接唔少，有望繼續喺演藝圈發展。
佢更參演2021年新人王MC張天賦嘅MV，前途本來一片光明，點知佢老公龍龍發文證實已經同Ash離婚，仲有網民影到Ash平安夜當日同MC行街，傳出緋聞。
之後Ash前夫龍龍再開live表示簽咗保密協議，Ash更出錢買機票要佢離開香港盡快飛返台灣，一連串風波令Ash「天使」形象大受打擊。
Ash簽約ViuTV，近日晒相疑為「復出」鋪路
緋聞傳出後Ash從未正式回應，IG自2022年1月2日以後就無再更新，一直「低調」嘅佢被發現喺IG個人簡介透露已簽約做ViuTV藝人，有望喺樂壇發展。
「神隱」超過2星期嘅Ash終於喺IG po相，佢大晒同狗狗嘅合照：「單純嘅陪伴最珍貴 你係我最珍貴嘅芝麻」，有網民猜測佢為「復出」試水溫。
Sica留言力撐掀網民罵戰
而呢個post亦有唔少《全民造星4》參加者留言，其中更包括同樣已簽約ViuTV嘅Sica（何洛瑤）力撐：「禾得兩隻腳不過我點都喺度✌?」
不過有網民回覆Sica：「感覺你比『佢』單純好多， 小心比人利用都唔知」，隨即被其他人鬧爆：「主席（Sica）想同咩人做朋友都係佢自由」，叫佢要慎言，批評Sica身邊嘅人，反而會令Sica更唔開心。
網友唔接受Ash：「想扮無事發生？」
其實Ash呢個新post嘅留言有唔少網民支持，但另一方亦有大批網友繼續批評：「唔係唔回應又諗住過到骨嘛？」、「扮有愛心試水溫， 黑歷史浮哂上面仲要繼續扮純情，何必呢？」
有網民則指好多支持Ash嘅IG account都係假ac嚟，又稱Ash會刪除負面評論。其實喺出新post之前Ash都有更新IG Story，其中更分享金句「如果冇呢啲經歷又點會成就到今日嘅你呀」，似乎將離婚風波視為可以令佢成長山嘅經歷。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Ash鍾卓穎承認離婚後刪走婚戒廣告！網友斥同前夫疑11月分居12月仲扮恩愛
6 Jan 2022
《全民造星4》人氣落選參賽者Ash（鍾卓穎）以人妻身份參賽獲唔少網友支持，但日前佢就承認已離婚，即成網友熱話！而佢宣佈離婚前仲有喺IG post婚戒廣告，現時廣告文已被刪除，有網民力斥佢分咗居仲營造幸福人妻假象！
《全民造星4》人妻Ash鍾卓穎落選仍擁超高人氣
《全民造星4》女團尚未公佈成員，唔少落選參賽者都成為廣告商寵兒，其中Ash（鍾卓穎）喺節目中以「天使」形象為人熟悉，雖然喺比賽初期就淘汰，更被爆早已結婚，但Ash人氣不減，IG follower更直迫冠軍Marf！
Ash曾表示無提自己已婚係希望保護圈外人老公，又大讚老公好支持佢參賽，而Ash工作量亦唔少，IG有唔少廣告post，更出演「樂壇新人王」MC張天賦嘅MV，即使最後無入女團相信前途亦無可限量。
Ash發文承認離婚，10幾日前post婚戒廣告晒恩愛
就算做咗人妻，Ash人氣亦有增無減，憑籍呢個身份佢仲接到著名珠寶公司嘅戒指廣告，喺caption又大晒恩愛：「跳出confort zone唔係一件容易嘅事，但好幸運我有我先生一直鼓勵同支持我。」
估唔到無幾耐Ash就發文承認已同老公分開，回復單身！Ash承認離婚掀起網民熱議，一直以嚟Ash以人妻身份受訪都不忘讚老公，而且兩人結婚一年，正係甜蜜階段，加上前夫IG言談間明顯對Ash非常不捨，唔少人都對佢哋離婚嘅原因十分好奇。
被爆同MC張天賦平安夜出遊，Ash刪走戒指廣告
Ash宣佈離婚令外界有唔少猜測，更有網民公開疑似Ash同MC張天賦平安夜出遊嘅相片，隨即引發Ash因與MC拍MV而婚變嘅傳聞。唔少網民都於討論區留言指：「紅咗就飛起人」
傳出離婚後網友直言Ash 12月15日先喺IG出婚戒廣告post晒恩愛，短短十多日就宣佈離婚，仲同時傳出緋聞，認為佢相當「倒米」，而相關嘅珠寳公司亦關閉留言。
有網友發現Ash當初嘅IG 廣告post現時已被刪除，有網友猜測喺珠寳公司要求del po：「婚禮用品咁講意頭，離婚咁唔老黎，邊個仲會幫襯佢哋？」，又有人稱佢公司本身打算傾一年嘅廣告，但Ash離婚嘅新聞一出即刻取消咗Ash嘅廣告會議。
與前夫離婚前，Ash訪問自爆有同老公商量生BB計劃
Ash與前夫閃電離婚嘅傳聞越演越烈，有網友發現Ash同前夫疑早於11月感情已出現問題分居，但12月15日Ash仍繼續喺社交網站晒恩愛稱先生送對戒做禮物，喺離婚消息公佈前10日，佢接受訪問仲大談生BB計劃。
Ash喺訪問中提到佢咁早結婚係因為認定對方，又表示曾同老公商量生育計劃，當時仲以「我先生」稱呼前夫，完全無離婚跡象！有網民就認為Ash人前經常提起丈夫只為營造婚姻美滿嘅人妻形象，直斥佢明明已分居仲扮幸福！
MC張天賦經理人喺fans群中直指Ash前夫有問題
最近MC接受訪問時更直認平安夜有同Ash行超市，不過就強調佢哋唔係好熟，之後party仲有好多人參加。但網民對呢個解釋唔收貨，指兩人唔熟仲單獨行街好唔合理：「唔熟又會平安夜同人出街，點解都解唔通啦」
有網友公開咗MC fans Telegram group嘅截圖，發現管理員喺fans群度直指Ash前夫有問題：「女人嫁咗個咁嘅老公都慘」
管理員更疑似係MC嘅經理人，因為喺叱咤頒獎禮上MC獲男新人金獎時有多謝佢，事年爆出後唔少網民指經理人唔應該多口「潑火」，認為只會令事件越搞越大：「得閒教下mc點答傳媒問題好過啦！」
圖片來源：Ash IG、張天賦 IG、LIHKG、華納 IG、IG@taiwan.fatboy
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
