王祖藍被傳與TVB高層因鍾嘉欣鬧不和 對視后人選各執己見 無晒癮拉大隊北上掘金?

王祖藍被傳與TVB高層因鍾嘉欣鬧不和 對視后人選各執己見 無晒癮拉大隊北上掘金?

娛樂新聞
By Cheryl on 07 Feb 2022
Digital Editor

王祖藍去年加入無綫擔任首席創意官,希望可協助大台嘅綜藝及娛樂節目重振聲威,但近日卻有傳佢曾因為鍾嘉欣爭視后一事而與高層曾勵珍以及樂易玲發生爭拗,故此佢相當無癮,並轉帶香港藝人北上另覓出路。

王祖藍近日被傳與TVB高層不和,起因竟向高層爭取鍾嘉欣攞視后一事有關?Photo from 王祖藍 微博

傳王祖藍曾為鍾嘉欣爭視后與高層起爭執

王祖藍回到TVB做創意總監後,打造了多個節目,例如《開心大綜藝》、《好聲好戲》、《日日媽媽聲》等,但近日有傳佢做到意興闌珊。據聞起因與鍾嘉欣角逐視后有關,嘉欣在劇集《星空下的仁醫》表現獲不少網民讚賞,賽前呼聲非常高。王祖藍於是極力遊說嘉欣從加拿大返港出席頒獎禮,並以視后大獎作利誘。

鐘嘉欣雖然失落最佳女主角,卻是不少人心目中嘅「民選視后」Photo from 鐘嘉欣 IG

但有傳TVB高層曾勵珍與樂易玲對邊個攞視后一事持不同意見,同時亦又傳聞指,有高層阻撓讓舊將杜之克拍嘅《星空下的仁醫》奪視后及最佳劇集兩項大獎。 王祖藍因此同兩位女高層在公司發生口角。最後鍾嘉欣失落視后,令曾出口遊說嘅祖藍無曬癮,繼而引發佢同兩名女高層不和嘅傳聞。

樂易玲擔任TVB高層多年,近日有傳王祖藍同佢起不和Photo from TVB娛樂新聞

曾勵珍與樂易玲掌管TVB多年Photo from TVB娛樂新聞

王祖藍轉地盤,帶藝人北上發展?

傳聞亦不止於王祖藍與高層不和,近日亦有傳佢會親自帶無綫藝人轉移陣地北上發展。自上月起祖藍帶了高海寧、王浩信及張振朗到內地交流,有傳此事引起內部爭議,有人士認為作為大台高層嘅祖藍不可能離開總部咁長時間,但祖藍堅稱自己有能力處理事務。

不論係自己定其他藝人,王祖藍近年都好著重內地發展Photo from 王祖藍 微博

廣告
廣告

有指王祖藍計劃做「代理人」為TVB藝人打理內地工作,並向即將約滿嘅無綫及邵氏旗下藝人招手,並可作中間人為佢哋接洽內地工作,開拓新嘅發展路線。

王祖藍近日帶了幾個TVB藝人到內地交流Photo from 王祖藍 IG

王祖藍帶高海寧、王浩信+張振朗到內地交流

上月中,王祖藍已在社交網貼出一張「TVB內地交流組」合照,當中包括高海寧、王浩信及張振朗,並在帖文寫道「第一組順利到達,歡迎內地的夥伴們交流指導」,言下之意未來可能會有更多TVB藝人到內地工作。

王祖藍上月帶了高海寧、王浩信及張振朗北上做交流團Photo from 王祖藍 微博

王祖藍在帖文表示合照中為TVB到內地嘅交流團Photo from 王祖藍 IG

到了數天前,祖藍又再上載另一張「內地交流組」照片,同樣係佢同高海寧、王浩信及張振朗一起,到了上海一間餐館食開年飯,仲同粉絲表示翌日將會舉行直播,睇嚟佢真係幫大台藝人安排了不少內地行程,至於係咪真係可以開拓另一出路,就要觀看以後發展。

王祖藍近日再上傳照片,大曬同高海寧、王浩信及張振朗在上海食開年飯嘅合照Photo from 王祖藍 微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel