洪卓立新戀情疑似曝光？！對象係《膠戰》Hillary？二人因拍MV結緣

By Stephanie on 31 Jan 2022

Digital Content Writer

洪卓立（Ken）自2018年宣佈同交往11年嘅湯怡分手後，感情生活一直都備受關注，但佢就似乎希望寄情於工作。最近，有網民就發現佢疑似同ViuTV節目《膠戰》女主持Hillary（劉沛蘅）拍拖嘅證據，引起網民熱議！

Photo from 洪卓立IG

# 洪卓立感情生活備受關注！

現年34歲嘅洪卓立（Ken）2018年突然於IG宣佈同交往11年嘅湯怡分手，當時令唔少網民都直呼可惜。而佢嘅感情生活亦成為焦點，但佢似乎就想將所有心思都投放於工作中，上年佢喺內地拍戲嘅時候，仲傳出因為高處墮下而導致抽搐昏迷，令唔少粉絲都表示好擔心！

Photo from 湯怡IG

Photo from 洪卓立IG

# 網民疑似發現洪卓立戀愛中證據？！

最近，有網民就發現洪卓立疑似有新歡，而對象就係ViuTV節目《膠戰》中嘅Hillary（劉沛蘅）？！網民喺連登討論區開post，表示無意中見到男方於IG Story上載Hillary同狗狗嘅親密合照；而女方過往亦曾經喺IG上載同愛犬嘅照片，並寫上「#同我個寶貝仔寶貝女」，睇嚟佢哋都好鍾意小動物～

Photo from 連登討論區

Photo from Hillary IG

# 二人因為拍攝MV而認識！

但網民就覺得洪卓立應該係手快快唔小心將照片發佈，因為佢好快就已經將該Story刪除！而大部分網民都對於洪卓立新戀情嘅消息，感到高興並表示祝福，大讚Hillary係一位唔錯嘅女仔～有指，二人喺2019年因為拍攝《數寄屋橋次郎》MV扮演情侶而結緣，當時已經有唔少粉絲覺得佢哋外型合襯，莫非而家真係戲假情真？！

Photo from 連登討論區

Photo from 《數寄屋橋次郎》MV

# Hillary模特兒出身，因為拍攝《膠戰》而為人熟悉！

而現時30歲嘅Hillary（劉沛蘅）係模特兒出身，早於2008年就已經加入熊黛林、Angelababy所屬嘅公司，曾經出演多部電影《蝕日風暴》、《十二金鴨》等，直到2020年獲邀出演ViuTV節目《膠戰》成為「六膠」知名度開始上升！

Photo from Hillary IG

# 曾與狄以達交往！

Hillary過往曾經同狄以達（前稱狄易達）交往接近4年，直到2014年宣佈分手！而喺日前剛播出嘅《膠戰》最後一集，Hillary仲成為大家公認係「情史最豐富」；而阿正仲大爆二人第一次見面嘅時候，Hillary就曾經話過佢嘅側面同前度男友相似，仲話呢位前度非常擅長跳舞，相信好大機會係講緊狄以達～

Photo from 《乘著光影戀愛》MV

Photo from Hillary IG

相關文章：洪卓立單拖過生日群星留言祝賀獨欠湯怡！湯怡連日post相回味大婚當日

相關文章：33歲洪卓立面容浮腫大崩壞？網民：塊面啲肉鬆泡泡又有阿叔味

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

洪卓立晒16年前舊相自嘲：MK，望多眼都頂唔順！網友激獲靚仔樣根本冇變過

11 Mar , 2021

準備推出新歌嘅洪卓立近日就喺 IG 上傳咗幾張學生時期嘅相同大家開心 share，佢仲以「消失了的骨膠原」作為主題自嘲添，認真抵死搞笑。

洪卓立為新歌《你那邊好嗎》作準備，仲為 MV 搵咗唔少陳年舊相出嚟，連日嚟佢就喺 IG 每日一相咁同大家開心 Share，而第1張就係佢中學時期嘅舊相嚟。

在 Instagram 查看這則貼文

洪卓立 Ken Hung（@hungcl）分享的貼文

相中見佢著住白色背心，皮膚白淨同依家相比幾乎冇咩分別，佢就留言：「為博紅顏們一笑，除了蒐集大家的兒時照片外，同事、導演和工作人員，還有我自己都需要獻出兒時MK醜照數張放在MV之內，這是其中一張，中學時期有陣子潮流興......扮被人影......」之後又搞笑咁加上hashtag「消失了的骨膠原」，引嚟唔少人留言大讚佢個樣根本冇變過。