元朗麥記客家糕點｜多豆紫薯砵仔糕＋即包水餃

元朗區美食多籮籮，今次記者帶你直搗元朗街市，發現間街坊小店麥記糕點。店舖主打客家糕點及水餃，臨近新年，店員密密蒸糕製作賀年糕點。

麥記糕品

元朗區一向不乏美食店，老字號、人龍店數之不盡，今次推介的小店雖然並不是街知巷聞的長龍店，不過於街坊口中，這間小店頗有人氣。麥記糕點30年前由街邊小販做起，捱足10多年，最後座落於又新街，經營家庭式小店。店舖主打自家製客家糕點及水餃，憑著足料又份量十足的食物，取得街坊歡心。

Photo from PressLogic

招牌砵仔糕&茶粿

小店最受歡迎的是砵仔糕，口味相當創新，有坊間少見的芝麻、薑汁、紫薯口味；當中最吸引是紫薯味，於傳統糕點中加入創意，食落口感煙韌之餘，而且食到粒粒紫薯！

Photo from 圖片授權：Facebook@La Vie

Photo from 圖片來源：麥記糕點

傳統黃糖的砵仔糕亦不馬虎，表面有密密麻麻的紅豆粒，口感香軟Q彈；不過特別口味的砵仔糕不定時供應，想試都要碰碰運氣。

Photo from PressLogic

客家美食不少得茶粿，麥記茶粿口味有齊眉豆、綠豆、豆沙等，茶粿外皮軟滑又有嚼頭，餡料多到滿瀉；記者特別推介豆沙味，豆沙蓉口感超細滑！

Photo from PressLogic

Photo from PressLogic

麥記亦有售糯米糍、小米糕、白糖糕等傳統美食，糯米糍大大粒又抵食；小米糕如棉花般軟糯蛋香十足。

Photo from PressLogic

臨近新年，麥記大賣自家製賀年食品，包括角仔、煎堆、賀年糕點等，賀年糕點更日賣1,000底，難怪老闆左忙右忙，密密蒸糕！

Photo from PressLogic

即叫即包水餃

除了糕點，麥記即叫即包的水餃亦相當受歡迎，不少街坊指這是必食的火鍋配料，即製水餃夠新鮮，把餡料塞至滿溢，平均$25一盒，相當划算！

Photo from PressLogic

Photo from PressLogic

麥記糕品
地址：元朗又新街38恆富大廈地下
電話：從缺

更多【美食推介】請按此

相關文章：

煒成麵飽餅店｜大埔巨型流心焦糖布甸法包 每日限量100個！朱古力髒髒包

相關文章：

James BonBon｜日賣2,000個！朝聖招牌菠蘿皮麻糬波波 前四季餅廚主理！爆餡榛子醬

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）