女生攜母超市掃4千元貨 逼同行男友埋單 被罵後反指對方小氣！
男女約會屈食飯錢聽得多，但去超市買嘢都可以逼伴侶埋單？！近日，台灣一名男子與女友一起到超市購物，女方帶同媽媽一起掃貨近4千港元後竟然拒絕付款，仲沒收埋男友買嚟自用嘅物品！台男非常生氣，認為二人無法繼續交往下去。
Photo from 《愛回家之開心速遞》 TVB
台男陪女友行超市蝕大錢
最近，台灣一名男子到「爆料公社」發文，表示佢早前陪女友以及女友媽媽行超市，兩母女買咗好多嘢，而台南自己只買了剃鬍刀和可樂。埋單時，台男以為會各自付費，但女友卻拉著媽媽跑去攞Pizza及牛肉捲，淨返台男一人排隊等結賬。
Photo from 《愛回家之開心速遞》 TVB
眼見隊伍越來越短，但女友仲未返嚟，台男於是打畀女友，但女友都直接收線，所以台男只好獨自為整架購物車內嘅物品付款。
Photo from 《愛回家之開心速遞》 TVB
連剃鬍刀都唔放過！
睇在女友媽媽份上，台男無即場表達不滿。佢將物品搬到車上，載兩母女返屋企。到家後，母女二人開始將物品搬到置物空間，就連男友買畀自己嘅剃鬍刀和可樂都搬走埋。男友見狀，即時將女友拉到一旁，表明該兩樣物品唔屬於佢哋。
Photo from 《愛回家之開心速遞》 TVB
但女友卻表示佢鍾意飲可樂，佢以為可樂係台男買畀佢飲。至於剃鬍刀，女友話佢爸爸剛好要換剃鬍刀，所以佢拿去了，仲叫男友唔好咁小氣。台男要求女友歸還剛才買嘢嘅錢，結果女友即時反面，不滿男友連4千港元都要問佢攞返。
Photo from 《愛回家之開心速遞》 TVB
台男又問女友：「剛才你買咗7個牛肉捲，總有預埋我份吧？」但女友卻回應，由於台男無話要食，所以無買佢嗰份。
Photo from 《愛回家之開心速遞》 TVB
相識2個月已經想分手
男友聽罷非常生氣並即時離開現場，而女友亦無挽留。男友大呻，佢行超市後又餓又累，最後唔單只兩手空空回家，仲損失了約4千港元。佢坦言，與女友只認識了兩個月就搞成咁，睇嚟可以分手了。
Photo from 《談情說案》TVB
對此，不少網民都替台男感到不值，留言指：「看得出來她把你當工具人」、「被當提款機」、「花一萬多（台幣）就看清很值得了啦，她的人格就只值一萬多」。睇嚟大家都支持台南決定與女友分手嘅決定。
Photo from 爆料公社
Photo from 爆料公社
Photo from 爆料公社
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
