網紅堅持等男友瞓覺後卸妝!公開素顏樣貌!網民驚呼:根本就係易容術

網紅堅持等男友瞓覺後卸妝!公開素顏樣貌!網民驚呼:根本就係易容術

生活熱話
By Stephanie on 22 Nov 2022
Digital Content Writer

唔少女生出門嘅時候都習慣要化妝,希望可以令外表睇落更光鮮亮麗~最近,有位女網紅就表示自己只會喺男友瞓覺後先卸妝,仲公開自己妝前妝後嘅樣貌,嚇親一班網民!

唔少女生都會化妝示人,但有位網紅就自爆真面目,仲話絕對唔會喺男友面前卸妝!Photo from TVB

# 女生都唔會立刻向男友展示素顏?!

唔少人為咗可以喺其他人心中留下好印象,出街嘅時候都會化妝,維持形象~有唔少女友甚至唔敢喺男友面前展示素顏,驚會令對方幻想破滅。以下呢位網紅就係其中一位,但佢就大方向網民展示自己卸妝後嘅樣貌,令大家都終於明白佢點解唔肯以「真面目」見男友喇!

交往初期,唔少女生都唔願意喺男友面前卸妝!Photo from 《女神降臨》

# 網紅坦承只會等男友瞓覺先卸妝!

從網上流傳嘅影片所見,呢位擁有白皙皮膚、眼睛水汪汪嘅女網紅就話剛剛哄完男友瞓覺,輕聲細語話一定要等男友瞓咗覺先敢卸妝,「怕他見到我素顏會發惡夢」!

網紅表示佢只會等男友瞓覺先卸妝!Photo from Facebook@爆廢公社公開版

認為自己嘅素顏可能會令佢發惡夢!Photo from Facebook@爆廢公社公開版

# 妝前妝後差異極大!

只見畫風突然一轉,網紅就已經以真面目示人!只見素顏嘅佢雙眼變成單眼皮、膚色有差異、眉毛亦比較稀疏,可以話係判若兩人!片尾中,網紅就無奈慨嘆「不知道男友什麼時候才能適應我的素顏」~

網紅卸妝後,樣貌的確有差異!Photo from Facebook@爆廢公社公開版

而佢亦感慨唔知道幾時先可以喺男友面前展示素顏!Photo from Facebook@爆廢公社公開版

# 網民驚訝認為根本係易容!

唔少網民睇完影片都表示大受驚嚇,認為網紅嘅化妝技巧,簡直就同「易容」冇分別!另一方面,網民都講笑咁話「應該下輩子都未適應到你的素顏」、「故事教訓我們別談網戀」等,亦有男網民表示突然好奇另一半嘅真面目!

網民都表示嚇親,認為網紅嘅化妝技巧高超!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

網紅拍片途中遭哥哥關掉濾鏡,真面目表露無遺!網民大驚:根本係兩個人

廣告
廣告

10 Feb , 2022

隨著修圖技巧嘅進步,唔少網民影相嘅時候會用濾鏡,網絡上充斥住唔少「照騙」~最近,內地一位哥哥貪玩同皮膚白皙嘅妹妹一齊拍片,但就突然關掉濾鏡,令妹妹嘅真面目曝光!

現時唔少人用手機影相時,都會用濾鏡或者filter~Photo from TVB

# 拍照濾鏡越來越普遍!

現時嘅手機拍照功能非常方便,社交平台亦有唔少濾鏡俾大家選擇,即使素顏上陣都完全唔需要擔心,成為現代人必備嘅社交工具之一~

濾鏡盛行之後,網絡經常都會有唔同嘅「照騙」!Photo from TVB

# 哥哥與樣貌甜美妹妹拍片~

最近,內地就瘋傳一條影片,內容大致講述一位哥哥同妹妹一齊拍攝影片。妹妹皮膚白皙,五官精緻笑容甜美,喺鏡頭前非常有自信咁擺V字手勢!

內地一位哥哥同妹妹一齊拍攝影片~Photo from 微博

只見妹妹皮膚白皙,非常有自信咁於鏡頭前擺pose!Photo from 微博

# 突然關掉濾鏡,令妹妹真面目無意中曝光!

然而,貪玩嘅哥哥卻突然間關掉相機濾鏡同美顏效果,令妹妹嘅真面目原形畢露!只見佢本身擁有健康膚色,而且外貌亦比較臃腫,判若兩人!眼見自己嘅真面目無意中暴露,妹妹亦非常尷尬咁追住哥哥。

哥哥突然關掉濾鏡,令妹妹嘅真面目曝光!Photo from 微博

妹妹亦因為尷尬而追打哥哥,場面爆笑~Photo from 微博

# 網民讚嘆科技嘅威力~

呢段影片於網絡上瘋傳,唔少網民都對妹妹嘅「素顏」感到十分驚訝,亦讚嘆現時濾鏡嘅效果十分強大「以為是兩個人」、「難怪網上有這麼多美女!」等留言。

唔少網民睇完驚悚嘅變身影片後,都讚嘆濾鏡嘅威力~Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel